|
|
 |
| (GMT+08:00)
2006-02-15 20:40:35
|
 |
|
ຈີນມຽນມາເພີ່ມທະວີການຖອດຖອນເອົາບົດຮຽນຂອງກັນກ່ຽວກັບໜ້າທີ່ຮ່ວມກັນ
cri
Author: li
ຕາມຂ່າວ CRI: ວັນທີ 15 ກຸມພາ ຢູ່ທີ່ປັກກິ່ງ ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ພົບປະທ່ານໂຊວິນ ນາຍົກລັດຖະມົນຕີມຽນມາ. ສອງຝ່າຍເປັນເອກະສັນກັນກ່າວວ່າ,ຍິນດີເພີ່ມທະວີການແລກປ່ຽນກັນ,ຮ່ຳຮຽນແລະຖອດຖອນເອົາບົດຮຽນຂອງກັນກ່ຽວກັບໜ້າທີ່ຮ່ວມກັນຂອງສອງປະເທດຄືເຮັດໃຫ້ເສດຖະກິດຈະເລີນແລະຍົກລະດັບຊີວິດການເປັນຢູ່ຂອງປະຊາຊົນໃຫ້ສູງຂຶ້ນ.
ໃນການພົບປະ,ທ່ານອູປາງໂກກ່າວວ່າ,ຝ່າຍຈີນຖະໜຸຖະໜອມມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນກັບມຽນມາ,ຍິນດີກັບຝ່າຍມຽນມາພ້ອມກັນທຳຄວາມພະຍາຍາມ,ເປີດກວ້າງແລະເຮັດໃຫ້ການພົວພັນສອງຕໍ່ສອງມີເນື້ອໃນອຸດົມສົມບູນຂຶ້ນ,ພ້ອມກັນບັນລຸການພັດທະນາແລະຄວາມຈະເລີນຮຸ່ງເຮືອງ.
ທ່ານໂຊວິນກ່າວວ່າ,ຝ່າຍມຽນມາຍິນດີປັບປຸງແລະພັດທະນາມິດຕະພາບອັນເປັນມູນເຊື້ອລະຫວ່າງສອງປະເທດ,ເພີ່ມທະວີການຮ່ວມມືກັນດ້ວຍໄມຕີຈິດລະຫວ່າງສອງຝ່າຍໃນທຸກຂົງເຂດ. ທ່ານກ່າວລື້ມວ່າ,ຝ່າຍຈີນເດັດດ່ຽວຍຶດໝັ້ນຫຼັກໝັ້ນຈີນດຽວ,ແລະຍ້ອງຍໍສະພາປະຊາຊົນແຫ່ງຊາດຈີນທີ່ໄດ້ເສີມຂະຫຍາຍບົດບາດອັນສຳຄັນໃນການພັດທະນາເສດຖະກິດສັງຄົມຂອງຊາດ.
|
|
|
