ຕາມ​ຂ່າວສານ​ຊິນ​ຮວາ: ວັນ​ທີ 16 ກຸມພາ​ຢູ່​ນະຄອນ​ຊີ​ອ່ານ ​ເທດສະບານ​ແຂວງ​ສ້າ​ນຊີ, ທ່ານ​ໂຊ​ວິນ ນາຍົກລັດຖະມົນຕີມຽນມາທີ່ພວມ​ຢ້ຽມຢາມ​ຈີນ​ກ່າວ​ວ່າ, ຫວັງ​ໃຫ້​ວິ​ສາ​ຫະກິດ​ຈີນ​​ໄປ​ລົງທຶນ​ຢູ່​ມຽນມາ​ຫຼາຍ​ກວ່າ​ເກົ່າ.

ພາຍຫຼັງ​ຂີ່​ຍົນ​​ຈາກ​ປັກ​ກິ່ງໄປ​ຮອດ​ຊີ​ອ່ານ​ໃນ​ຕອນ​ເຊົ້າ​ວັນ​ທີ 16 ​ແລ້ວ, ທ່ານ​ໂຊ​ວິນ​ພ້ອມ​ດ້ວຍ​ຄະນະ​ໄດ້ພົບປະທ່ານຈ້າງເຈີ້ງຢຸງ ຮອງ​ເຈົ້າ​ແຂວງ​ປະຈຳ​ການຂອງ​ແຂວງ​ສ້ານ​ຊີ. ທ່ານ​ໂຊ​ວິນ​ ກ່າວ​ວ່າ, ມຽນມາ​ມີ​ຊັບພະຍາກອນ​ສົມບູນ, ຊົມ​ເຊີຍ​ວິ​ສາ​ຫະກິດ​ຈີນ​ຍິ່ງ​ຫຼາຍໄປ​ລົງທຶນ​ຢູ່​ມຽນມາ. ທ່ານ​ຈ້າງ​ເຈີ້​ງຢຸງ ກໍກ່າວ​ວ່າ, ຫວັງ​ໃຫ້​ເພີ່ມ​ທະວີ​ການ​ຮ່ວມ​ມື​ໃນ​ຂົງ​ເຂດ​ເສດຖະກິດ​ການ​ຄ້າ​ລະຫວ່າງ​ແຂວງ​ສ້າ​ນຊີ​ກັບ​ມຽນມາຕື່ມ​ອີກ.