ຕາມ​ຂ່າວCRI: ວັນ​ທີ 15 ກຸມພາ, ຄະນະ​ກຳມະການ​ປະຈຳ​ຕ່ອງ​ໂສ້​ອາຫານ​ແລະ​ສຸຂະ​ພາບ​ຂອງ​ສັດ​ສະ​ຫະພາບ​ເອີ​ລົບ (ຫຼື Standing committee on the Food Chain and Animal Health) ​ໄດ້​ອະນຸມັດ​ແຜນ​ການ​ໃໝ່​ກ່ຽວ​ກັບ​ການປ້ອງ​ກັນ​ແລະຄວບ​ຄຸມພະ​ຍາດ​ໄຂ້​ຫວັດສັດ​ປີກສອງ​ສະບັບ, ຈຸດປະ​ສົງ​ແມ່ນ​ຊ່ອຍ​ບັນດາ​ປະ​ເທດ​ສະມາຊິກ​ຕິດຕາມ​ຄວບ​ຄຸມ​ສະພາບ​ພະຍາດ​ໄຂ້ຫວັດ​ສັດ​ປີກ​ແລະ​ຫ້າມ​ນຳ​ເຂົ້າ​ຂົນ​ສັດ​ປີກ​ທີ່​ບໍ່​ທັນ​ໄດ້​ຊຳລະ​ຈາກ​ທຸກປະ​ເທດ​ທີ່ບໍ່​ແມ່ນ​ສະມາຊິກສະຫະພາບ​ເອີ​ລົບ. ນີ້​ເປັນ​ຂີດ​ໝາຍ​ສະ​ແດງ​ໃຫ້​ເຫັນ​ວ່າ ​ແຜນການ​ໃໝ່​ປ້ອງ​ກັນ​​ແລະຄວບ​ຄຸມພະ​ຍາດ​ໄຂ້ຫວັດ​ສັດ​ປີກ​ຂອງ​ສະ​ຫະ​ພາບ​ເອີ​ລົບ​ເລີ່​ມມີ​ຜົນ​ບັງຄັບ​ໃຊ້​ແລ້ວ.

ຕາມ​ແຜນການ​ທີ່​ກ່ຽວຂ້ອງ, ​ແຕ່​ວັນ​ທີ 1 ກຸມພາ​ຮອດ​ທ້າຍ​ປີ​ນີ້, ຄະນະ​ກຳມາ​ທິການ​ສະຫະ​ພາບ​ເອີ​ລົບ​ຈະ​ສະໜອງ​ການ​ຊ່ອຍ​ເຫຼືອຕົກ​ເປັນ​ເງິນ​ປະມານ 2 ລ້ານ​​ເອີ​ໂລ​ໃຫ້​ປະ​ເທດ​ສະ​ມາ​ຊິກ​ສະ​ຫະພາບ​ເອີ​ລົບ, ​ເພື່ອ​ຊ່ອຍ​ບັນດາ​ປະ​ເທດ​ຈັດຕັ້ງປະຕິບັດ​ແຜນການ​ຕິດຕາມ​ຄວບ​ຄຸມ​ພະ​ຍາດ​ໄຂ້ຫວັດ​ສັດ​ປີກ​ຢ່າງ​ບັງ​ເກີດ​ຜົນ, ​ແລະ​ຮັບປະກັນການ​ພົບ​ເຫັນ​ພະຍາດ​ໄຂ້ຫວັດ​ສັດ​ປີກທີ່​ເກີດ​ຂຶ້ນ​ໃນ​ຂອບ​ເຂດ​ສະຫະພາບ​ເອີ​ລົບ​ຢ່າງ​ທັນ​ການ.