|
ອົງການປົກຄອງເຂດບໍລິຫານພິເສດຮົງກົງຄາດວ່າ ປີນີ້ ເສດຖະກິດຮົງກົງມີຫວັງຈະເພີ່ມຂຶ້ນ 4% ຫາ 5%
cri
Author: cai
ຕາມຂ່າວCRI:ວັນທີ 22 ກຸມພາ,ທ່ານຖາງຢີ່ງນຽນ ຫົວໜ້າກົມການເງິນຂອງອົງການປົກຄອງເຂດບໍລິຫານພິເສດຮົງກົງເວົ້າວ່າ,ປີນີ້,ຍອດມູນຄ່າການຜະລິດຂອງຮົງກົງມີຫວັງຈະເພີ່ມຂຶ້ນ 4% ຫາ 5%,ສູງກວ່າລະດັບເຕີບໂຕໃນ 10 ປີທີ່ຜ່ານມາໜ້ອຍໜຶ່ງ.
ທ່ານຖາງຢີ່ງນຽນແມ່ນໃຫ້ທັດສະນະດັ່ງກ່າວໃນເວລາອ່ານບົດລາຍງານແຜນການງົບປະມານການເງິນສົກປີໃໝ່ໃນສະພານິຕິບັນຍັດຮົງກົງ.ທ່ານເວົ້າວ່າ,ຄຽງຄູ່ກັບເສດຖະກິດດີຂຶ້ນຕື່ມອີກ,ປີ 2006,ສະພາບປະກອບອາຊີບຂອງຮົງກົງມີຫວັງຈະດີຂຶ້ນຕໍ່ໄປ.ອັດຕາເງິນເຟີ້ຍັງຈະຢູ່ໃນລະດັບບໍ່ສູງບໍ່ຕ່ຳ,ກະວ່າ,ປີນີ້,ເສດຖະກິດຮົງກົງຈະເຕີບໂຕຢ່າງໜັກແໜ້ນ.
|
|
