|
ຕາມຂ່າວ CRI: ຕອນກາງຄືນວັນທີ 23 ກຸມພາ, ຝ່າຍທະຫານຟິລິປິນໄດ້ຜາບແພ້ກົນອຸບາຍທີ່ເຈຕະນາໂຄ່ນລົ້ມລັດຖະບານອີກເທື່ອໜຶ່ງ, ວັນທີ 24 ກຸມພາ, ທ່ານນາງອາໂຣໂຢ ປະທານາທິບໍດີຟິລິປິນປະກາດວ່າ, ປະເທດຟິລິປິນເຂົ້າສູ່ສະພາວະສຸກເສີນ.
ຕອນເຊົ້າວັນທີ 24 ກຸມພາ, ທ່ານເຊັນກາ, ເສນາທິການໃຫຍ່ຂອງກອງປະກອບອາວຸດຟິລິປິນເວົ້າວ່າ, ຕອນກາງຄືນວັນທີ 23 ກຸມພາ, ຝ່າຍທະຫານຟິລິປິນໄດ້ຜາບແພ້ກົນອຸບາຍທີ່ເຈຕະນາໂຄ່ນລົ້ມລັດຖະບານອາໂຣໂຢອີກເທື່ອໜຶ່ງ, ຜູ້ບັນຊາການ 3 ຄົນຂອງຝ່າຍທະຫານແລະຝ່າຍຕຳຫຼວດທີ່ຖືກສົງໄສມີສ່ວນກ່ຽວພັນເຖິງຄະດີດັ່ງກ່າວໄດ້ຖືກປົດຕຳແໜ່ງແລ້ວຖືກຕິດຕາມຄຸ້ມຄອງເພື່ອຮັບການສືບສວນ.
ຫຼັງຈາກທ່ານເຊັນກາປະກາດຂ່າວດັ່ງກ່າວບໍ່ດົນ, ທ່ານນາງອາໂຣໂຢ ປະທານາທິບໍດີຟິລິປິນໄດ້ກ່າວຄຳປາໄສໂດຍຜ່ານທາງໂທລະພາບ, ປະກາດວ່າປະເທດຟິລິປິນເຂົ້າສູ່ສະພາວະສຸກເສີນ.
1 2 3
|
