|
ດອກໄມ້ມີຜົນດີຕໍ່ສຸຂະພາບຄົນເຮົາ
cri
|
ດອກໄມ້ເປັນສັນຍາລັກຂອງຄວາມສວຍງາມ,ເປັນເຄື່ອງໝາຍຂອງສຸຂະພາບ.ດອກໄມ້ຫຼາຍໆຊະນິດ,ບໍ່ພຽງແຕ່ມີຄຸນຄ່າດ້ານການຊົມເທົ່ານັ້ນ,ຍັງມີສັບພະຄຸນໃນດ້ານເສີມສວຍ,ທາດບຳລຸງ,ອາຍຸຍືນແລະການປິ່ນປົວພະຍາດກຳຈັດໂຣກໄພໄຂ້ເຈັບເປັນຕົ້ນ.ຢູ່ຣັດເຊຍ ມີໂຮງໝໍພິລຶກປະຫຼາດທີ່ມີຊື່ສຽງແຫ່ງໜຶ່ງ,ປະກອບດ້ວຍສວນດອກໄມ້ຈຳນວນຫຼວງຫຼາຍທີ່ປູກດອກໄມ້ແລະຕົ້ນຫຍ້າທີ່ປະຫຼາດ,ຜູ້ທີ່ມາປົວພະຍາດຢູ່ໂຮງໝໍແຫ່ງນັ້ນ,ທັງບໍ່ຕ້ອງຜ່າຕັດແລະກໍບໍ່ຕ້ອງສັກຢາຫຼືກິນຢາ,ວິທີປິ່ນ ປົວພຽງແຕ່ຟັງດົນຕີທັງດົມກິ່ນຫອມຂອງດອກໄມ້ຢູ່ໃນສວນດອກໄມ້ທີ່ມີພາບວິວທິວທັດອັນສວຍງາມກໍໄດ້ແລ້ວ.ຕາມເວົ້າວ່າ,ຄົນເຈັບທີ່ໂຮງໝໍອື່ນໆປິ່ນປົວບໍ່ໄດ້ນັ້ນ,ໄດ້ຟື້ນຟູສຸຂະພາບຢູ່ແຫ່ງນີ້.
ທີ່ຈິງແລ້ວ,ດອກໄມ້ມີການພົວພັນອັນແໜ້ນແຟ້ນຕໍ່ສຸຂະພາບຂອງຄົນເຮົາ,ການຄົ້ນຄວ້າວິທະຍາສາດເປັນເວລາຍາວນານໄດ້ຢືນຢັນວ່າ,ດອກໄມ້ບາງຊະນິດມີບົດບາດດູດທາດເບື່ອ ດັບເຊື້ອ,ປ້ອງກັນບໍ່ໃຫ້ອາກາດເຊື່ອມພິດ. ເຊັ່ນ,ຕົ້ນສະຄູ,ຕົ້ນໝາກຄາຍບາງຊະນິດເປັນຕົ້ນ,ສາມາດດູດອາຍໄນໂຕຼເຈນ,ຊຸນເຟີດີອອກຊິດເປັນຕົ້ນ,ດອກທັບທິມບົດບາດດູດຮັບບອນດີອອກຊິດ,ກຳມະຖັນແລະຊືນ,ດອກກ້ວຍໄມ້,ດອກອົບເຊີຍແລະດອກເອື້ອງເປັນຕົ້ນທັງສາມາດດູດຮັບຊຸນເຟີດີອອກຊິດໄດ້,ນອກນີ້,ນ້ຳມັນແນວເຫີຍງ່າຍໃນດອກໄມ້ທຳມະດາຍັງມີບົດບາດດັບເຊື້ອ.ຈາກນີ້ເຫັນໄດ້ວ່າ,ການປູກດອກໄມ້ມີບົດບາດທີ່ປະໝາດບໍ່ໄດ້ໃນດ້ານປ້ອງກັນບໍ່ໃຫ້ອາກາດຖືກເຊື່ອມພິດ,ເຮັດໃຫ້ອາກາດໃນຄຸ້ມເຮືອນຢູ່ບໍລິສຸດ,ປົວແປງສິ່ງແວດລ້ອມຊີວິດການເປັນຢູ່ໃຫ້ດີຂຶ້ນ.
ດອກໄມ້ຫຼາຍຊະນິດຍັງໃຊ້ເປັນຢາໄດ້,ລະອອງເກສອນຂອງດອກໄມ້ຫຼາຍ ຊະນິດກໍ່ແມ່ນຢາດີວິເສດ.ເຊັ່ນ,ດອກເອື້ອງຂາວ,ດອກກາເດັນເນຍ,ດອກເບັນຈະມາດ,ດອກມະລິ,ດອກເມດໜາ,ດອກມະລິເມັນຕ໌ເປັນຕົ້ນ,ກໍມີສັບພະຄຸນໃນດ້ານແກ້ຮ້ອນໃນ,ແກ້ພິດ,ສະຫງົບຈິດແລະມີຜົນດີຕໍ່ສະຕິປັນຍາ,ດອກຈິນອິ໋ນຮວາ,ໄມ້ໄຜ່ນານທ່ຽນ,ຕົ້ນເໝຍເຫຼືອງເປັນຕົ້ນມີບົດບາດແກ້ຫິວນ້ຳແລະແກ້ໄອ,ເໝຍ ໜາມ,ດອກບົວຕີນປູ,ຕົ້ນເໝຍຫ້າສີ,ຕົ້ນມອນເປັນຕົ້ນ,ມີບົດບາດໃນດ້ານແກ້ບວມ,ແກ້ພິດ,ແກ້ບອບຊ້ຳລະງັບເຈັບ,ເອົາມາປິ່ນປົວບາດເຈັບຍ້ອນລົ້ມ,ຖືກໄຟໄໝ້ຫຼືນ້ຳຮ້ອນລວກແລະຂີ້ຫິດເປັນຕົ້ນ,ຕົ້ນຫຍ້າໃບສີ,ດອກເລັບມືເປັນຕົ້ນ,ມີສັບພະຄຸນອັນດີເດັ່ນໃນດ້ານແກ້ພິດ,ເປັນຢາດີແກ້ພິດງູ,ດອກແດງພັນມື້ເປັນຕົ້ນມີສັບພະຄຸນອັນເດັ່ນຊັດໃນດ້ານແກ້ໂຣກຫອບ,ລະອອງເກສອນຂອງດອກໄມ້ບັກວິດສາມາດແກ້ອາການຫົວໃຈເຕັ້ນໄວແລະແຮງແລະປ້ອງກັນບໍ່ໃຫ້ເສັ້ນເລືອດແຂງໄວ, ລະອອງເກສອນຂອງດອກໝາກອາເຊໂລນມີບົດບາດອັນດີງາມຕໍ່ການປັບປຸງລະບົບປະສາດໃຫ້ດຸນດຽງ,ລະອອງເກສອນຂອງດອກຜັກກາດນ້ຳມັນມີສັບພະຄຸນໃນດ້ານການຕ້ານການແຜ່ລັງສີ,ລະອອງເກສອນຂອງດອກໄມ້ໝາກໂປມສາມາດປ້ອງກັນເສັ້ນເລືອດຫົວໃຈຕີບ,ໂດຍສະເພາະມີຜົນດີຕໍ່ການບຳລຸງສະໝອງ, ລະອອງເກສອນຂອງຕົ້ນໂຊໂຟລາເປັນຢາດີສຳລັບປິ່ນປົວພະຍາດກະເພາະອາຫານ,ລະອອງເກສອນຂອງດອກກຸຫຼາບມີສັບພະຄຸນດີທີ່ສຸດສຳລັບປິ່ນປົວໝາກໄຂ່ຫັຼງເປັນໜີ້ວ.
ໃນຫຼາຍປີມໍ່ໆມານີ້,ຄົນທັງຫຼາຍຍັງປະກົດເຫັນວ່າ,ລະອອງເກສອນດອກໄມ້ບໍ່ພຽງແຕ່ປິ່ນປົວພະຍາດໄດ້ເທົ່ານັ້ນ,ໃນດ້ານບຳລຸງຮ່າງກາຍນັ້ນ,ຍິ່ງມີສັບພະຄຸນອັນເດັ່ນຊັດ. ອາມີໂນອາສິດ22ຊະນິດທີ່ຮ່າງກາຍຂອງຄົນເຮົາຕ້ອງການນັ້ນ ໃນລະອອງເກສອນດອກໄມ້ກໍມີ21ຊະນິດ.ນອກນີ້,ທາດບຳລຸງຊະນິດຕ່າງໆທີ່ຮ່າງກາຍຄົນເຮົາຕ້ອງການ,ເຊັ່ນວິຕາມິນ,ຈຸນລະສານເປັນຕົ້ນ,ໃນລະອອງເກສອນດອກໄມ້ກໍ່ມີຫຼາຍທີ່ສຸດ,ດັ່ງນັ້ນ,ລະອອງເກສອນດອກໄມ້ຈິ່ງຖືກຄົນທັງຫຼາຍນິຍົມຊົມຊອບ.ປະຈຸບັນ,ຄົນທັງຫຼາຍປຸງແຕ່ງດອກໄມ້ຊະນິດຕ່າງໆຢ່າງລະອຽດ,ກັ່ນເອົາລະອອງເກສອນດອກໄມ້ຄຸນນະພາບສູງ,ອາຫານບຳລຸງທີ່ມີຄຸນນະພາບສູງເຫຼົ່ານີ້ມີບົດບາດອັນສຳຄັນຕໍ່ການຍົກຄຸນທາດແລະເພີ່ມທະວີພູມຕ້ານທານຂອຮ່າງກາຍຄົນເຮົາໃຫ້ສູງຂຶ້ນ.ນອກນີ້,ດອກໄມ້ສົດແລະລະອອງເກສອນດອກໄມ້ຍັງຖືກໃສ່ເຂົ້າໃນເຄື່ອງດື່ມແລະເຄື່ອງກິນຢ່າງກວ້າງຂວາງ,ຕົວຢ່າງຄື:ເອົາດອກມະລິ,ດອກມິແລນໂນເປັນຕົ້ນມາອົບໃບຊາ,ບໍ່ພຽງແຕ່ເຮັດໃຫ້ຊາຫອມຂຶ້ນເທົ່ານັ້ນ,ກິ່ນຫອມຂອງດອກໄມ້ຍັງມີບົດບາດກະຕຸກແລະຊ່ອຍຍ່ອຍອາຫານເປັນຕົ້ນ,ກັ່ນເອົານ້ຳມັນຫອມຈາກດອກກຸຫຼາບ,ດອກເອື້ອງຂາວແລະດອກມະລິແລະດອກໄມ້ສົດອື່ນໆ,ກໍ່ໄດ້ຖືກໃຊ້ເຂົ້າໃນຂົງເຂດຕ່າງໆໃນຊີວິດການເປັນຢູ່ຂອງຄົນເຮົາຢ່າງກວ້າງຂວາງ,ໃນຫຼາຍປີມານີ້,ລະອອງເກສອນດອກໄມ້ທີ່ຜະລິດເປັນແຜ່ນ,ເຂົ້າ ໜົມ,ເມັດ,ແປ້ງ,ເຂົ້າໜົມອົມແລະເຫຼົ້າເປັນຕົ້ນໄດ້ຮັບຄວາມນິຍົມຊົມຊອບຈາກຄົນທັງຫຼາຍ.
ຈາກນີ້ເຫັນໄດ້ວ່າ,ດອກໄມ້ມີຜົນດີຕໍ່ສຸຂະພາບຂອງຄົນເຮົາ,ປູກດອກໄມ້ໃຫ້ຫຼາຍ,ແລະຊ່າງປູກດອກ,ມີບົດບາດອັນສຳຄັນຕໍ່ການປົວແປງສະພາບແວດລ້ອມຊີວິດການເປັນຢູ່ແລະວຽກງານຂອງຄົນທັງຫຼາຍໃຫ້ດີຂຶ້ນ,ສ້າງຮ່າງກາຍໃຫ້ເຂັ້ມແຂງ,ຊຸກຍູ້ໃຫ້ຄົນເຮົາມີສຸຂະພາບເຂັ້ມແຂງ.
|
|
