|
|
 |
| (GMT+08:00)
2006-02-15 20:45:42
|
 |
|
ຈີນຫວັງໃຫ້ໄຕ້ຫວັນເປີດປະຕູໃຫ້ພົນລະເມືອງແຜ່ນດິນໃຫຍ່ໄປທ່ຽວໄຕ້ຫວັນ
cri
ຕາມຂ່າວCRI,ວັນທີ15ກຸມພາ,ທ່ານໄຕ້ສ່ຽວເຟີ່ງ ຫົວໜ້າກົມແລກປ່ຽນຂອງຫ້ອງການວຽກງານໄຕ້ຫວັນຄະນະລັດຖະບານຈີນກ່າວວ່າ,ຝ່າຍແຜ່ນດິນໃຫຍ່ປະເທດຊາດໄດ້ກຽມພ້ອມຢ່າງເຕັມທີ່ໃຫ້ພົນລະເມືອງແຜ່ນດິນໃຫຍ່ໄປທ່ຽວໄຕ້ຫວັນ.ຫວັງໃຫ້ຝ່າຍທີ່ກ່ຽວຂ້ອງຂອງໄຕ້ຫວັນໄປຕາມປະຊາມະຕິ,ໃຊ້ທ່າທີອັນຕັ້ງໜ້າແລະຕິດແທດຕົວຈິງ,ເຮັດໃຫ້ພົນລະເມືອງແຜ່ນດິນໃຫຍ່ສາມາດໄປທ່ຽວໄຕ້ຫວັນບັນລຸຜົນເປັນຈິງໂດຍໄວ.
ໃນພິທີໄຂງານມິດຕະພາບຂອງຂະແໜງການທ່ອງທ່ຽວສອງຝັ່ງຊ່ອງແຄບຄັ້ງທີ9ທີ່ຈັດຂຶ້ນຢູ່ຮາບິນ,ທ່ານໄຕ້ສ່ຽວເຟິ່ງເວົ້າວ່າ,ເພື່ອຊຸກຍູ້ການແລກປ່ຽນແລະການຮ່ວມມືກັນລະຫວ່າງວົງການທ່ອງທ່ຽວຂອງສອງຝັ່ງຊ່ອງແຄບ,ແຜ່ນດິນໃຫຍ່ໄດ້ຈັດງານເອັກສ໌ໂປການທ່ອງທ່ຽວສອງຝັ່ງຊ່ອງແຄບຄັ້ງປະຖົມມະເລີກ,ງານສຳມະນາກ່ຽວກັບພົນລະເມືອງແຜ່ນດິນໃຫຍ່ໄປທ່ຽວໄຕ້ຫວັນເປັນຕົ້ນ.ທັງນີ້ໄດ້ສະແດງຢ່າງເຕັມທີ່ໃຫ້ເຫັນຄວາມຈິງໃຈແລະເຈຕະນາດີຫຼາຍທີ່ສຸດຂອງຝ່າຍແຜ່ນດິນໃຫຍ່ໃນການຂະຫຍາຍການພົວພັນສອງຝັ່ງຊ່ອງແຄບຢ່າງໝັ້ນທ່ຽງແລະຮັບໃຊ້ຄວາມສຸກຂອງປະຊາຊົນສອງຝັ່ງຊ່ອງແຄບ.ຍິນດີຕ້ອນຮັບບັນດາອົງການການທ່ອງທ່ຽວຝ່າຍລາດຂອງໄຕ້ຫວັນແລະ ແຜ່ນດິນໃຫຍ່ຫາລືບັນຫາເຕັກນິກບາງຢ່າງກ່ອນ,ເພື່ອຈັດການເຈລະຈາຢ່າງເປັນທາງການໂດຍໄວ.
|
|
|
