|
ຈີນຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງແກ້ໄຂບັນຫານີວເຄຼຍຂອງອີຣານດ້ວຍສັນຕິວິທີ
cri
ຕາມຂ່າວCRI, ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ ໃນວັນທີ16ກຸມພາ,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຈີນຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງແກ້ໄຂບັນຫານີວເຄຼຍຂອງອີຣານດ້ວຍສັນຕິວິທີ.
ໃນເວລາຕອບຄຳຖາມຂອງນັກຂ່າວ,ທ່ານຊິນກ່າງເວົ້າວ່າ,ຝ່າຍຈີນເຫັນວ່າ,ອີງຕາມ"ສົນທິສັນຍາບໍ່ແຜ່ຜາຍອາວຸດນີວເຄຼຍ",ປະເທດເຊັນສັນຍາມີສິດ ນຳໃຊ້ພະລັງງານນີວເຄຼຍເຂົ້າໃນທາງສັນຕິພາບ,ພ້ອມກັນນັ້ນກໍຄວນປະຕິບັດຕາມພັນທະທີ່ກ່ຽວຂ້ອງ.ໃຕ້ສະຖານະການໃນສະເພາະໜ້ານີ້,ບັນດາຝ່າຍທີ່ກ່ຽວຂ້ອງຄວນຮັກສາຄວາມໃຈເຢັນ,ຄວາມອົດກັ້ນແລະຄວາມອົດທົນ,ເພື່ອສ້າງເງື່ອນໄຂແລະບັນຍາກາດທີ່ຈຳເປັນ,ສືບຕໍ່ຜ່ານຈາກການເຈລະຈາສັນຕິພາບແກ້ໄຂບັນຫານີວເຄຼຍຂອງອີຣານ.ຝ່າຍຈີນຈະສືບຕໍ່ພ້ອມກັນກັບປະຊາຄົມໂລກທຳຄວາມພະຍາຍາມຂອງຕົນເພື່ອແກ້ໄຂບັນຫານີວເຄຼຍຂອງອີຣານຢ່າງເໝາະສົມໂດຍໄວ.
|
|
