|
ຕາມຂ່າວCRI: ວັນທີ 20 ກຸມພາ, ໂຄສົກກະຊວງການຕ່າງປະເທດແລະການຄ້າສ.ເກົາຫຼີປະກາດວ່າ, ໃນມື້ດຽວກັນ ລັດຖະບານສ.ເກົາຫຼີໄດ້ແຕ່ງຕັ້ງທ່ານຊຸນຢືງວູ ຫົວໜ້າຫ້ອງການນະໂຍບາຍການຕ່າງປະເທດກະຊວງການຕ່າງປະເທດແລະການຄ້າສ.ເກົາຫຼີເປັນຫົວໜ້າຄະນະຜູ່ແທນສ.ເກົາຫຼີຜູ່ໃໝ່ທີ່ເຂົ້າຮ່ວມການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີ.
ໂຄສົກຜູ່ນີ້ແນະນຳວ່າ, ທ່ານຊຸນຢືງວູຍັງຈະນຳພາອົງການໃໝ່ທີ່ຈະສ້າງຕັ້ງຂຶ້ນ ອົງການນີ້ຕົ້ນຕໍແມ່ນຮັບຜິດຊອບການແກ້ໄຂບັນຫານິວເຄຼຍແຫຼມເກົາຫຼີແລະສ້າງກົນໄກສັນຕິພາບຖາວອນຂອງແຫຼມເກົາຫຼີ.
ໂຄສົກຜູ່ນີ້ຍັງກ່າວວ່າ, ລັດຖະບານສ.ເກົາຫຼີຍັງຈະຖືໂອກາດແຕ່ງຕັ້ງຫົວໜ້າຄະນະຜູ່ແທນຜູ່ໃໝ່ເທື່ອນີ້, ສືບຕໍ່ເພີ່ມທະວີທຳຄວາມພະຍາຍາມທາງການທູດ, ເພື່ອຊຸກຍູ້ໃຫ້ຟື້ນຟູການເຈລະຈາ 6 ຝ່າຍຄືນໃໝ່ໂດຍໄວ, ແລະຍາດແຍ່ງໃຫ້ການປະຕິບັດ "ຖະແຫຼງການຮ່ວມ" ທີ່ເຊັນກັນໃນການເຈລະຈາ 6 ຝ່າຍຮອບ 4 ໃນເດືອນກັນຍາປີກາຍນີ້ຈະໄດ້ຮັບຄວາມຄືບໜ້າຫຼັງຈາກຟື້ນຟູການເຈລະຈາ 6 ຝ່າຍແລ້ວ.
|
