|
ທ່ານເຟິງຈຸ່ນປີນີ້ອາຍຸ36ປີ,ບໍ່ສູງປານໃດ,ໜ້າຕາຊື່ສັດ,ສຽງທຸ້ມ.ຫຼັງຈາກໄດ້ຮຽນຈົບຈາກພະແນກສະຖາປະຕະຍາກຳຂອງມະຫາວິທະຍາໄລຊີ່ງຮວາໃນປີ1992,ທ່ານເຟິງຈຸ່ນກໍ່ໄດ້ມາຮອດ"ສວນວິທະຍາສາດເຕັກໂນໂລຢີຈົ່ງກ່ວນຊຸ່ນປັກກິ່ງ"ທີ່ໄດ້ມີສົນຍາຍາມວ່າ"ຊີລີຄອນແວລີຂອງຈີນ"ເລີ່ມປະກອບທຸລະກິດ.ໃນເບື້ອງຕົ້ນ,ບໍລິສັດຂາຍໄດ້ແປ້ນພິມດີດ,ມາວສ໌ແລະແອບCPUທີ່ມີກຳໄລໜ້ອຍທີ່ສຸດ,ຍ້ອນມີພະນັກງານໜ້ອຍ,ທຸກໆມື້,ທ່ານເຟິງຈຸ່ນກໍ່ຕ້ອງຫາມແອບCPUແລະແປ້ນພິມດີດສົ່ງໄປເຖິງຕູ້ຂາຍທຸກຕູ້ກ່ອນ,ແລ້ວຈິ່ງອອກໄປເຮັດທຸລະກິດໄດ້.ເມື່ອເວົ້າເຖິງເປັນຫຍັງຈິ່ງເລືອກເອົາອຸດສາຫະກຳITໃນຄາວນັ້ນ,ທ່ານເຟິງຈຸ່ນເວົ້າວ່າ:
"ໃນຄາວນັ້ນ,ສຳລັບນັກສຶກສາທີ່ຮຽນຈົບໃນປີ1992,ຖ້າວ່າຢາກໄປປະກອບທຸລະກິດ,ໂອກາດພັດທະນາທີ່ດີກວ່າໝູ່ກໍ່ແມ່ນອຸດສາຫະກຳເອເລັກໂຕຼນິກ."
ໂດຍອີງອາໄສການມີມະນຸດສຳພັນທີ່ດີແລະຄວາມສະຫຼາດຄ່ອງແຄ້ວ,ທຸລະກິດຂອງທ່ານເຟິງຈຸ່ນຄ່ອຍໆເຕີບໂຕຂຶ້ນ.ປີ1993,ທ່ານໄດ້ສ້າງຕັ້ງບໍລິສັດວິທະຍາສາດເຕັກໂນໂລຢີດີຈິຕອນຂໍ້ມູນຂ່າວສານຮວາຊີ໋,ຫຼັງຈາກນັ້ນ,ມູນຄ່າຈຳໜ່າຍຂອງບໍລິສັດຮວາຊີ໋ກໍ່ໄດ້ເພິ່ມຂຶ້ນລື່ນກາຍ60% ໃນຫຼາຍປີລຽນຕິດ.
ປີ1999,ອິນເຕີເນັດໄດ້ຈະເລີນຮຸ່ງເຮືອງຂຶ້ນແລະຄອມພິມເຕີໄດ້ເຜີຍແຜ່ໃຫ້ທົ່ວເຖິງ,ນີ້ພາໃຫ້ຕະຫຼາດຂອງຈີນມີຄວາມຕ້ອງການຢ່າງຫຼວງຫຼາຍຕໍ່ຜະລິດຕະພັນດີຈິຕອນປະເພດຕ່າງໆ.ໃນເວລານັ້ນ,ທ່ານເຟິງຈຸ່ນເລີ່ມພິຈາລະນາຈະກຳໂອກາດນີ້ແນວໃດແລະອາໄສການປະດິດສ້າງເຕັກນິກ ສະແຫວງຫາໂອກາດເຕີບໂຕຂຶ້ນຢ່າງວ່ອງໄວ.ເມື່ອໄດ້ຄົ້ນຄວ້າຢ່າງລະອຽດແລ້ວ,ເພິ່ນໄດ້ນຳພາບໍລິສັດຮວາຊີ໋ລົງທຶນແລະຄົ້ນຄວ້າພັດທະນາຜະລິດຕະພັນສະສົມເຄື່ອນທີ່,ສ້າງຍີ່ຫໍ້"ອາຍໂກ".ການປ່ຽນທິດທຸລະກິດຂອງບໍລິສັດຮວາຊີ໋ໄດ້ຮັບຜົນສຳເລັດຢ່າງວ່ອງໄວ,ຜະລິດຕະພັນສະສົມເຄື່ອນທີ່ລະບົບ"ອາຍໂກ"ໄດ້ຮັບຄວາມນິຍົມຈາກຜູ້ໃຊ້ ເຊັ່ນ,ກົງຈັກອົງການປົກຄອງ,ອົງການຄົ້ນຄວ້າວິທະຍາສາດເປັນຕົ້ນ,ແລະໄດ້ຮັບໃບຈອງຊື້ງວດໃຫຍ່.ຫຼັງຈາກການລົງທຶນເຂົ້າໃນຜະລິດຕະພັນສະສົມເຄື່ອນທີ່ໄດ້ຮັບຜົນສຳເລັດແລ້ວ,ທ່ານເຟິງຈຸ່ນກໍ່ກ້າວເຂົ້າສູ່ວຽກງານຄົ້ນຄວ້າMP3ໃນທັນທີ.
"ປີ1999,ພວກເຮົາເລີ່ມຄົ້ນຄວ້າພັດທະນາຜະລິດຕະພັນສະສົມເຄື່ອນທີ່, ຜົນການຄົ້ນຄວ້າພັດທະນາດັ່ງກ່າວໄດ້ຮັບຄ່າຕອບແທນອັນມະຫາສານ,ພວກເຮົາ ໃຊ້ກຳໄລດັ່ງກ່າວລົງທຶນຄົ້ນຄວ້າພັດທະນາMP3.
ຢູ່ຈີນ,ຕະຫຼາດຂາຍMP3ໄດ້ຖືກຍີ່ຫໍ້ດັງຂອງສ.ເກົາຫຼີແລະຍີ່ປຸ່ນເປັນຕົ້ນຜູກຂາດເປັນເວລາດົນນານ.ການປະກົດຕົວຂອງMP3 ລະບົບ"ອາຍໂກ"ທີ່ບໍລິສັດຮວາຊີ໋ຄົ້ນຄວ້າພັດທະນາໄດ້ທັບມ້າງສະພາບການດັ່ງກ່າວ.ປີ2004, MP3ຍີ່ຫໍ້"ອາຍໂກ"ເຂົ້າສູ່ຕະຫຼາດພຽງປີດຽວ,ປະລິມານຈຳໜ່າຍກໍ່ເພິ່ມຂຶ້ນເປັນທີ1ຢູ່ຕະຫຼາດພາຍໃນປະເທດຈີນ.ປະຈຸບັນ,ປະລິມານຈຳໜ່າຍຢູ່ຈີນໄດ້ລື່ນກາຍຍີ່ຫໍ້ຂອງສ.ເກົາຫຼີແລະຍີ່ປຸ່ນຫຼາຍຍີ່ຫໍ້ ເຊັ່ນ,ຊຳຊຸງແລະໂຊນີເປັນຕົ້ນ2ປີລຽນຕິດແລ້ວ.
ທ່ານເຊີນລີ້ຈຸ່ນໄດ້ເຮັດວຽກຢູ່ບໍລິສັບຮວາຊີ໋3ປີປາຍແລ້ວ,ຕົ້ນຕໍຮັບຜິດຊອບວຽກງານຄົ້ນຄວ້າພັດທະນາເຜີຍແຜ່MP3ແລະຜະລິດຕະພັນອື່ນໆ.ເມື່ອເວົ້າເຖິງຜົນສຳເລັດທີ່ເປັນຕາພາກພູມໃຈທີ່MP3"ອາຍໂກ"ໄດ້ຮັບຢູ່ຕະຫຼາດຈີນ,ທ່ານເວົ້າວ່າ:
"ເມື່ອທຽບກັບຍີ່ຫໍ້ຕ່າງປະເທດແລ້ວ, MP3"ອາຍໂກ"ຍິ່ງສອດຄ່ອງກັບຄວາມຊິນເຄີຍໃນການໃຊ້ຂອງຄົນຈີນ,ໃນດ້ານອົງປະກອບ,ຮູບນອກແລະຜະລິດຕະພັນຂອງພວກເຮົາອາດຈະຍິ່ງສອດຄ່ອງກັບທັດສະນະຄະຕິແລະຂົງເຂດຮັບເອົາຂອງຄົນຈີນ."
ໃນຂະນະດຽວກັນທີ່ສ່ວນແບ່ງຕະຫຼາດພາຍໃນປະເທດຂອງMP3ໄດ້ເປັນທີ1ຢ່າງໝັ້ນທ່ຽງນັ້ນ,ບໍລິສັດຮວາຊີ໋ກໍ່ໄດ້ອຳນວຍຜະລິດຕະພັນ ລະບົບMP4ໃນປີ2005,ບົນພື້ນຖານMP3,ຜະລິດຕະພັນຊະນິດນີ້ໄດ້ເພິ່ມປະສິດທິຄຸນກະຈາຍພາບ.ພາຍຫຼັງສະໜອງຜະລິດຕະພັນMP4ຢູ່ໃນຕະຫຼາດຂອງຈີນແລ້ວກໍ່ໄດ້ຮັບສຽງສະທ້ອນຄືນອັນຄຶກຄື້ນຂອງຜູ້ຊົມໃຂ້,ປະລິມານຈຳໜ່າຍໄດ້ໄລ່ຕາມບາງຍີ່ຫໍ້ຂອງເອີລົບແລະອາເມລິກາຕະຫຼອດມາ.ສ່ວນຢູ່ຕະຫຼາດພົ້ນທະເລ,MP4"ອາຍໂກ"ກໍ່ໄດ້ຮັບຄວາມຊົມເຊີຍຂອງຜູ້ຊົມໃຊ້, ປະຈຸບັນ, ໄດ້ຮັບໃບຈອງຊື້ຈຳນວນຫຼວງຫຼາຍຈາກອັງກິດແລະຝຣັ່ງແລ້ວ.
ທ່ານພ່ານອ່ານເຮັດວຽກຢູ່ບໍລິສັດແຫ່ງໜຶ່ງຂອງປັກກິ່ງ,ຕາມເສັ້ນທາງໄປເຮັດການທຸກມື້,ຢູ່ເທິງຄໍຂອງເພິ່ນກໍ່ໄດ້ແຂວນMP3"ອາຍໂກ"ໄວ້,ດົນຕີເຮັດໃຫ້ອາລົມຈິດຂອງເພິ່ນຜ່ອນຄາຍລົງ.ຫຼັງຈາກບໍລິສັດຮວາຊີ໋ໄດ້ອຳນວຍMP4ລຸ້ນໃໝ່ແລ້ວ,ເພິ່ນກໍ່ຄິດຢາກຈະປ່ຽນເຄື່ອງwalksmanດົນຕີຂອງຕົນ.
"ຜະລິດຕະພັນຊະນິດນີ້ໄດ້ເອົາວັດທະນະທຳຈີນກັບວັດທະນະທຳຝ່າຍຕາເວັນຕົກປະສານກັນ,ຂະໜາດທໍ່ຝ່າມື,ງາມຫຼາຍ,ການໃຊ້ກໍ່ງ່າຍ,ໃນເວລາໄປທ່ອງທ່ຽວຫຼືໃນເວລານອກໂມງການ, ບໍ່ພຽງແຕ່ຟັງເພງໄດ້, ຍັງເບີ່ງMV(ດົນຕີພາບ)ໄດ້ອີກ."
ຕາມໄດ້ຊາບ,ປະຈຸບັນ,ຜະລິດຕະພັນສະສົມເຄື່ອນທີ່"ອາຍໂກ"ໄດ້ຄອບຄອງອັດຕາສ່ວນ30%ຂອງຕະຫຼາດຜະລິດຕະພັນສະສົມເຄື່ອນທີ່ຂອງຈີນ,ໄດ້ຊັກນຳອຸດສາຫະກຳສະສົມເຄື່ອນທີ່ຂອງຈີນພັດທະນາຢ່າງວ່ອງໄວ.ປະລິມານຈຳໜ່າຍຂອງMP3"ອາຍໂກ"ໄດ້ນຳໜ້າຍີ່ຫໍ້ຈຳນວນຫຼວງຫຼາຍພາຍໃນຈີນແລະຕ່າງປະເທດຕັ້ງຫຼວງຫຼາຍ. ລະບົບອັດສຽງທີ່ມີຄວາມຊັດແຈ້ງສູງຂອງ"ອາຍໂກ"ໄດ້ຮັບໃຊ້ຍານອະວະກາດບັນທຸກຄົນ"ເສີນໂຈ່ວ"ເລກ6,ໄດ້ທົນຕໍ່ການທົດສອບຂອງສິ່ງແວດລ້ອມອະວະກາດ."
ຫວ່າງມໍ່ໆນີ້,ທ່ານເຟິງຈຸ່ນກໍ່ໄດ້ຕົກລົງເຂົ້າສູ່ຂົງເຂດກ້ອງຖ່າຍຮູບດີຈິຕອນທີ່ແກ່ງແຍ່ງກັນຢ່າງດຸເດືອດ.ກ້ອງຖ່າຍຮູບດີຈິຕອນ8ລ້ານພິກເຊວທີ່ບໍລິສັດຮວາຊີ໋ຄົ້ນຄວ້າພັດທະນາເອົາເອງໄດ້ປະກົດຕົວໃນຕະຫຼາດຂອງຈີນແລະຕ່າງປະເທດໃນທ້າຍປີ2005,ນີ້ແມ່ນກ້ອງຖ່າຍຮູບດີຈິຕອນລຸ້ນທຳອິດທີ່ຄົນຈີນຄົ້ນຄວ້າພັດທະນາເອົາເອງແລະໄດ້ບັນລຸຄຸນນະພາບອັນກ້າວໜ້າສາກົນ.ໃນໄລຍະທ່ານແບຼ ນາຍົກລັດຖະມົນຕີອັງກິດຢ້ຽມຢາມຈີນໃນປີ2005,ເມື່ອໄດ້ເຫັນກ້ອງຖ່າຍຮູບລຸ້ນນີ້ແລ້ວກໍ່ມັກຫຼາຍ.ໃນສະເພາະໜ້ານີ້,ມັນໄດ້ກາຍເປັນອຸປະກອນທີ່ຂາດບໍ່ໄດ້ຂອງລະບົບຕິດຕາມຄຸ້ມຄອງຄົມມະນາຄົມຢູ່ບາງທ້ອງຖິ່ນຂອງຈີນແລ້ວ.
ສຳລັບການພັດທະນາໃນອະນາຄົດຂອງບໍລິສັດຮວາຊີ໋,ທ່ານເຟິງຈຸ່ນກ່າວວ່າ,ເປົ້າໝາຍຂອງເພິ່ນແມ່ນໃຫ້ຜະລິດຕະພັນດີຈິຕອນທີ່ບໍລິສັດຮວາຊີ່ຜະລິດນັ້ນຂາຍໄປຮອດທຸກມຸມຂອງໂລກ.ທ່ານເວົ້າວ່າ:
"ໃຫ້ຜູ້ຊົມໃຊ້ທົ່ວໂລກໄດ້ເຫັນຍີ່ຫໍ້ຂອງຈີນ,ການປະດິດສ້າງຂອງຈີນແລະຜະລິດຕະພັນທີ່ຈີນຄົ້ນຄວ້າພັດທະນາ,ສ້າງຜະລິດຕະພັນດີຈິຕອນ ລະບົບ"ອາຍໂກ"ໃຫ້ກາຍເປັນຍີ່ຫໍ້ສາກົນທີ່ຄົນຈີນພາກພູມໃຈ."
|
