|
ຕາມໜັງສືພິມເຢິນມິນຢື້ປ້າວສະບັບພົ້າທະເລ:ປະຊາກອນອາຍຸສູງກວ່າ60ປີຢູ່ຈີນໄດ້ມີ143ລ້ານຄົນ,ພາກສ່ວນກ່ຽວຂ້ອງຂອງຈີນພວມໃຊ້ມາດຕະການອັນຕັ້ງໜ້າຮັບມືບັນຫາອາຍຸສູງ.
ໂດຍແນໃສ່ທ່ວງທ່າທີ່ປະຊາກອນຫັນເປັນອາຍຸສູງຂະຫຍາຍໄວຍິ່ງຂຶ້ນ, ລັດຖະບານຈີນປະກາດເອກະສານສະບັບໜຶ່ງທີ່ຖືໜັກວຽກງານອາຍຸສູງ.ເອກະສານຊີ້ອອກວ່າ,ຢູ່ໃນຕົວເມືອງຈີນຈະຈັດຕັ້ງປະຕິບັດປະກັນການລ້ຽງດູຜູ້ເຖົ້າຂັ້ນພື້ນຖານ,ປະກັນການປິ່ນປົວຂັ້ນພື້ນຖານແລະລະບອບຮັບປະກັນຊີວິດການເປັນຢູ່ລະດັບຕ່ຳສຸດ.ຢູ່ທ້ອງຖິ່ນທີ່ມີເງື່ອນໄຂຂອງຊົນນະບົດ,ສືບຕໍ່ຄົ້ນຄວ້າສ້າງລະບົບຮັບປະກັນການລ້ຽງດູຜູ້ເຖົ້າຂັ້ນພື້ນຖານຊົນນະບົດ,ລະບົບຮັບປະກັນຊີວິດການເປັນຢູ່ລະດັບຕ່ຳສຸດຊົນນະບົດ.ເພີ່ມຄວາມແຮງເຂົ້າໃນການສົງເຄາະທາງສັງຄົມແລະການປິ່ນປົວຜູ້ເຖົ້າທີ່ທຸກຍາກໃນຕົວເມືອງແລະຊົນນະບົດ,ສົ່ງເສີມວິສາຫະກິດ,ອົງການສັງຄົມ,ເອກະຊົນແລະທຶນຕ່າງປະເທດສ້າງສິ່ງກໍ່ສ້າງບໍລິການຜູ້ເຖົ້າ.
ໃນບໍ່ເທົ່າໃດປີມານີ້,ຈີນໄດ້ສ້າງ"ກົດໝາຍວ່າດ້ວຍການຮັບປະກັນສິດແລະຜົນປະໂຫຍດຂອງຜູ້ເຖົ້າ"ແລະກົດໝາຍຕ່າງໆ,ໄດ້ສ້າງລະບົບວຽກງານຜູ້ອາຍຸສູງຂັ້ນເມືອງແລະຂັ້ນຕາແສງໃນເບື້ອງຕົ້ນ,ອົງການສະຫວັດດີການສຳລັບຜູ້ເຖົ້າໃນທົ່ວປະເທດໄດ້ມີ3ໝືນ8ພັນກວ່າແຫ່ງແລ້ວ.
|
