ຕາມ​ຂ່າວສານ​ຊິນ​ຮວາ: ​ເອກະສານ​ສະບັບ​ໜຶ່ງ​ກ່ຽວ​ກັບ​ການ​ສ້າງສາ​ຊົນນະບົດ​ທີ່​ຈີນ​ປະ​ກາດ​ໃນ​ວັນ​ທີ 21 ກຸມພາ​ໄດ້​ວາງ​ຄາດໝາຍວ່າ, ຮອດ​ປີ 2008, ​ຈະ​ເຜີຍ​ແຜ່​ລະບອບ​ປິ່ນປົວ​ຮ່ວມ​ມື​ໃນ​ຊົນ​ນະບົດ​ແບບ​ໃໝ່​ໃຫ້​ທົ່ວ​ເຖິງ​ກັນ​ໃນຊົນນະບົດ​ທົ່ວ​ປະ​ເທດ​ຈີນ​ໂດຍ​ພື້ນຖານ.

ຕາມ​ສະ​ຖິຕິຫຼ້າສຸດ​ຂອງ​ກະຊວງ​ສາທາລະນະ​ສຸກ​ຈີນ, ປັດຈຸບັນ ​ໃນ​ທົ່ວ​ປະ​ເທດ​ມີ​ຊາວ​ກະ​ສິ​ກອນ​ 170 ລ້ານ​ຄົນຂຶ້ນ​ໄປ​ໄດ້​ເຂົ້າຮ່ວມ​ການ​ປິ່ນປົວ​ຮ່ວມ​ມື​ຊົນນະບົດ​ແບບ​ໃໝ່​ແລ້ວ, ກວມ​ປະ​ຊາ​ກອນກະສິກຳ​ເກືອບ 20%.

​ເອກະສານ​ສະບັບ​ນີ້​ກ່າວ​ວ່າ, ​ແຕ່​ປີ​ນີ້​ເປັນຕົ້ນ​ໄປ, ການ​ເງິນ​ແຫ່ງ​ລັດ​ຈີນ​ຈະ​ຍົກລະ​ດັບ​ເກື້ອ​ກູນ​ໃຫ້​ສູງ​ຂຶ້ນຢ່າງຫຼວງຫຼາຍ, ​ເພີ່ມ​ທະວີ​ການກໍ່ສ້າງ​ພື້ນຖານ​ໂຄງ​ລ່າງ​ສາ​ທາ​ລະ​ນະ​ສຸກ​ໃນ​ຊົນນະບົດ, ປັບປຸງລະບົບ​ປິ່ນປົວຟີ​ແລະ​ການ​ບໍລິການ​ສາທາລະນະ​ສຸກ​ໃນ​ຊົນນະ​ບົດ. ນອກ​ນີ້, ລັດ​ຖະບານ​ກໍ່​ປຸກລະດົມ​ກຳລັງ​ສັງຄົມ​ຕ່າງໆ​ເຂົ້າຮ່ວມ​ພາລະກິດ​ພັດທະນາ​ສາ​ທາ​ລະ​ນະ​ສຸກ​ໃນ​ຊົນນະບົດ.