|
ປີ2006ຍອດມູນຄ່າການຄ້າຂອງມາເລເຊຍຈະລື່ນກາຍ1ພັນຕື້ຣິງກິດ
cri
ຕາມຂ່າວຈາກກະຊວງການຄ້າຈີນ,ຫວ່າງມໍ່ໆນີ້,ທ່ານຣາຟິດາ ລັດຖະມົນຕີການຄ້າກັບຕ່າງປະເທດແລະອຸດສາຫະກຳຂອງມາເລເຊຍກ່າວວ່າ,ໃນປີ2005,ຍອດມູນຄ່າການຄ້າຂອງມາເລເຊຍໄດ້ບັນລຸ967ຕື້800ລ້ານຣິງກິດເທົ່າກັບປະມານ257ຕື້400ລ້ານໂດລາ,ເພີ່ມຂຶ້ນຫຼາຍກວ່າປີ2004 9,9%.ໃນປີ2006ຈະສືບຕໍ່ຮັກສາທ່ວງທ່າເພີ່ມຂຶ້ນ,ແລະອາດຈະລື່ນກາຍ1ພັນຕື້ຣິງກິດ.
ປີ2005,ຍອດມູນຄ່າການຄ້າຂາອອກຂອງມາເລເຊຍມີເຖິງ533ຕື້970ລ້ານຣິງກິດ,ເພີ່ມຂຶ້ນ11%,ການຄ້າຂາອອກດ້ານອຸດສາຫະກຳຜະລິດເພີ່ມຂຶ້ນ9,6%,ອຸດສາຫະກຳບໍ່ແຮ່ເພີ່ມຂຶ້ນ26,9%,ການສົ່ງອອກຜະລິດຕະພັນກະສິກຳເພີ່ມຂຶ້ນ0,2%.
|
|
