|
ລັກສະນະຕາບຈູນກັນຂອງເສດຖະກິດຈີນອາເມລິກາແມ່ນພື້ນຖານທີ່ຊີ້ຂາດການພັດທະນາແບບຍືນຍົງຂອງການພົວພັນເສດຖະກິດການຄ້າຈີນອາເມລິກາ
cri
Author: shuo
ຕາມຂ່າວສານຊິນຮວາ:ວັນທີ24ກຸມພາ,ໃນເວວລາໃຫ້ສຳພາດຕໍ່ນັກຂ່າວກ່ຽວກັບເລື່ອງຫ້ອງ ການຕົວແທນການຄ້າອາເມລິກາປະກາດບົດລາຍງານພິຈາລະນາການພົວພັນການຄ້າອາເມລິກາຈີນ,ທ່ານຊົງຊວນ ໂຄສົກຖະແຫຼງຂ່າວກະຊວງການຄ້າຈີນເວົ້າວ່າ,ລັກສະນະຕາບຈູນກັນລະຫວ່າງເສດຖະກິດຈີນກັບອາເມລິກາແມ່ນພື້ນຖານທີ່ຊີ້ຂາດການພັດທະນາແບບຍືນຍົງຂອງການພົວພັນເສດຖະກິດການຄ້າຈີນອາເມລິກາ,ສອງຝ່າຍຄວນເພີ່ມທະວີຄວາມໄວ້ເນື້ອເຊື່ອໃຈກັນແລະການຮ່ວມມື,ສ້າງເງື່ອນໄຂຍິ່ງດີກວ່າເກົ່າເພື່ອເຮັດໃຫ້ການພົວພັນເສດຖະກິດການຄ້າຈີນອາເມລິກາໝັ້ນທ່ຽງແລະມີການພັດທະນາ.
ທ່ານຊົງຊວນເວົ້າວ່າ,ຝ່າຍຈີນເຫັນວ່າ,ການພັດທະນາຢ່າງວ່ອງໄວຂອງການພົວພັນເສດຖະ ກິດການຄ້າຈີນອາເມລິກາໄດ້ນຳເອົາຜົນປະໂຫຍດອັນໃຫຍ່ຫຼວງໃຫ້ແກ່ສອງປະເທດ.ຝ່າຍຈີນໄດ້ໃສ່ໃຈວ່າ,ໃນບົດລາຍງານຂອງຝ່າຍອາເມລິກາກໍໄດ້ມີຄວາມຮັບຮູ້ຢ່າງເຕັມທີ່ຕໍ່ເລື່ອງນີ້.
ໂດຍແນໃສ່ຄວາມສົນໃຈຈຳນວນໜຶ່ງທີ່ຝ່າຍອາເມລິກາສະເໜີໃນບົດລາຍງານ,ທ່ານຊົງຊວນຊີ້ອອກວ່າ,ແຕ່ຈີນເຂົ້າເປັນສະມາຊິກອົງການການຄ້າໂລກມານີ້,ໄດ້ໂຄລົບກົດເກນສາກົນ,ປະຕິບັດຕາມຄຳໝັ້ນສັນຍາຢ່າງເອົາຈິງເອົາຈັງ.ໃນດ້ານອະນຸລັກສິດຊັບສິນທາງປັນຍາ,ລັດຖະບານຈີນໄດ້ຮັບຄວາມຄືບໜ້າທີ່ປະຈັກຕາ,ຝ່າຍທີ່ກ່ຽວຂ້ອງຂອງອາເມລິກາຄວນປະຕິບັດຕໍ່ເລື່ອງຈິງເຫຼົ່ານີ້ຢ່າງຮອບດ້ານແລະນອກຕົວ.
ທ່ານຊົງຊວນຍັງກ່າວວ່າ,ສະຖິຕິການຄ້າສອງຕໍ່ສອງຂອງຈີນແລະອາເມລິກາມີຄວາມແຕກຕ່າງກັນອັນໃຫຍ່ຫຼວງ,ສະຖິຕິຂອງຝ່າຍອາເມລິກາໄດ້ເວົ້າໂຍກລະດັບເສຍປຽບການຄ້າຕໍ່ຈີນຂອງອາເມລິກາ.
|
|
