|
ບົດນຳຂອງໜັງສືພິມມາກາວລາຍວັນຊີ້ອອກວ່າ,ຜູ່ນຳເຈົ້າໜ້າທີ່ໄຕ້ຫວັນຍົກເລີກ"ຄະນະກຳມະການໂຮມປະເທດຈີນເຂົ້າເປັນເອກະພາບກັນແລະໂຄງການໂຮມປະເທດຈີນເຂົ້າເປັນເອກະພາບກັນ"ຍ່ອມຈະພາໃຫ້ການພົວພັນລະຫວ່າງສອງຝັ່ງເຄັ່ງຕຶງຂຶ້ນ
cri
ຕາມຂ່າວCRI,ໜັງສືພິມມາກາວລາຍວັນສະບັບວັນທີ25ກຸມພາໄດ້ພິມບົດນຳໂດຍຊີ້ອອກວ່າ,ຜູ່ນຳເຈົ້າໜ້າທີ່ໄຕ້ຫວັນຝ່າຝືນຄຳໝັ້ນສັນຍາ,ໝາຍຈະຍົກເລີກຄະນະກຳມະການໂຮມປະເທດຈີນເຂົ້າເປັນເອກະພາບກັນແລະໂຄງການໂຮມປະເທດຈີນເຂົ້າເປັນເອກະພາບກັນ,ນີ້ຍ່ອມຈະພາໃຫ້ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນເຄັ່ງຕຶງຂຶ້ນ.
ບົດນຳຂຽນວ່າ,ການເອົາປະຊາມະຕິຂອງໄຕ້ຫວັນສະແດງໃຫ້ເຫັນວ່າ,ມວນຊົນໄຕ້ຫວັນສ່ວນຫຼາຍປາຖະໜາໃຫ້ການພົວພັນລະຫວ່າງສອງຝັ່ງມີຄວາມໝັ້ນທ່ຽງ,ເພື່ອສ້າງສະພາບແວດລ້ອມອັນດີງາມໃຫ້ແກ່ການຟື້ນຟູເສດຖະກິດພາຍໃນເກາະໄຕ້ຫວັນໃຫ້ຈະເລີນຄືນໃໝ່,ຕາບຈູນຮອຍແຕກໃນສັງຄົມໄຕ້ຫວັນ.ມວນຊົນໄຕ້ຫວັນບໍ່ຍິນດີເປັນເຄື່ອງສັງເວີຍດ້ານການເມືອງຂອງຜູ່ນຳເຈົ້າໜ້າທີ່ໄຕ້ຫວັນ.
ບົດນຳຊີ້ອອກວ່າ,ຝ່າຍແຜ່ນດິນໃຫຍ່ພວມຕິດຕາມການຂະຫຍາຍຕົວຂອງສະພາວະການຢ່າງໃກ້ຊິດ,ກຽມຮັບມືກັບສະພາບສັບສົນທີ່ອາດຈະເກີດຂຶ້ນນັ້ນຢູ່ທຸກເວລາ.ຜູ່ນຳເຈົ້າໜ້າທີ່ໄຕ້ຫວັນຢ່າສູ່ເຫັນວ່າການທ້າທາຍເກາະຜິດບໍ່ຕ້ອງເສຍຄ່າຕອບແທນ.ການແຍກໄຕ້ຫວັນໃຫ້ເປັນເອກະລາດພຽງແຕ່ແມ່ນທາງຈົນຕາແຈເທົ່ານັ້ນ.
|
|
