|
ຈີນສຸມກຳລັງເຂົ້າໃນການພັດທະນາອິນເຕີເນັດຢ່າງປອດໃສແລະເປັນລະບຽບ
cri
ຕາມຂ່າວCRI,ວັນທີ16ກຸມພາຢູ່ທີ່ປັກກິ່ງ,ທ່ານຊີນກາງ ໂຄສົກກະຊວງການຕ່າງປະເທດຈີນກ່າວວ່າ,ລັດຖະບານຈີນເອົາໃຈໃສ່ນຳການພັດທະນາອິນເຕີເນັດ,ສຸມກຳລັງເຂົ້າໃນການສ້າງບັນຍາກາດອັນປອດໃສດີງາມແລະເປັນລະບຽບໃຫ້ແກ່ການພັດທະນາອິນເຕີເນັດ.
ມີຂ່າວແຈ້ງວ່າ,ອາເມລິກາຕິຕຽນຈີນທີ່ຈຳກັດລະບົບອິນເຕີເນັດ.ຕໍ່ເລື່ອງນີ້,ທ່ານຊີນ ກາງວິຈານວ່າ,ຈີນເນັ້ນໜັກການຄຸ້ມຄອງອິນເຕີເນັດຕາມກົດໝາຍ,ເພື່ອເຮັດໃຫ້ມັນພັດທະນາຢ່າງປອດໃສແລະເປັນລະບຽບ,ທັງນີ້ກໍ່ແມ່ນວິທີທົ່ວໄປຂອງປະເທດຕ່າງໆໃນໂລກ.ທ່ານຊີນກາງເວົ້າວ່າ,ຝ່າຍຈີນຫວັງໃຫ້ບາງຄົນຂອງອາເມລິກາຄວນປະຕິບັດຕໍ່ບັນຫາດັ່ງກ່າວດ້ວຍທ່າທີພາວະວິໄສ,ຍຸດຕິທຳແລະທ່ຽງທຳ.
|
|
