|
|
 |
| (GMT+08:00)
2006-02-25 18:39:51
|
 |
|
ອົງການທີ່ກຽວຂ້ອງໃຊ້ມາດຕະການຮັບມືກັບໄຂ້ຫວັດສັດປີກທີ່ສືບຕໍ່ແຜ່ລາມອອກ
cri
ຕາມຂ່າວCRI,ວັນທີ24ກຸມພາ,ພາກສ່ວນກະສິກຳເຢຍລະມັນໄດ້ປະກາດວ່າ,ພາຍຫຼັງລັດເມັກເຄຼນເບີກເວີໂບມເມີນ ພາກຕາເວັນອອກສຽງເໜືອເຢຍລະມັນປະກົດມີໄຂ້ຫວັດສັດປີກແລ້ວ,ລັດສະເລັສວິກໂຮສຕິນທີ່ຢູ່ພາກເໜືອແລະລັດບາເດັນ ອູເທີເບີກທີ່ຢູ່ພາກໃຕ້ເຢຍລະມັນກໍໄດ້ປະກົດເຫັນສົບຂອງສັດປີກປ່າທີ່ຕິດເຊື້ອໄຂ້ຫວັດສັດປີກແບບH5N1.
ນອກນີ້,ວັນທີ24ກຸມພາ,ທ່ານໂນກາຍເດລີ ນາຍົກລັດຖະມົນຕີຈໍເຈຍເຜີຍໃຫ້ຮູ້ວ່າ,ອີງຕາມຜົນການວິເຄາະເບື້ອງຕົ້ນ,ໃນຫ່ານຟ້າຕາຍທີ່ພົບເຫັນໃນແດນຈໍເຈຍໃນຫວ່າງມໍ່ໆນີ້,ມີໂຕໜຶ່ງໄດ້ກວດພົບມີເຊື້ອໄຂ້ຫວັດສັດປີກແບບH5N1.
ນອກນີ້,ສ.ເກົາຫຼີລາຍງານໃນວັນທີ24ກຸມພາວ່າ,ສ.ເກົາຫຼີໄດ້ພົບເຫັນເທື່ອທຳອິດວ່າມີ4ຄົນໄດ້ຕິດພະຍາດໄຂ້ຫວັດສັດປີກປະເພດຮ້າຍແຮງແບບ H5N1.
ໂດຍແນໃສ່ສະພາບທີ່ໄຂ້ຫວັດສັດປີກສືບຕໍ່ແຜ່ລາມອອກ,ວັນທີ24ກຸມພາ, ອົງການມະນຸດສະທຳຂອງສະຫະປະຊາຊາດແລະບາງອົງການມະນຸດສະທຳສາກົນເຊັ່ນສະພາກາແດງ,ສະຫະພັນສາກົນສະພາຊີກວົງເດືອນແດງເປັນຕົ້ນໄດ້ວາງແຜນຮ່ວມກັນຕ້ານໄຂ້ຫວັດສັດປີກ.ກອງປະຊຸມດ່ວນລັດຖະມົນຕີກະຊວງສາທາລະນະສຸກຂອງບັນດາປະເທດສະມາຊິກສະຫະພາບເອີລົບທີ່ຈັດຂຶ້ນໃນມື້ດຽວກັນໄດ້ຕົກລົງດຳເນີນວຽກງານໂຄສະນາສຶກສາກ່ຽວກັບການປ້ອງກັນແລະປົວໄຂ້ຫວັດສັດປີກໃນມວນຊົນຂອງບັນດາປະເທດສະມາຊິກ,ເພື່ອປ້ອງກັນບໍ່ໃຫ້ໄຂ້ຫວັດສັດປີກແຜ່ລາມຢູ່ສະຫະພາບເອີລົບຕື່ມອີກ.
|
|
|
