|
ປີ 2005 ຈີນໄດ້ລົງທຶນເຂົ້າໃນອຸດສາຫະກຳລົດຍົນລື່ນກາຍ 100 ຕື້ຢວນ
cri
Author: cai
ຕາມຂ່າວສານຊີນຮວາ:ສະຖິຕິຫຼ້າສຸດທີ່ທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນໄດ້ປະກາດໃນວັນທີ 21 ກຸມພາສະແດງໃຫ້ເຫັນວ່າ,ປີ 2005,ຈີນໄດ້ລົງທຶນເຂົ້າໃນອຸດສາຫະກຳລົດຍົນລື່ນກາຍ 100 ຕື້ຢວນ,ຄວາມສາມາດຜະລິດລົດຍົນໄດ້ເພີ່ມຂຶ້ນຮອດປະມານ 8 ລ້ານຄັນ.
ໃນຫຼາຍປີມານີ້,ອຸດສາຫະກຳລົດຍົນຂອງຈີນໄດ້ຮັບການພັດທະນາຢ່າງວ່ອງໄວ,ມູນຄ່າການລົງທຶນໄດ້ເພີ່ມຂຶ້ນ 3 ເທົ່າຂຶ້ນໄປໃນ 4 ປີທີ່ຜ່ານມາ.ປີ 2005,ຈີນໄດ້ຜະລິດລົດຍົນ 6 ລ້ານ 1 ແສນ 5 ໝື່ນຄັນ.
ທະນາຄານກາງຄາດວ່າ,ການຍົກກຳລັງແກ່ງແຍ່ງຂອງຫຍີ່ຫໍ້ຜະລິດເອງໃຫ້ສູງຂຶ້ນ,ປົວແປງໂຄງປະກອບອຸດສາຫະກຳໃຫ້ດີຂຶ້ນ,ພັດທະນາຜະລິດຕະພັນອະນຸລັກສິ່ງແວດລ້ອມແລະປະຢັດພະລັງງານນັ້ນ,ຈະແມ່ນທິດສຳຄັນຂອງການພັດທະນາອຸດສາຫະກຳລົດຍົນຂອງຈີນໃນຕໍ່ໄປພາຍໜ້າ.
|
|
