|
|
 |
| (GMT+08:00)
2006-02-15 21:21:32
|
 |
|
ເຈົ້າຊີວິດກຳປູເຈຍຊົງຕ້ອນຮັບການເຂົ້າເຝົ້າຂອງທ່ານນາງເຜິງເພ້ຢຸນ
cri
ຕາມຂ່າວສານຊິນຮວາ,ວັນທີ14ກຸມພາ,ຢູ່ພະລາຊະນິເວດທີ່ຊຽມລຽບ,ສົມເດັດນະໂລດົມສີຫະໂມນີ ເຈົ້າຊີວິດກຳປູເຈຍຊົງໄດ້ຕ້ອນຮັບການເຂົ້າເຝົ້າຂອງທ່ານນາງເຜິງເພ້ຢຸນ ປະທານສະພາກາແດງຈີນພ້ອມຄະນະທີ່ໄປຢ້ຽມຢາມ.
ໃນການພົບປະ,ສົມເດັດສີຫະໂມນີຊົງຕັດວ່າ,ການພົວພັນມິດຕະພາບແລະຮ່ວມມືກັນອັນເປັນມູນເຊື້ອລະຫວ່າງກຳປູເຈຍກັບຈີນບໍ່ພຽງແຕ່ໄດ້ສ້າງຄວາມສຸກໃຫ້ປະຊາຊົນສອງຊາດເທົ່ານັ້ນ,ຫາກຍັງມີຄວາມໝາຍສຳຄັນຕໍ່ສັນຕິພາບ,ສະຖຽນລະພາບແລະການພັດທະນາຂອງພາກພື້ນແຫ່ງນີ້.ໃນຫຼາຍປີມານີ້,ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງຮອບດ້ານ,ລົງສູ່ລວງເລິກແລະໝັ້ນທ່ຽງ,ເຮັດໃຫ້ຄົນເພິ່ງພໍໃຈ.
ສົມເດັດນະໂລດົມສີຫະໂມນີຊົງໄດ້ຂອບພະໄທຕໍ່ຈີນທີ່ໃຫ້ການສະໜັບສະໜູນອັນລ້ຳຄ່າແລະຄວາມຊ່ອຍເຫຼືອຢ່າງບໍ່ເຫັນແກ່ຕົວແກ່ກຳປູເຈຍໃນໄລຍະດົນນານມານີ້.ສົມເດັດຊົງຕັດວ່າ,ຜູ່ນຳຮຸ່ນໃໝ່ຂອງກຳປູເຈຍຈະສືບທອດແລະສົ່ງເສີມມິດຕະພາບອັນເປັນມູນເຊື້ອລະຫວ່າງກຳປູເຈຍກັບຈີນ,ສຸມກຳລັງເຂົ້າໃນການຊຸກຍູ້ການພົວພັນຮ່ວມມືດ້ວຍໄມຕີຈິດລະຫວ່າງສອງປະເທດໃນທຸກຂົງເຂດເຊັ່ນການເມືອງ,ເສດຖະກິດແລະວັດທະນະທຳເປັນຕົ້ນ.ກຳປູເຈຍຈະ ປະຕິບັດນະໂຍບາຍຈີນດຽວຢ່າງບໍ່ຫວັ່ນໄຫວຄອນແຄນຈັກເມັດ,ສະໜັບສະໜູນຄວາມພະຍາຍາມຂອງຈີນເພື່ອບັນລຸຄວາມເປັນເອກະພາບຂອງຊາດ.
|
|
|
