|
|
 |
| (GMT+08:00)
2006-02-20 09:40:39
|
 |
|
ການເຫັນແຕ່ໃນແງ່ດີແລະການເຫັນແຕ່ໃນແງ່ຮ້າຍ(ສຽງ)
cri
Author: min
|
ບໍ່ຮູ້ວ່າທ່ານເຄີຍຟັງນິທານນີ້ຫຼືບໍ່: ຄືພໍ່ຜູ້ໜຶ່ງ, ມີລູກສອງຄົນ, ຄົນໜຶ່ງມີນິດໃສມັກເຫັນໄປໃນແງ່ຮ້າຍ, ອີກຜູ້ໜຶ່ງຊ້ຳພັດມັກເຫັນໄປໃນແງ່ດີ. ພໍ່ຢາກປ່ຽນແປງສະພາບການດັ່ງກ່າວ, ມື້ໜຶ່ງ, ພໍ່ເອົາເຄື່ອງຫຼິ້ນຫຼວງຫຼາຍຈົນເຕັມຫ້ອງຂອງລູກທີ່ມັກເຫັນໄປໃນແງ່ຮ້າຍ, ແຕ່ສົ່ງລູກທີ່ມັກເຫັນໄປໃນແງ່ດີນັ້ນໄປຢູ່ໃນຫ້ອງທີ່ມີແຕ່ຂີ້ມ້າ. ມື້ລຸນມາ, ພໍ່ໄດ້ເຫັນລູກທີ່ມັກເຫັນແຕ່ໃນແງ່ຮ້າຍໜ້າຕາຍັງເສົ້າໝອງຄືເກົ່າ, ບໍ່ໄດ້ຫຼິ້ນເຄື່ອງຫຼິ້ນຈັກຢ່າງ, ເພາະຢ້ານເຮັດໃຫ້ເຄື່ອງຫຼິ້ນເຫຼົ່ານີ້ເປ່ເພ, ສ່ວນລູກທີ່ມັກເຫັນແຕ່ໃນແງ່ດີ, ພັດພວມຊອກຫາອີຫຍັງຢູ່ກອງຂີ້ມ້າຢ່າງມ່ວນຊື່ນ. ພໍ່ຖາມວ່າ: "ລູກພວມຊອກຫຍັງຢູ່?" ລູກຜູ້ນີ້ຕອບຢ່າງໜ້າຊື່ນຕາບານວ່າ:"ລູກຄິດວ່າ, ໃນກອງຂີ້ມ້າຕ້ອງມີໝານ້ອຍໆໂຕໜຶ່ງຫຼີ້ຢູ່."
ນິທານເລື່ອງນີ້ຊີ້ບອກພວກເຮົາວ່າ, ສະພາບຊີວິດການເປັນຢູ່ຂອງພວກເຮົາຕັດສິນຊີ້ຂາດຢູ່ນຳທ່າທີຕໍ່ຊີວິດຂອງພວກເຮົາ, ຕັດສິນຊີ້ຂາດຢູ່ນຳວ່າພວກເຮົາຈະໃຊ້ວິທີໃດຕໍ່ບັນຫາ. ໃນສາຍຕາຂອງຜູ້ເຫັນໄປໃນແງ່ຮ້າຍ, ບໍ່ເຫັນຂອງຈົບຂອງງາມແຕ່ຢ່າງໃດ, ມັກສັງເກດບັນຫາຈາກແງ່ບໍ່ດີ, ສ່ວນໃນສາຍຕາຂອງຜູ້ເຫັນໄປໃນແງ່ດີ, ມັກສັງເກດເລື່ອງທີ່ບໍ່ດີໄປໃນແງ່ດີ. ຈາກນີ້ເຫັນໄດ້ວ່າ, ຈິນຕະນາການຂອງພວກເຮົາສາມາດຕັດສິນຊີ້ຂາດຊີວິດການເປັນຢູ່ຕົວຈິງຂອງພວກເຮົາ. ມີຄຳເວົ້າໜຶ່ງເວົ້າວ່າ: ບາງທີ່, ສິ່ງນັ້ນແມ່ນຫຍັງຍັງບໍ່ສຳຄັນປານໃດ, ແຕ່ໃນສາຍຕາຂອງເຈົ້າມັນແມ່ນຫຍັງນັ້ນຈະສຳຄັນກວ່າ. ໃນເວລາເຈົ້າຖືການຜ່ານວັບຜ່ານລື້ມເປັນເລື່ອງຍາກ, ແນ່ນອນແລ້ວ, ເຈົ້າຮູ້ສຶກວ່າໄດ້ຖືກທຳລະມານ. ເມື່ອເຈົ້າຖືຊີວິດການເປັນຢູ່ເປັນເງິນເປັນຄຳ, ຄັນຊັ້ນ, ທຸກໆມື້ຂອງເຈົ້າກໍຈະແມ່ນມື້ຈົບງາມທີ່ເປັ່ງແສງເຫຼື້ມຍິບຍັບ.
ທີ່ຈິງແລ້ວ, ຄົນເຮົາດຳລົງຊີວິດໃນໂລກນີ້, ເລື່ອງທີ່ບໍ່ສົມປາດຖະໜານັ້ນຈະກວມ 80% ຫຼື 90%, ນີ້ແມ່ນສະພາບຕົວຈິງທີ່ຫຼີກເວັ້ນບໍ່ໄດ້, ຖ້າຫຼີກເວັ້ນບໍ່ໄດ້, ກໍເສົ້າໝອງທໍລະມານຕົນເອງດ້ວຍອາລົມເຫັນໄປໃນແງ່ຮ້າຍແລ້ວແໜງໃຊ້ທ່າທີຕັ້ງໜ້າໄປຊຳລະແກ້ໄຂເລື່ອງທີ່ບໍ່ສົມປາດຖະໜາໃຫ້ຕົກ, ແນວຄິດເຫັນໄປໃນແງ່ດີຫຼີກເວັ້ນບໍ່ໄດ້, ແຕ່ສຳຄັນກວ່ານັ້ນແມ່ນພວກເຮົາຄວນເອົາຊະນະມັນ, ຜາບແພ້ມັນ.
ລອງເບິ່ງຖ້າພວກເຮົາຍີ້ມແຍ້ມຕໍ່ຊີວິດການເປັນຢູ່ຈະເປັນແນວໃດ, ເພາະຄວາມຍີ້ມແຍ້ມແມ່ນອາວຸດດີທີ່ສຸດຂອງແນວຄິດເຫັນແຕ່ແງ່ດີໄປຜາບແພ້ການເຫັນແຕ່ໃນແງ່ຮ້າຍ. ໃນຊີວິດຂອງເຮົາບໍ່ວ່າປະສົບພົບພໍ້ອີຫຍັງກໍຕາມ, ກໍຢ່າລືມໃຊ້ຄວາມຍີ້ມແຍ້ມແຈ່ມໃສໄປປະຕິບັດໝົດທຸກສິ່ງທຸກຢ່າງ. ເມື່ອມີຄວາມຍີ້ມແຍ້ມແລ້ວ, ຈຶ່ງມີຄວາມອາດເປັນໄປໄດ້ທີ່ຈະໄປຜາບແພ້ຄວາມອັດຕະຄັດຂັດສົບ, ມີຄວາມຍີ້ມແຍ້ມແລ້ວ, ຈຶ່ງສາມາດປ່ຽນແປງສະພາບການທີ່ບໍ່ມີຜົນດີຕໍ່ຕົນເອງເທື່ອລະກ້າວ.
ການຮັກສາຈິດໃຈເຫັນໄປໃນແງ່ດີບໍ່ແມ່ນເລື່ອງງ່າຍດາຍ, ການເຫັນໄປໃນແງ່ດີຕ້ອງການຄວາມພະຍາຍາມ, ຕ້ອງການສະຕິປັນຍາ, ມີແຕ່ເປັນແນວນີ້ຈຶ່ງສາມາດເຮັດໃຫ້ຕົນເອງມີຈິດໃຈທີ່ເຕັມໄປດ້ວຍຊີວິດຊີວາຕໍ່ຊີວິດຂອງຕົນ. ຜູ້ມີແນວຄິດເຫັນແຕ່ໃນແງ່ຮ້າຍເຮັດໃຫ້ທາງເດີນຂອງຊີວິດຕົນເອງຄັບແຄບເຂົ້າ, ແຕ່ຜູ້ມີແນວຄິດເຫັນເລື່ອງໃນແງ່ດີຈະເຮັດໃຫ້ຕົນເອງກ້າວເດີນຕາມເສັ້ນທາງຊີວິດນັບມື້ນັບກວ້າງອອກ, ການເລືອກເອົາທ່າທີເຫັນແຕ່ໃນແງ່ດີຕໍ່ຊີວິດແມ່ນຄວາມສະຫຼາດສະຫຼຽວອີກແບບໜຶ່ງ.
ຂໍ້ໃຫ້ທ່ານລອງໃຊ້ທ່າທີເຫັນແຕ່ໃນແງ່ດີໄປປະຕິບັດຕໍ່ຊີວິດຂອງທ່ານ, ຕ້ອນຮັບທຸກໆມື້ດ້ວຍໃບໜ້າຍີ້ມແຍ້ມແຈ່ມໃສ, ເຊື່ອວ່າ, ຊີວິດການເປັນຢູ່ທຳມະດາຈະສົ່ງກິ່ນຫອມຫວນສະບາຍໃຈ, ສ່ວນຊີວິດທີ່ມີຄວາມຫຍຸ້ງຍາກກໍ່ຈະນັບມື້ນັບດີຂຶ້ນ!
|
|
|
