|
|
 |
| (GMT+08:00)
2006-02-17 16:25:33
|
 |
|
ງານລາຕີບຸນກຸດຈີນທີ່ຈັດໂດຍກະຊວງວັດທະນະທຳຈີນ(ສຽງ)
cri
Author: shuo
|
ໃນມື້ຂຶ້ນໜຶ່ງຄ່ຳບຸນກຸດຈີນທຸກໆປີ,ກະຊວງວັດທະນະທຳຈີນຍ່ອມຈະຈັດງານລາຕີບຸນກຸດຈີນທາງໂທລະພາບຄັ້ງໜຶ່ງ,ແລະອອກອາກາດຢູ່CCTV,ນັບມາຮອດປີນີ້ໄດ້ຈັດມາ15ຄັ້ງແລ້ວ.ໃນລາຍການນັດພົບໃນວັນອາທິດພາກນີ້,ດາລາວັນໄດ້ຈັດເອົາເພງມ່ວນໆຫຼາຍເພງທີ່ຄັດເລືອກຈາກງານລາຕີບຸນກຸດຈີນຂອງກະຊວງວັດທະນະທຳຈີນໃນຫຼາຍປີມານີ້ສູ່ທ່ານຟັງ.
ກ່ອນອື່ນເຊີ່ນຟັງເພງhui jia "ກັບບ້ານ"ທີ່ຂັບຮ້ອງໂດຍນາງເລີຍເຈ່ຍ,ແຕ່ງເນື້ອຮ້ອງໂດຍທ່ານວາງຊືຈິວ,ແຕ່ງທຳນອງໂດຍທ່ານວາງລີ້ພີງ.ນີ້ແມ່ນເພງດີເລີດເພງໜຶ່ງທີ່ສະແດງໃນງານລາຕີບຸນກຸດຈີນເຊິ່ງຈັດໂດຍກະຊວງວັດທະນະທຳຈີນໃນປີ2003.ເພງນີ້ໄດ້ສະແດງຈິດໃຈອາລົມຂອງຄົນທີ່ເຮັດວຽກຢູ່ຕ່າງຖິ່ນຫຼາຍປີແລ້ວກັບເມືອບ້ານເກີດເມືອງນອນ.ເພງນີ້ມີເນື້ອຮ້ອງວ່າ: "ໄດ້ເຫັນພູເຂົາທີ່ຂຽວງາມອີກ,ໄດ້ເຫັນແມ່ນ້ຳທີ່ໃສສະອາດຄືນໃໝ່,ຂ້ອຍໄດ້ກັບເມືອເມືອງນ້ອຍແລ້ວ.ຄວາມອິດເມື່ອຍຍ້ອນເດີນທາງໄກໄດ້ຫັບຫາຍໄປຕາມສາຍລົມ,ບ້ານເກີດເມືອງນອນຈັ່ງແມ່ນອົບອຸ່ນ.ຍາດພີ່ນ້ອງແລະມິດສະຫາຍພ້ອມກັນອວຍພອນ,ຂໍໃຫ້ບ້ານເກີດອາກາດດີ ນ້ຳຝົນພຽງພໍ,ຂໍໃຫ້ບ້ານເມືອງສຸກກຸ່ມຊຸ່ມເຢັນ.
ງານລາຕີບຸນກຸດຈີນທີ່ຈັດໂດຍກະຊວງວັດທະນະທຳຈີນທຸກເທື່ອ,ໄດ້ສະແດງລາຍການ ເກືອບ3ຊົ່ວໂມງ,ໂຮມສູນສະແດງເພງແລະດົນຕີ ລາຍການຟ້ອນ,ກາຍຍະສິນແລະງິ້ວ ທ້ອງຖິ່ນຕ່າງໆ.
ໃນງານລາຕີບຸນກຸດຈີນທີ່ກະຊວງວັດທະນະທຳຈີນຈັດໃນປີ2002ໄດ້ສະແດງລາຍການ ເພງjin xiu nian hua "ຍຸກສະໄໝທີ່ສວຍງາມ",ແຕ່ງເນື້ອຮ້ອງໂດຍນາງເຢິນຈື້ພີງ ແຕ່ງທຳນອງໂດຍທ່ານອີ້ນຊິ່ງແລະຂັບຮ້ອງໂດຍນາງເພີງລີ້ຢວນ,ເພງນີ້ມີສີສັນຂອງຊາດ ແລະໂສມໜ້າຂອງຍຸກສະໄໝອັນເຂັ້ມຂຸ້ນ,ໄດ້ສະແດງຄວາມຮັກຫອມປະເທດຊາດແລະຄວາມທະນົງໃຈຂອງປະຊາຊົນຈີນທີ່ມີຕໍ່ປະເທດຊາດ.
ສິບກວ່າປີມານີ້,ງານລາຕີບຸນກຸດຈີນທີ່ຈັດໂດຍກະຊວງວັດທະນະທຳຈີນໄດ້ຮັບຄວາມນິ ຍົມຊົມຊອບຈາກຜູ້ຊົມນັບມື້ນັບຫຼາຍຍ້ອນມີລັກສະນະສົດໃສແລະມີຄວາມໝາຍສູງສົ່ງ. ງານລາຕີທຸກປີມີຫົວຂໍ້ຕ່າງກັນ,ແລະປະກອບດ້ວຍຫຼາຍພາກສ່ວນດ້ວຍຮູບການຟ້ອນລຳ ທຳເພງທີ່ມີສີສັນທ້ອງຖິ່ນຕ່າງໆຂອງຈີນ,ພ້ອມດ້ວຍດົນຕີແລະການຟ້ອນຂອງປະເທດຕ່າງໆໃນໂລກ ງິ້ວທ້ອງຖິ່ນແລະກາຍຍະສິນຂອງຈີນເປັນຕົ້ນ.ບໍ່ວ່າລາຍການເຫຼົ່ານີ້ປ່ຽນແປງແນວໃດ,ແຕ່ຕ້ອງມີລາຍການສ່ວນໜຶ່ງບໍ່ປ່ຽນແປງຈັກເທື່ອຄືລາຍການສະແດງຄວາມຄິດຮອດຄິດເຖິງບ້ານເກີດເມືອງນອນຂອງຜູ້ທີ່ຢູ່ຕ່າງຖິ່ນ.ຕໍ່ໄປເຊີນຟັງເພງ gu xiang qing si "ຄິດຮອດບ້ານເກີດ",ເນື້ອເພງແຕ່ງໂດຍທ່ານຮານຈີ້ງທີງ ທຳນອງແຕ່ງໂດຍທ່ານຊີເພ້ຕົ່ງ ຂັບຮ້ອງໂດຍທ່ານອູອ້ຽນເຈີ.ເພງນີ້ມີທຳນອງເຄື່ງຂຶມແລະມ່ວນ,ສະແດງຈິດໃຈຂອງລູກຫຼານຜູ້ຢູ່ຕ່າງປະເທດຮັກຫອມປະເທດຊາດ: "ດວງຈັນທີ່ໃສແຈ່ມ,ພາໃຫ້ຂ້າຄະນຶງຫາບ້ານເກີດແດນອັດສະຈັນ,ບໍ່ວ່າຈະບິນສູງປານໃດ,ຂ້າກໍຍັງແມ່ນວ່າວໃນມືຂອງມານດາ,ບໍ່ວ່າຈະຢູ່ໄກປານໃດ,ຂ້າກໍບໍ່ລືມໃຊ້ສຳນຽງບ້ານເກີດບອກເລົ່າຄວາມຄຶດ ຮອດຄຶດເຖິງບ້ານເກີດ."
ໃນງານລາຕີບຸນກຸດຈີນທີ່ຈັດໂດຍກະຊວງວັດທະນະທຳຈີນແຕ່ລະປີໄດ້ສະເໜີເພງໃໝ່ແລະນັກດົນຕີຜູ້ໃໝ່ຢ່າງຫຼວງຫຼາຍ.ຄົນໃໝ່ແລະເພງໃໝ່ເຫຼົ່ານີ້ໄດ້ນຳເອົາຄວາມຮູ້ສຶກໃໝ່ອ່ຽມມາໃຫ້ຜູ້ຊົມທັງຫຼາຍ.ເພງ ba lang zai"ທ້າວປາລາງ"ທີ່ທ່ານຈະໄດ້ຟັງຕໍ່ໄປກໍແມ່ນເພງໃໝ່ທີ່ສະແດງໃນງານລາຕີປີ2004,ຂັບຮ້ອງໂດຍທ້າວແອເອີເຂິນ ນັກຮ້ອງເຜົ່າອຸຍອົວ,ເຄີຍໄດ້ຮັບລາງວັນທີໜຶ່ງໃນການປະກວດເພງໃໝ່ແລະນັກຮ້ອງໃໝ່ປີ2003ທີ່ຈັດໂດຍກະຊວງວັດທະນະທຳຈີນ.ທ້າວແອເອີເຂິນແມ່ນອ້າຍບ່າວເຜົ່າອຸຍອົວທີ່ເຈົ້າຊູ້ຫຼາຍ,ເພງ"ທ້າວປາລາງ"ແມ່ນເພງທີ່ລາວແຕ່ງເອງ.ເພງນີ້ມີຈຸດພິເສດຂອງເຜົ່າອຸຍອົວຢ່າງເຂັ້ມ ຂຸ້ນ,ທັງມີກິ່ນອາຍຍຸກສະໄໝຢ່າງເດັ່ນຊັດ,ຈັງຫວະໄວ.ໃນເພງມີເນື້ອຮ້ອງວ່າ: "ອ້າຍຂໍເວົ້ານຳນອ້ງແດ່,ຂໍໃຫ້ນ້ອງບອກເບີQQຂອງນ້ອງໃຫ້ອ້າຍໄດ້ບໍ່?ຖ້ານ້ອງແມ່ນກະປອມຍັກ,ອ້າຍກໍແມ່ນກົບໂຕນ້ອຍໆ,ຢ່າລັງກຽດອ້າຍ,ເຮົາມາເປັນເພື່ອນກັນດີບໍ່!"
ສຸດທ້າຍ,ຂໍຟັງເພງta ge qi wu "ຟ້ອນລຳທຳເພງ",ເນື້ອຮ້ອງແລະທຳນອງເພງແຕ່ງໂດຍທ່ານຊີເພ້ຕົ່ງແລະຂັບຮ້ອງໂດຍນາງຊົ້ງຈູອິ່ງ.ນີ້ເປັນເພງທີ່ມ່ວນຊື່ນຟົດຟື້ນ,ສະແດງໃນງານລາຕີບຸນກຸດຈີນທາງໂທລະພາບ ເຊິ່ງຈັດໂດຍກະຊວງວັດທະນະທຳຈີນໃນປີ2001.ເພງນີ້ໄດ້ສະແດງໃຫ້ເຫັນບັນຫາກາດອັນມ່ວນຊື່ນຟົດຟື້ນໃນມື້ບຸນ,ແລະອວຍພອນໃຫ້ຄົນທັງຫຼາຍຈົ່ງມີຊີວິດສຸກສັນໃນອະນາຄົດ.ເນື້ອຮ້ອງເພງມີຄວາມໝາຍວ່າ: "ໃນວັນບຸນອັນ ມ່ວນຊື່ນ,ພວກເຮົາຮ້ອງເພງ,ພວກເຮົາຟ້ອນລຳ.ເບີກບານມ່ວນຊື່ນ,ຮັກແພງກັນຢ່າງຈິງໃຈ.ເຈົ້າພູມໃຈ,ຂ້ອຍກໍພູມໃຈ,ເກາະແຂນກັນສ້າງຊີວິດອັນສຸກສັນ."
|
|
|
