ຕາມຂ່າວສານຊິນຮວາ,ວັນທີ16ກຸມພາ,ຢູ່ຮ່າໂນ້ຍ,ທ່ານຟານວັນຄາຍນາຍົກລັດຖະມົນ
ຕີຫວຽດນາມກ່າວວ່າ,ຫວຽດນາມແລະຣັດເຊຍພວມທຳຄວາມພະຍາຍາມຢ່າງຕັ້ງໜ້າ ເພື່ອເປີດກວ້າງແລະລົງເລິກການພົວພັນມິດຕະພາບແລະຮ່ວມມືກັນລະຫວ່າງສອງປະ
ເທດໃນທຸກຂົງເຂດ.

ວັນ​ທີ16​ກຸມພາ,​ໃນ​ງານ​ຊຸມນຸມ​ນັກ​ຂ່າວ​ທີ່ຈັດ​ຂຶ້ນ​ພາຍຫຼັງ​ທ່ານ​ຟານ​ວັນ​ຄາຍ​​ເຈລະ​ຈາ​ກັບ​ທ່ານ​ຟຼາດຄົຟ ນາຍົກລັດ​ຖະມົນຕີຣັດ​ເຊຍທີ່​ໄປ​ຢ້ຽມຢາມ,ທ່ານ​ຟານ​ວັນ​ຄາຍ​ກ່າວ​ວ່າ,​ໃນ​ການ​ເຈ​ລະ​ຈາ,​ສອງ​ຝ່າຍ​ໄດ້​ຫາລື​ມາດ​ຕະການ​ຂອງ​ສອງ​ປະ​ເທດ​ໃນ​ການ​ຂະ​ຫຍາຍ​ການ​ພົວ​ພັນ​ຮອບ​ດ້ານ​ຢ່າງ​ແຂງ​ແຮງ​ບົນ​ພື້ນຖານ​ການ​ພົວພັນ​ຄູ່​ຂາ​ຍຸດ​ທະ​ສາດ.​ປັດ​ຈຸ​ບັນ,​ລັດ​ຖະ​ບານ​ຣັດ​ເຊຍ​ໄດ້​ໃຫ້​ຄຳ​ໝັ້ນ​ສັນຍາ​ວ່າ​ຈະ​ສະໜອງ​ການ​ສະ​ໜັບ​ສະ​ໜູນ​ດ້ານ​ການ​ເງິນ​ຢ່າງ​ແຂ​ງ​ແຮງ​ໃຫ້​ວິ​ສາ​ຫະ​ກິດ​ຣັດ​ເຊຍ​ທີ່​ລົງ​ທຶນ​ຢູ່​ຫວຽດ​ນາມ.​ທ່ານ​ຄາດ​ຄະ​ເນ​ວ່າ,​ໃນ​ບໍ່​ເທົ່າ​ໃດ​ປີ​ຂ້າງ​ໜ້າ,ມູນ​ຄ່າ​ການ​ຄ້າ​ລະ​ຫວ່າງ​ຫວຽດ​ນາມ​ກັບ​ຣັດ​ເຊຍ​ຈະ​ເພີ່ມ​ຈາກ​1ຕື້​ກວ່າ​ໂດ​ລາ​ໃນ​ປີ​ກາຍ​ຂຶ້ນ​ຮອດ​ຫຼາຍ​ຕື້​ໂດ​ລາ.​

ທ່ານຟຼາດຄົຟກ່າວວ່າ,ຣັດເຊຍຍິນດີເປີດກວ້າງການລົງທຶນຢູ່ຫວຽດນາມ,ໂດຍສະ ເພາະແມ່ນລົງທຶນໃນໂຄງການກໍ່ສ້າງຕ່າງໆເຊັ່ນການຂຸດຄົ້ນບໍ່ແຮ່,ການຜະລິດກົນ
ຈັກແລະເຂື່ອນໄຟຟ້ານ້ຳຕົກເປັນຕົ້ນ.​