|
|
 |
| (GMT+08:00)
2006-02-23 16:45:58
|
 |
|
ຈີນຈະສ້າງລະບົບບໍລິການສາທາລະນະສຸກທີ່ອ່າວຄົບຖ້ວນບໍລິບູນຢູ່ຊົນນະບົດ(ສຽງ)
cri
Author: shuo
|
ຢູ່ຈີນມີພົນລະເມືອງ750ກວ່າລ້ານຄົນອາໄສຢູ່ຊົນນະບົດ,ກວມປະຊາກອນທັງໝົດ60%.ຍ້ອນມູນເຫດຕ່າງໆ,ເງື່ອນໄຂສາທາລະນະສຸກແລະການປິ່ນປົວພະຍາດຂອງເຂດຊົນນະ ບົດຈີນມີຄວາມຜິດໂຕນກັນຫຼາຍສົມຄວນກັບຕົວເມືອງ.ຕາມສະຖິຕິ,ຊັບພະຍາກອນສາທາລະນະສຸກທົ່ວປະເທດມີ80%ໂຮມສູນຢູ່ຕົວເມືອງ.ໂຮງໝໍຊົນນະບົດມີແຕ່ອຸປະກອນທີ່ຫຼ້າຫຼັງ,ທັງຂາດເຂີນຜູ້ມີຄວາມຮູ້ຄວາມສາມາດດ້ານສາທາລະນະສຸກ,ສະນັ້ນຈຶ່ງບໍ່ສາມາດຕອບສະໜອງຄວາມຕ້ອງການຂອງຄົນເຈັບຊາວກະສິກອນ.ພ້ອມກັນນັ້ນ,ຊາວກະສິກອນຈີນຂາດເຂີນການຄ້ຳປະກັນພື້ນຖານດ້ານການປົວພະຍາດ,ຕ້ອງເສຍເງິນເອງໄປປົວພະ ຍາດ.ຕາບໃດເປັນພະຍາດໜັກ,ຊາວກະສິກອນທີ່ມີລາຍໄດ້ຕ່ຳແມ່ນຍາກທີ່ຫາບແບກຄ່າປິ່ນປົວສູງ.ລຸງຈ່າງພ້ອມດ້ວຍຄອບຄົວຂອງເພິ່ນແມ່ນໄທບ້ານຂອງເມືອງຈ່ຽນລີ້ແຂວງຫູໄປພາກກາງຂອງຈີນ,ພວກເພິ່ນເວົ້າວ່າ: "ເຖິງຈະມີແຕ່ຮ້ອຍຢວນ ສອງຮ້ອຍຢວນທໍ່ນັ້ນ,ກໍແພງຫຼາຍສຳລັບຄອບຄົວຊາວກະສິກອນພວກເຮົາ.ສະນັ້ນ,ຖ້າພວກເຮົາເຈັບໄຂ້ໄດ້ພະຍາດ,ຂໍແຕ່ວ່າບໍ່ກະທົບກະເທືອນເຖິງການເຮັດໄຮ່ໄຖນາ,ແລະຍັງກິນເຂົ້າໄດ້,ພວກເຮົາກໍບໍ່ໄປໂຮງໝໍ."
ເພື່ອແກ້ໄຂບັນຫາປົວພະຍາດຍາກແລະປົວພະຍາດແພງຂອງຊາວກະສິກອນ,ເລີ່ມແຕ່ປີ2003ເປັນຕົ້ນມາ,ລັດຖະບານຈີນເລີ່ມສ້າງລະບອບຮ່ວມມືປິ່ນປົວພະຍາດຢູ່ຊົນນະບົດແບບໃໝ່,ເຊິ່ງກໍຄື:ລັດຖະບານກາງ ອົງການປົກຄອງທ້ອງຖິ່ນແລະຊາວກະສິກອນຕ່າງເສຍເງິນຈຳນວນໜຶ່ງ,ແລ້ວສ້າງກອງທຶນການປິ່ນປົວພະຍາດ,ເພື່ອສະໜອງຄ່າປິ່ນປົວພະ ຍາດສ່ວນໜຶ່ງໃຫ້ຊາວກະສິກອນທີ່ໄດ້ເຂົ້າຮ່ວມລະບອບຮ່ວມມືປິ່ນປົວພະຍາດ.ປະຈຸບັນນີ້,ລະບອບຮ່ວມມືປິ່ນປົວພະຍາດຢູ່ຊົນນະບົດແບບໃໝ່ໄດ້ຮັບການເຜີຍແຜ່ຢູ່ເຂດຊົນນະບົດຈີນລື່ນກາຍ30%.
ໃນຂະນະດຽວກັນນີ້,ລະບອບຮ່ວມມືປິ່ນປົວພະຍາດຢູ່ຊົນນະບົດແບບໃໝ່ກໍໄດ້ເຮັດໃຫ້ອົງ ການປິ່ນປົວພະຍາດຂັ້ນຮາກຖານຂອງຊົນນະບົດມີລາຍໄດ້ເພີ່ມຂຶ້ນ.ໂຮງໝໍຊົນນະບົດໄດ້ ໃຊ້ລາຍໄດ້ທີ່ເພີ່ມຂຶ້ນ,ຊື້ອຸປະກອນປົວພະຍາດ,ອົບຮົມບຸກຄົນ,ແລະເສີມສ້າງລະດັບປິ່ນ ປົວພະຍາດ.ທ່ານຫູໂຢຊູ້ ນາຍໝໍຂອງໂຮງໝໍເມືອງນ້ອຍມໍຊື້ເມືອງຊາງຢາງແຂວງຫູໄປເວົ້າວ່າ: "ແຕ່ກ່ອນ,ສະເລ່ຍແລ້ວ,ແຕ່ລະມື້ມີຄົນເຈັບ6ຫາ8ຄົນນອນຢູ່ໂຮງໝໍພວກເຮົາ,ແຕ່ປັດຈຸບັນ,ທຳມະດາແລ້ວມີ18ຮອດ20ຄົນ,ເວລາຫຼາຍທີ່ສຸດມີ30ກວ່າຄົນ.ລະບອບຮ່ວມມືປິ່ນປົວພະຍາດຢູ່ຊົນນະບົດແບບໃໝ່ເຮັດໃຫ້ຊາວກະສິກອນໄດ້ຮັບຜົນປະໂຫຍດແທ້ຈິງ,ໂຮງໝໍໄດ້ຮັບການພັດທະນາ,ຫຼາຍຝ່າຍໄດ້ຮັບຜົນປະໂຫຍດ."
ເນື່ອງຈາກລະບອບຮ່ວມມືປິ່ນປົວພະຍາດຢູ່ຊົນນະບົດແບບໃໝ່ໄດ້ຮັບໝາກຜົນອັນດີງາມ, ລັດຖະບານຈີນໄດ້ຕົກລົງຍົກມາດຖານເງິນເກື້ອກູນຂອງລັດຖະບານໃຫ້ແກ່ຊາວກະສິ ກອນທີ່ເຂົ້າຮ່ວມລະບອບດັ່ງກ່າວ,ແລະເປີດກວ້າງຂອບເຂດທົດລອງເທື່ອລະກ້າວ.ໃນ5ປີຂ້າງໜ້າ,ຈະເຮັດໃຫ້ລະບອບດັ່ງກ່າວປົກຫຸ້ມເຂດຊົນນະບົດທົ່ວປະເທດຈີນໃນຂັ້ນພື້ນ ຖານ.
ຫວ່າງກ່ອນນີ້ບໍ່ດົນ,ກະຊວງສາທາລະນະສຸກຈີນໄດ້ວາງແຜນການຂະຫຍາຍຕົວໃນ5ປີຂ້າງໜ້າ,ໂດຍຊີ້ອອກວ່າ,ໃນ5ປີຂ້າງໜ້າ,ລັດຖະບານຈີນຈະລົງທຶນ20ກວ່າຕື້ຢວນ,ເພື່ອ ຈັດຕັ້ງການສ້າງສາພື້ນຖານໂຄງລ່າງສາທາລະນະສຸກຢູ່ຊົນນະບົດ.ຈຸດໜັກແມ່ນປັບປຸງແລະບູລະນະລະບົບບໍລິການສາທາລະນະສຸກຊົນນະບົດ3ຂັ້ນ ຄື ເມືອງ ຕາແສງແລະບ້ານ,ພ້ອມກັນນັ້ນ,ຈັດຕັ້ງປະຕິບັດໂຄງການອົບຮົມນາຍໝໍຂອງຕາແສງແລະບ້ານ,ປົວແປງອົງປະກອບຄວາມຮູ້ແລະຄວາມສາມາດບໍລິການຂອງນາຍໝໍແລະນາງພະຍາບານຊົນນະບົດໃຫ້ດີຂຶ້ນ,ແຕ່ລະປີຈະແຕ່ງນາຍໝໍຕົວເມືອງທີ່ມີເຕັກນິກເກັ່ງຫຼາຍພັນຄົນໄປເຮັດວຽກຢູ່ອົງ ການປິ່ນປົວພະຍາດຊົນນະບົດ,ເພື່ອເສີມສ້າງກຳລັງຢູ່ແຫ່ງນັ້ນ.
|
|
|
