|
ປີ2005,ຈີນໄດ້ຂ້າສັດປີກລ້ຽງ22ລ້ານ5ແສນ7ໝື່ນໂຕ
cri
ຕາມຂ່າວສານຊິນຮວາ,ປີ2005,ຈີນໄດ້ຂ້າສັດປີກລ້ຽງລວມ22ລ້ານ5ແສນ7ໝື່ນໂຕ, ໄດ້ປ້ອງກັນບໍ່ໃຫ້ໄຂ້ຫວັດສັດປີກແຜ່ລາມອອກຕື່ມອີກຢ່າງບັງເກີດຜົນສົມຄວນ.
ທ່ານຕູ່ຊິງລິນ ລັດຖະມົນຕີກະຊວງກະສິກຳຈີນເປີດເຜີຍວ່າ,ປີ2005,ຈີນໄດ້ເກີດເຫດການສັດປີກລ້ຽງເປັນໄຂ້ຫວັດສັດປີກປະເພດຮ້າຍແຮງ31ລາຍ,ເຫດການນົກຍ້າຍແກ່ວເປັນໄຂ້ຫວັດສັດປີກລາຍໜຶ່ງ,ສະຖານະການປ້ອງກັນແລະຄວບຄຸມໄຂ້ຫວັດສັດປີກຂ້ຽວຂາດຫຼາຍ.ຈີນໄດ້ໃຊ້ມາດຕະການປ້ອງກັນແລະຄວບຄຸມຢ່າງເປັນລະບົບ,ຂ້າສັດປີກລ້ຽງຈຳນວນຫຼວງຫຼາຍ,ຄວບຄຸມໄຂ້ຫວັດສັດປີກໃຫ້ຢູ່ໃນເຂດເກີດພະຍາດ,ບໍ່ໄດ້ເຮັດໃຫ້ພະຍາດໄຂ້ຫວັດສັດປີກແຜ່ລາມອອກໃນຂອບເຂດກວ້າງ.
ພ້ອມກັນນັ້ນ,ທ່ານຕູ້ຊິງລິນກ່າວວ່າ,ເມື່ອວິເຄາະຈາກສະພາບໃນປັດຈຸບັນແລ້ວເຫັນວ່າ,ຍັງບໍ່ສາມາດປັດປ່າຍຄວາມອາດເປັນໄປໄດ້ທີ່ຈີນຈະເກີດພະຍາດໄຂ້ຫວັດສັດປີກໃນຂອບເຂດກວ້າງ.ພາກສ່ວນກະສິກຳຈະຮັກສາສະຕິລະວັງຕົວໃນລະດັບສູງ,ປະຕິບັດລະບອບຕິດຕາມກວດກາພະຍາດ,ບົ່ງມະຕິແລະລາຍງານຢ່າງເຄັ່ງຄັດ,ເພີ່ມທະວີວຽກງານເພີ່ມພູມຕ້ານທານແລະກວດກາ,ເລັ່ງລັດຄົ້ນຄວ້າພັດທະນາຢາວັກແຊງ.
|
|
