ຕາມ​ຂ່າວສານ​ຊິນ​ຮວາ,ວັນ​ທີ25​ກຸມພາ,ສື່​ມວນ​ຊົນ​ພະນົມ​ເປັນ​ລາຍ​ງານ​ວ່າ,ຫວ່າງ​ມໍ່ໆ​ນີ້,​ຂ້າ​ຫຼວງ​ປ້ອງ​ກັນ​ແລະ​ປົວ​ພະຍາດ​ໄຂ້ຫວັດ​ສັດ​ປີກ​ຂອງ​ກະຊວງ​ກະສິກຳ​ປ່າ​ໄມ້​ແລະ​ການ​ປະມົງ​ກຳປູ​ເຈຍ​ໄດ້​ກວດກາ​ເປັດ​ຕາຍ​ຫຼາຍ​​ໂຕ​ໃນ​ນິຄົມ​ລ້ຽງ​ເປັດ​ແຫ່ງ​ໜຶ່ງ​ຢູ່​ແຂວງ​ກົມ​ປົ່ງ​ຈາມ​,​ ​ພົບ​ເຫັນ​ວ່າ,ພາຍ​ໃນ​ຕົນ​ໂຕ​ເປັດຕາ​ຍມີເຊື້ອໄຂ້ຫວັດສັດປີກແບບH5N1.

ຜູ່ຮັບຜິດຊອບຂອງ​ກະ​ຊວງ​ກະ​ສິ​ກຳ​ປ່າ​ໄມ້​ແລະ​ການ​ປະ​ມົງ​ກຳ​ປູ​ເຈຍ​ກ່າວ​ວ່າ,​ພາກ​ສ່ວນ​ທີ່​ກ່ຽວ​ຂ້ອງ​ໄດ້​ໃຊ້​ມາດ​ຕະການ​ຢ່າງ​ທັນ​ການ​ຕໍ່​ນິຄົມ​ລ້ຽງ​ເປັດ​ດັ່ງ​ກ່າວ,​ໄດ້​ຂ້າ​ເປັດ​200​ກວ່າ​ໂຕ​ໃຫ້​ໝົດ,​ແລະ​ກັກ​ກັນ​ເຂດ​​ເກີດ​ພະຍາດ,​ເພື່ອ​ປ້ອງກັນ​ບໍ່​ໃຫ້​ໄຂ້​ຫວັດ​ສັດ​ປີກ​ແຜ່​ລາມ​ອອກ.

ແຕ່​ຕົ້ນ​ປີ2004​ມາ​ນີ້,ກຳປູ​ເຈຍ​ໄດ້​ມີ4​ຄົນ​ຕາຍ​ຍ້ອນ​ໄຂ້​ຫວັດ​ສັດ​ປີກ.​ລັດ​ຖະ​ບານ​ກຳ​ປູ​ເຈຍ​ໄດ້​ເອົາ​ໃຈ​ໃສ່​ໃນ​ລະດັບ​ສູງ​ຕໍ່​ການ​ປ້ອງ​ກັນ​ພະຍາດ​ໄຂ້​ຫວັດ​ສັດ​ປີກ​ໂດຍ​ຕະ​ຫຼອດ,​ແລະ​ໄດ້​​ໃຊ້​ມາດ​ຕະການ​ຮັບ​ມື​ຢ່າງ​ເປັນ​ລະບົບ,​ເຊິ່ງລວມທັງ​ຫ້າມ​ຊື້​​ເຂົ້າປະ​ເພ​ດສັດ​ປີກ​ແລະ​ຜະ​ລິດ​ຕະ​ພັນ​ສັດ​ປີກ​ຈາກ​ປະ​ເທດ​ທີ່​ເກີດ​ພະຍາດ​ໄຂ້ຫວັດ​ສັດ​ປີກ,ສ້າງ​ລະບົບ​ກວດກາ​ແລະ​ຕິດ​ຕາມ​ໄຂ້​ຫວັດ​ສັດ​ປີກ,​ເພີ່ມ​ທະວີ​ການ​ໂຄສະນາ​ສຶກສາ​ການ​ປ້ອງ​ກັນ​ພະ​ຍາດ​ໄຂ້​ຫວັດ​ສັດ​ປີກ​ເປັນ​ຕົ້ນ.