|
ຈີນໄດ້ມີໂຮງງານເກັບຄືນແລະປຸງແຕ່ງຊັບພະຍາກອນທີ່ເກີດໃໝ່ໄດ້3000ກວ່າແຫ່ງແລ້ວ
cri
Author: shuo
ຕາມຂ່າວCRI:ຫຼາຍປີມານີ້,ຂະແໜງການເກັບຄືນຊັບພະຍາກອນທີ່ເກີດໃໝ່ໄດ້ຂອງຈີນໄດ້ຮັບການພັດທະນາຂ້ອນຂ້າງໄວ,ໃນທົ່ວປະເທດໄດ້ມີໂຮງງານເກັບຄືນແລະປຸງແຕ່ງຊັບພະຍາກອນທີ່ເກີດໃໝ່ໄດ້3000ກວ່າແຫ່ງແລ້ວ.
ວັນທີ25ກຸມພາ,ໃນກອງປະຊຸມວຽກງານສ້າງສາລະບົບເກັບຄືນຊັບພະຍາກອນເກີດໃໝ່ໄດ້ທີ່ຈັດຂຶ້ນຢູ່ເມືອງຊືເຈ່ຍຈ່ວງແຂວງເຫີໄປ,ກະຊວງການຄ້າຈີນໄດ້ເປີດເຜີຍວ່າ,ນອກຈາກໂຮງງານເກັບຄືນແລະປຸງແຕ່ງແລ້ວ,ຈີນຍັງມີວິສາຫະກິດເກັບຄືນຊັບພະຍາກອນເກີດໃໝ່ໄດ້5000ກວ່າແຫ່ງ,ບ່ອນເກັບຄືນ1ແສນ6ໝື່ນແຫ່ງ,ຜູ້ປະກອບອາຊີບຫຼາຍກວ່າ10ລ້ານຄົນ;ແຕ່ຍັງມີບັນຫາທີ່ການຈັດວາງບ່ອນເກັບຄືນບໍ່ສົມເຫດສົມຜົນ,ການທຸລະກິດບໍ່ເປັນແບບສະບັບ,ເຕັກນິກເກັບຄືນຫຼ້າຫຼັງໂດຍທຽບຖານເປັນຕົ້ນ.
ຍ້ອນເຫດນີ້,ກ່ອນອື່ນ,ກະຊວງການຄ້າຈີນຈະດຳເນີນວຽກງານທົດລອງການສ້າງສາລະ ບົບເກັບຄືນຊັບພະຍາກອນເກີດໃໝ່ໄດ້ຢູ່24ຕົວເມືອງສຳຄັນ ເຊັ່ນປັກກິ່ງແລະຊຽງໄຮ້ເປັນຕົ້ນ,ຍາດແຍ່ງໃຊ້ເວລາປະມານຫ້າປີ,ເຮັດໃຫ້ຜູ້ເກັບຄືນໃນຕົວເມືອງທົດລອງໄດ້ຮັບການຄຸ້ມຄອງເປັນແບບສະບັບ,ສ້າງບ່ອນເກັບຄືນເປັນແບບສະບັບຢູ່ຄຸ້ມເຮືອນຢູ່,ແລະເຮັດໃຫ້ການເກັບຄືນຊັບພະຍາກອນເກີດໃໝ່ໄດ້ຫັນເປັນແບບອຸດສາຫະກຳ.
|
|
