|
|
 |
| (GMT+08:00)
2006-02-24 15:09:57
|
 |
|
ນາຍໝໍຕາບອດຂອງໂຮງໝໍນວດປັກກິ່ງ(ສຽງ)
cri
Author: q
ທ່ານຊ້ຽງຕົ້ງ ປີນີ້ອາຍຸ37ປີ,ແມ່ນນາຍໝໍຕາບອດຜູ້ໜຶ່ງຂອງໂຮງໝໍນວດປັກກິ່ງ,ທ່ານຍັງແມ່ນຜູ້ມັກຄອມພິວເຕີອີກ.ໃນຍາມທຳມະດາ,ນອກຈາກຊອກເບິ່ງຂໍ້ມູນຂ່າວສານວິຊາສະເພາະຈຳນວນໜຶ່ງດ້ວຍຄອມພິວເຕີແລ້ວ,ທ່ານຍັງໄດ້ຊອກອ່ານຂ່າວແລະນະວະນິຍາຍຫຼືດາວໂລ(download)ດົນຕີຈຳນວນໜຶ່ງເພື່ອຟັງ.ທ່ານຊ້ຽງຕົ່ງເວົ້າວ່າ,ໃນຖານເປັນຄົນຕາບອດ,ທ່ານສາມາດໃຊ້ຄອມພິວເຕີຕາມໃຈນັ້ນແມ່ນຍ້ອນວ່າທາງໂຮງໝໍໄດ້ອຳນວຍຊອບແວພິເສດອັນໜຶ່ງໃຫ້ທ່ານ.ທ່ານເວົ້າວ່າ:
"ຄອມພິວເຕີຂອງພວກເຮົາມີຊອບແວພິເສດ,ເຊິ່ງສາມາດອ່ານຕົວໜັງສືເທິງໜ້າຈໍຄອມພິວເຕີໃຫ້ມີສຽງແລະຟັງໂດຍກົງໄດ້,ພວກເຮົາຍັງສາມາດອັດສຽງເຫຼົ່ານີ້ໄວ້ໃນສໍອັດສຽງຫຼືເຄື່ອງອັດສຽງMP3,ອັນໄດ້ອຳນວຍຄວາມສະດວກຢ່າງຫຼວງຫຼາຍໃຫ້ແກ່ການຮ່ຳຮຽນຂອງພວກເຮົາ."
ທ່ານຊ້ຽງຕົ່ງເວົ້າວ່າ,ເພື່ອເຮັດໃຫ້ຊີວິດນອກໂມງການຂອງນາຍໝໍຕາບອດທັງຫຼາຍອຸດົມສົມບູນແລະມ່ວນຊື່ນຂຶ້ນ.ທາງໂຮງໝໍຍັງໄດ້ຈັດການເຄື່ອນໄຫວລື້ນເລິງແລະການເຄື່ອນໄຫວກິລາຈຳນວນໜຶ່ງເລື້ອຍໆ.ຕົວຢ່າງເຊັ່ນ,ຈັດງານຟ້ອນ,ນາຍໝໍທີ່ມີສາຍຕາເປັນປົກກະຕິກໍຈະຟ້ອນນຳກັນກັບນາຍໝໍຕາບອດ.ໃນການຈັດງານກິລາເທື່ອໃດ,ກໍໄດ້ຈັດລາຍການກິລາທີ່ແນໃສ່ຄົນຕາບອດ,ຕົວຢ່າງຄືການແຂ່ງຂັນຄວ່າງດອກປີກໄກ່.ທ່ານຊ້ຽງຕົ່ງບອກນັກຂ່າວວ່າ,ການແຂ່ງຂັນຄວ່າງດອກປີກໄກ່ແມ່ນການເຄື່ອນໄຫວລາຍໜຶ່ງທີ່ມ່ວນຫຼາຍ.ດອກປີກໄກ່ມີນ້ຳໜັກເບົາ,ຄັນຢາກຄວ່າງໄປໄກກໍຕ້ອງມີສືມີ,ນອກນີ້ຍັງສາມາດເຮັດໃຫ້ແຂນມີກຳລັງ.ເມື່ອໂຮງໝໍຈັດງານກິລາເທື່ອໃດ,ທ່ານຈະຕ້ອງເຂົ້າຮ່ວມການແຂ່ງຂັນລາຍນີ້.
ຢູ່ໂຮງໝໍນວດປັກກິ່ງ,ນາຍໝໍຕາບອດແລະນາຍໝໍທີ່ມີສາຍຕາປົກກະຕິຊ່ອຍເຫຼືອເຊິ່ງກັນແລະກັນ,ຢູ່ຮ່ວມກັນຢ່າງກົມກຽວກັນ.ທ່ານນາງຢາງຢາງແມ່ນນາຍໝໍ ທີ່ມີສາຍຕາປົກກະຕິ,ນາງບອກນັກຂ່າວວ່າ:"ພວກຂ້າພະເຈົ້າດຳລົງຊີວິດແລະເຮັດວຽກນຳກັນກັບພວກນາຍໝໍຕາບອດ,ແຕ່ບໍ່ໄດ້ຖືພວກເຂົາເຈົ້າເປັນຄົນພິການ,ພວກຂ້າພະເຈົ້າໄດ້ທຳຄວາມເຂົ້າໃຈກັນກັບພວກເຂົ້າເຈົ້າຄືກັນກັບຄົນປົກກະຕິ.ພວກເຂົາເຈົ້າມີຄວາມຮັບຮູ້ຫຼາຍດ້ານ,ຕົວຢ່າງຄື,ລາງເທື່ອບ້ານເຮົາຊື້ເຄື່ອນໃຊ້ໄຟຟ້າໃນເຮືອນເຊັ່ນລຳໂພງເທບຊີດີເປັນຕົ້ນ,ເຮົາກໍຈະຂໍຄຳປຶກສານຳພວກເຂົາເຈົ້າ.ໃນເມື່ອພົບພໍ້ຄົນພິການໃນຍາມທຳມະດາ,ພວກຂ້າພະເຈົ້າກໍຈະເປັນເຈົ້າການຊ່ອຍຈູງພວກເຂົາເຈົ້າ.ພວກຂ້າພະເຈົ້າຫວັງຢາກເປັນຕາຂອງພວກເຂົາເຈົ້າເພື່ອໃຫ້ການບໍລິການຫຼາຍກວ່າເກົ່າແກ່ພວກເຂົາເຈົ້າ."
1 2
|
|
|
