|
ຟິລິບປິນວາງເປົ້າໝາຍຂອງການຄ້າຂາອອກໃນປີ2006ຄືໃຫ້ເພີ່ມຂຶ້ນ10%
cri
ຕາມຂ່າວຈາກກະຊວງການຄ້າຈີນ,ຫວ່າງມໍ່ໆນີ້,ລັດຖະບານຟິລິບປິນໄດ້ປະກາດເປົ້າໝາຍຂອງການຄ້າຂາອອກໃນປີ2006ຄືເພີ່ມຂຶ້ນ10%,ສູງກວ່າປີ2005 6%.
ປີ2005,ຍ້ອນຖືກຜົນສະທ້ອນຈາກຈັງຫວະເຕີບໂຕຂອງເສດຖະກິດໂລກຊ້າລົງ,ການຄ້າຂາອອກຂອງຟິລິບປິນເພີ່ມຂຶ້ນພຽງແຕ່3,9%ເທົ່ານັ້ນ,ເຊິ່ງຕ່ຳກວ່າເປົ້າໝາຍເດີມຄື8%,ມູນຄ່າການຄ້າຂາອອກໃນໝົດປີ2005ມີ41ຕື້220ລ້ານໂດລາ.
ເພື່ອບັນລຸເປົ້າໝາຍການຄ້າຂອງປີ2006,ລັດຖະບານຟິລິບປິນຈະເພີ່ມທະວີການພົວພັນເສດຖະກິດການຄ້າກັບຈີນ,ປະເທດອາຊຽນແລະອິນເດຍ.ເພີ່ມການຄ້າຂາອອກດ້ານການບໍລິການຢ່າງແຂງແຮງ,ດຶງດູດທຶນຕ່າງປະເທດ,ປົວແປງພື້ນຖານໂຄງລ່າງໃຫ້ດີຂຶ້ນ,ແລະຊຸກຍູ້ການພັດທະນາຂະແໜງການບໍ່ແຮ່.
|
|
