|
ເມື່ອພວກເຮົາເປີດແຜນທີ່ໂລກແລ້ວ,ກໍ່ຈະໄດ້ເຫັນຢູ່ລະຫວ່າງທະວີບເອີລົບ,ທະວີບອາຊີແລະທະວີບອາຟຼິກາມີທະເລແຫ່ງໜຶ່ງ,ນັ້ນກໍ່ແມ່ນທະເລເມດີແຕຣາເນ.
ທະເລເມດີແຕຣາເນແມ່ນທະເລຢູ່ລະຫວ່າງແຜ່ນດິນໃຫຍ່ທີ່ໃຫຍ່ກວ່າໝູ່ໃນໂລກ.ຈາກທິດຕາເວັນອອກໄປທິດຕາເວັນຕົກຍາວປະມານ4000ກິໂລແມັດ,ຈາກທິດໃຕ້ຂຶ້ນທິດເໜືອກວ້າງປະມານ1800ກິໂລແມັດ,ເນື້ອທີ່ມີປະມານ2ລ້ານ5ແສນກິໂລແມັດມົນທົນ.ທິດຕາເວັນຕົກຂອງທະເລເມດີແຕຣາເນມີຊ່ອງແຄບຈີບຼານຕາທີ່ກວ້າງ21ກິໂລແມັດ,ຜ່ານຊ່ອງແຄບດັ່ງກ່າວກໍ່ເຂົ້າມະຫາສະໝຸດອັດລັງຕິກແລ້ວ,ທິດຕາເວັນອອກຜ່ານຄອງນ້ຳຊູເອຊ໌ກໍໄດ້ເຂົ້າສູ່ມະຫາສະໝຸດອິນເດຍ,ພາກຕາເວັນອອກສຽງເໜືອຜ່ານຊ່ອງແຄບດາກດາເນວສ໌ແລະຊ່ອງແຄບບົສເພີໂຣສ໌,ຕິດກັບທະເລດຳ.ທະເລບໍລິວານຂອງທະເລເມດີແຕຣາເນມີທະເລເອໂອລຽນ,ທະເລເອເດຼຍຕິກແລະທະເອກີເປັນຕົ້ນ.ແຫຼມອີຕາລີ,ເກາະຊີຊີເລຍ,ຕຸຍນີຊີແລະສາຍພູພື້ນທະເລລະຫວ່າງພວກມັນ, ແບ່ງທະເລເມດີແຕຣາເນເປັນສອງພາກສ່ວນ ຄືພາກຕາເວັນອອກແລະພາກຕາເວັນຕົກ.ປະເທດທີ່ລຽບຝັ່ງທະເລເມດີແຕຣາເນມີ:ອານເຊລີ,ຕຸຍນີຊີ,ລີປີ,ເອຢິບ,ອິສຣາແອນ,ລີບັງ,ຊີເລຍ,ຕວກກີ,ເກຼັກ,ອານບານີ,ຢູໂກສະລາວີ,ໂກຣອາຊີ,ອີຕາລີ,ແອສປາຍ,ຝຣັ່ງ,ປອກຕຸຍການແລະມາລົກ.
ດິນຟ້າອາກາດຂອງທະເລເມດີແຕຣາເນມີພິເສດຫຼາຍ,ລະດູຮ້ອນອາກາດຮ້ອນແຫ້ງແລ້ງຝົນຕົກໜ້ອຍ,ແຕ່ລະດູໜາວພັດອາກາດອົບອຸ່ນຊຸ່ມອຶນ.ດິນຟ້າອາກາດແບບນີ້ເຮັດໃຫ້ແມ່ນ້ຳຢູ່ອ້ອມແອ້ມທະເລໃນລະດູໜາວເຕັມໄປດ້ວຍນ້ຳຝົນ,ເມື່ອຮອດລະດູຮ້ອນກໍ່ບົກແຫ້ງ.ໃນໂລກນີ້, ດິນຟ້າອາກາດແບບນີ້ບໍ່ຫຫຼາຍປານໃດ,ຕາມສະຖິຕິ,ນັບລວມແລ້ວ, ຍັງບໍ່ຮອດ2%.ຍ້ອນວ່າດິນຟ້າອາກາດຢູ່ທະເລເມດີແຕຣາເນພິເສດຫຼາຍ,ໃນເວລາ ທ່ານໂຄເບັນ ນັກອຸຕຸນິຍົມວິທະຍາເຢຍລະມັນຂີດແບ່ງດິນຟ້າອາກາດທົ່ວໂລກ,ດິນຟ້າອກາດຢູ່ແຫ່ງນີ້ເປັນດິນຟ້າອາກາດທະເລເມດີແຕຣາເນເຊິ່ງເປັນດິນຟ້າອາກາດປະເພດໜຶ່ງ.
ເຖິງວ່າມີແມ່ນ້ຳຫຼາຍສາຍ,ເຊັ່ນ,ແມ່ນ້ຳນິນ,ແມ່ນ້ຳໂຣນແລະແມ່ນ້ຳອາຍປູໂລເປັນຕົ້ນໄຫຼເຂົ້າປ່ອງທະເລເມດີແຕຣາເນກໍຕາມ,ແຕ່ຍ້ອນວ່າທະເລເມດີແຕຣາເນຕັ້ງຢູ່ແຖບຮ້ອນສຳຮອງ,ນ້ຳລະເຫີຍຫຼາຍ,ໄດ້ລື່ນກາຍນ້ຳທີ່ໄຫຼເຂົ້າແມ່ນ້ຳແລະນ້ຳຝົນຕັ້ງຫຼວງຫຼາຍ,ພາໃຫ້ນ້ຳໄຫຼລົງສູ່ທະເລເມດີແຕຣາເນໜ້ອຍກວ່ານ້ຳລະເຫີຍ,ຄວາມເຄັມຂອງນ້ຳທະເລກໍ່ສູງກວ່າມະຫາສະໝຸດອັດລັງຕິກ.ນ້ຳຂອງມະຫາສະໝຸດອັດລັງຕິກ,ໂດຍໄຫຼເຂົ້າສູ່ທະເລເມດີແຕຣາເນຜ່ານຊັ້ນເທິງຂອງຊ່ອງແຄບຈີບບຼານຕາ,ນ້ຳເຄັມຂຸ້ນຂອງທະເລເມດີແຕຣາເນໄຫຼເຂົ້າສູ່ມະຫາສະໝຸດອັດລັງຕິກ,ໂດຍຜ່ານຊັ້ນລຸ່ມຂອງຊ່ອງແຄບຈີບຼານຕາ.ມະຫາສະໝຸດອັດລັງຕິກກວ້າງໃຫຍ່,ມີນ້ຳພຽງພໍ,ນ້ຳທີ່ໄຫຼເຂົ້າສູ່ທະເລເມດີແຕຣາເນຫຼາຍ,ມີ7000ແມັດກ້ອນຕໍ່ວິນາທີຖ້າບໍ່ມີນ້ຳຂອງມະຫາສະໝຸດອັດລັງຕິກໄຫຼເຂົ້າສູ່ທະເລເມດີແຕຣາເນຢ່າງບໍ່ຂາດສາຍ,ໃນປະມານ1000ປີຂ້າງໜ້ານີ້,ທະເລເມດີແຕຣາເນກໍ່ອາດຈະບົກແຫ້ງ,ກາຍເປັນຂຸມເຄັມໃຫຍ່ຂຸມໜຶ່ງ.
ປະຈຸບັນ,ທະເລເມດີແຕຣາເນແມ່ນທະເລບໍລິວານຂອງມະຫາສະໝຸດອັດລັງຕິກ.ແຕ່ວ່າ,ໃນປະຫວັດທໍລະນີ,ທະເລເມດີແຕຣາເນພັດມີປະຫວັດເກົ່າກວ່າມະຫາສະໝຸດອັດລັງຕິກ.ຢູ່ລະຫວ່າງ65ລ້ານປີກ່ອນ,ທະເລເມດີແຕຣາເນແມ່ນທະເລທີທິສ໌ອັນກວ້າງຂວາງ.ທະເລທີທິສ໌ມີຂອບເຂດກວ້າງ,ທິດຕາເວັນອອກຜ່ານພູຫິມມະໄລ,ຈົນໄປຮອດມະຫາສະໝຸດປາຊີຟິກທໍ່ນັ້ນ.ໃນຄາວນັ້ນ,ມັນພຽງແຕ່ໜ້ອຍກວ່າມະຫາສະໝຸດປາຊີຟິກ,ມະຫາສະໝຸດອັດລັງຕິກຍັງບໍ່ທັນໄດ້ຈໍ່ຕົວຂຶ້ນ.ຫຼັງຈາກນັ້ນ,ແຜ່ນເອີລົບອາຊີຢູ່ທິດເໜືອກັບແຜ່ນອິນເດຍຢູ່ທິດໃຕ້ໄດ້ເລື່ອນຍ້າຍ, ຫຍັບເຂົ້າໃກ້ກັນແລະຕ່ຳກັນ, ຈົນກະທັ້ງສ້າງພູຫິມມະໄລ, ນັບແຕ່ເວລານັ້ນ,ທະເລທີທິສ໌ກໍ່ໄດ້ຫຍໍ້ຕົວເຂົ້າເປັນທະເລເມດີແຕຣາເນໃນປະຈຸບັນ.
ເຂດລຽບຝັ່ງທະເລເມດີແຕຣາເນ ແມ່ນແຫ່ຼງກຳເນີດອະລະຍະທຳການເດີນ ທະເລແຫ່ງໜຶ່ງ.ຊາວຟີນີເຊຍ,ຊາວຄຼີເທີນ,ຊາວເກຼັກພ້ອມດ້ວຍຊາວປອກຕຸຍການແລະຊາວແອສປາຍຫຼັງຈາກນັ້ນ,ລ້ວນແຕ່ແມ່ນຊົນຊາດພັດທະນາໃນການເດີນທະເລ,ນັກເດີນທະເລຜູ່ຍິ່ງໃຫຍ່ຫຼາຍຄົນກໍເກີດຢູ່ເຂດນີ້.ທ່ານຄິຼສໂທເຟີ ເຄີລຳເປີສ໌ທີ່ໄດ້ຄົ້ນພົບທະວີບອາເມລິກາ,ທ່ານວາສໂກ ເດີ·ກາມາທີ່ສ້າງທາງເດີນເຮືອລະຫວ່າງມະຫາສະໝຸດອັດລັງຕິກກັບມະຫາສະໝຸດອິນເດຍ,ທ່ານມາເຈເລີນ
ຜູ້ເດີນເຮືອອ້ອມໂລກຜຸ້ທຳອິດ,ກໍ່ແມ່ນຜູ້ແທນອັນປະເສີດ.ໃນເວລາດຽວກັນ,ຂະບວນຟື້ນຟູສີລະປະວັນນະຄະດີຈະເລີນຮຸ່ງເຮືອງ,ກໍ່ໄດ້ເລີ່ມຈັດຂຶ້ນຢູ່ເຂດນີ້.ທ່ານໂຄ ເພີນີເຄີສ໌ ຜູ້ປະດິດສ້າງທິດສະດີຕາເວັນເປັນໃຈກາງ,ທ່ານກາລີເລ ນັກຟີຊິກສາດທີ່ຍິ່ງໃຫຍ່ກໍ່ເກີດຢູ່ເຂດນີ້ເຊັ່ນດຽວກັນ.ປະຊາຊົນຢູ່ເຂດທະເລເມດີແຕຣາເນໄດ້ປະກອບສ່ວນອັນໃຫຍ່ຫຼວງເຂົ້າໃນຄວາມກ້າວໜ້າດ້ານອະລະຍະທຳວິທະຍາສາດຂອງມວນມະນຸດໃນໄລຍະມໍ່
|
