|
ສິ່ງກໍ່ສ້າງນ້ຳມັນເຊື້ອໄຟຂອງອີຣັກຖືກທຳລາຍນັ້ນເຮັດໃຫ້ຂະແໜງການນ້ຳມັນເຊື້ອໄຟອີຣັກເສຍຫາຍຫຼາຍຕື້ໂດລາສະຫະລັດໃນປີກາຍ
cri
Author: cai
ຕາມຂ່າວສານຊີນຮວາ:ວັນທີ 18 ກຸມພາ,ໂຄສົກກະຊວງນ້ຳມັນເຊື້ອໄຟອີຣັກເວົ້າວ່າ,ປີ 2005,ສິ່ງກໍ່ສ້າງນ້ຳມັນເຊື້ອໄຟອີຣັກຖືກຜູ້ປະກອບອາວຸດທຳລາຍເລີຍເຮັດໃຫ້ລາຍຮັບຈາກການສົ່ງອອກນ້ຳມັນເຊື້ອໄຟແລະພື້ນຖານໂຄງລ່າງຂອງອີຣັກໃນໝົດປີເສຍຫາຍ 6 ຕື້ 250 ລ້ານໂດລາສະຫະລັດ.
ເຈົ້າໜ້າທີ່ຜູ້ນີ້ເວົ້າວ່າ,ປີ 2005,ຢູ່ອີຣັກໄດ້ເກີດມີການເຄື່ອນໄຫວທຳລາຍພື້ນຖານໂຄງລ່າງນ້ຳມັນເຊື້ອໄຟຄືທໍ່ສົ່ງນ້ຳມັນເຊື້ອໄຟແລະບໍ່ນ້ຳມັນເຊື້ອໄຟເປັນຕົ້ນລວມ 186 ເທື່ອ.ການເຄື່ອນໄຫວທຳລາຍເຫຼົ່ານີ້ບໍ່ພຽງແຕ່ໄດ້ພາໃຫ້ມີຄົນເສຍຊີວິດແລະບາດເຈັບເທົ່ານັ້ນ,ຍັງໄດ້ເຮັດໃຫ້ເສດຖະກິດອີຣັກປະສົບການເສຍຫາຍຢ່າງໜັກໜ່ວງ.
|
|
