ຕາມ​ຂ່າວສານ​ຊິນຮວາ: ວັນ​ທີ 19 ກຸມພາ ກະຊວງ​ທ່ອງ​ທ່ຽວ​ມາ​ເລ​ເ​ຊຍຈັດ​ງານ​ຊຸມ​ນຸມ​ນັກ​ຂ່າວ, ຊົມ​ເຊີຍນັກ​ຂ່າວ​ຈີນ​ 100 ຄົນ​ໄປ​​ທັດສະນະ​ສຶກສາການທ່ອງ​ທ່ຽວ​ມາ​ເລ​ເຊຍ.

​ໃນ​ມື້​ດຽວ​ກັນ ​ໃນ​ງານ​ຊຸມນຸມ​ນັກ​ຂ່າວ​ທີ່​ຈັດ​ຂຶ້ນຢູ່​ທີ່​ກົວ​ລາ​ລຳ​ເປີ, ທ່ານ​ລິ​ມ​ຊຽງ​ໄຊ ຮອງ​ລັດຖະມົນຕີ​ກະຊວງ​ທ່ອງທ່ຽວມາ​ເລ​ເຊຍ​ທີ່​ຂຶ້ນຮັບ​ຕຳ​ແໜ່​ງ​ໃໝ່ກ່າວ​ວ່າ, ​ມາ​ເລ​ເຊຍ​ກັບ​ຈີນ​ໄດ້​ຮັກສາ​ການ​ພົວພັນ​ທາງ​ການ​ທູດ​ອັນ​ດີງາມ​ໂດຍ​ຕະຫຼອດ, ​ໂດຍ​ສະ​ເພາະ​ແມ່ນ​ການ​ພົວ​ພັນ​ຄູ່​ຂາ​ຮ່ວມ​ມື​ຂອງ​ຂະ​ແໜງ​ການທ່ອງທ່ຽວ​ຍິ່ງ​ກົມກຽວ​ກັນ. ມາ​ເລ​ເຊຍ​ສຸດ​ທີ່​ເອົາ​ໃຈ​ໃສ່​ຕະ​ຫຼາດ​ແຫຼ່ງນັກ​ທ່ອງ​ທ່ຽວ​ຂອງ​ຈີນ, ​ເຊື່ອ​ວ່າ ຄະນະທັດສະນະ​ສຶກສາການ​ທ່ອງ​ທ່ຽວ​ຂອງ​ສື່​ມວນ​ຊົນ​ຈີນ​ເທື່ອ​ນີ້ ຍ່ອມຈະນຳ​ເອົາຊັບພະຍາກອນ​ການທ່ອງທ່ຽວ​ອັນ​ອຸ​ດົມສົມບູນ​ແລະ​ສະພາບຫຼ້າສຸດ​ຂອງ​ມາ​ເລ​ເຊຍໃນ​ສະ​ເພາະ​ໜ້າ​​​​ໄປສະ​ເໜີ​ຢູ່​ຈີນ, ມີ​ຄວາມ​ຮູ້ສຶກ​ເລິກ​ເຊິ່ງກວ່າ​ເກົ່າ​ຕໍ່​ສະຖານ​ທີ່​ທ່ອງທ່ຽວ​ຂອງ​ມາ​ເລ​ເຊຍ.