|
ປີກາຍນີ້,ມີຄົນຕ່າງປະເທດ1ແສນ4ໝື່ນກວ່າຄົນຮຽນຢູ່ຈີນ
cri
ຕາມຂ່າວCRI,ປີ2005,ໄດ້ມີຄົນຕ່າງປະເທດ1ແສນ4ໝື່ນກວ່າຄົນທີ່ມາຈາກ190ປະເທດ ມາຽນຢູ່ຈີນ,ຈຳນວນນັກສຶກສາຕ່າງປະເທດທີ່ມາຮຽນຢູ່ຈີນໄດ້ສ້າງສະຖິຕິສູງກວ່າທຸກປີທີ່ຜ່ານມາ.
ວັນທີ17ກຸມພາ ທ່ານສາວໂກວຊິງ ຫົວໜ້າກົມສາກົນກະຊວງສຶກສາທິການຈີນໄດ້ເຜີຍໃຫ້ຮູ້ຕົວເລກດັ່ງກ່າວ,ໃນຫຼາຍປີມານີ້,ພາລະກິດການສຶກສາຂອງຈີນໄດ້ພັດທະນາຢ່າງວ່ອງໄວ,ໄດ້ດຶງດູດເອົານັກສຶກສາຕ່າງປະເທດນັບມື້ນັບຫຼາຍມາຮຽນຢູ່ຈີນ.ທ່ານກ່າວວ່າ,ຈີນຈະສົ່ງເສີມວິສາຫະກິດແລະຄະນະຈັດຕັ້ງສັງຄົມຕັ້ງທຶນສຶກສາໃຫ້ນັກສຶກສາຕ່າງປະເທດທີ່ຮຽນຢູ່ຈີນ,ວາງນະໂຍບາຍທີ່ກ່ຽວຂ້ອງເພື່ອອຳນວຍເງື່ອນໄຂທີ່ສະດວກວ່າເກົ່າໃຫ້ນັກສຶກສາຕ່າງປະເທດໃນການຮ່ຳຮຽນ,ເພິ່ງພາອາໄສແລະເຮັດວຽກຊ່ອຍການຮຽນຢູ່ຈີນ.
ຕາມໄດ້ຊາບ,ປັດຈຸບັນ,ຢູ່ຈີນມີໂຮງຮຽນຊັ້ນສູງ500ກວ່າຫຼັງມີເງື່ອນໄຂຮັບເອົານັກສຶກສາຕ່າງປະເທດ.
|
|
