|
ຕາມຂ່າວCRI, ຕອນບ່າຍວັນທີ17ກຸມພາ ທ່ານຊີລັກ ປະທານາທິບໍດີຝະຣັ່ງໄດ້ເດີນທາງໄປຮອດບາງກອກ,ເລີ່ມຢ້ຽມຢາມສັນຖະວະໄມຕີຕໍ່ໄທຢ່າງເປັນທາງການເປັນເວລາ3ມື້. ປະທານາທິບໍດີຝະຣັ່ງແມ່ນຢ້ຽມຢາມໄທເປັນເທື່ອທຳອິດໃນປະຫວັດສາດ.
ຂ່າວສານໄທລາຍງານວ່າ,ຜູ່ຕິດຕາມທ່ານຊີລັກໄປຢ້ຽມຢາມໄທນັ້ນມີລັດຖະມົນຕີຫຼາຍທ່ານຂອງກະຊວງການຕ່າງປະເທດ,ກະຊວງການເງິນແລະອຸດສາຫະກຳ,ກະຊວງການຄ້າກັບຕ່າງປະເທດ,ກະຊວງປ້ອງກັນປະເທດແລະກະຊວງທ່ອງທ່ຽວ,ທັງນີ້ໄດ້ສະແດງໃຫ້ເຫັນຄວາມປາຖະໜາຂອງຝະຣັ່ງທີ່ຢາກຮ່ວມມືກັບໄທຢ່າງຮອບດ້ານ.ທ່ານຊີລັກຈະເຈລະຈາກັບທ່ານທັກສິນຊິນນະວັດ ນາຍົກລັດຖະມົນຕີໄທໃນວັນທີ18ກຸມພາ.
|
