ຜູ່ຮັບຜິດຊອບຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າ,ທ່ານເສິນສຸຍປຽນຊຸກຍູ້ການຍົກເລີກຄະນະກຳມະການໂຮມປະເທດຈີນເຂົ້າເປັນເອກະພາບກັນແລະໂຄງການໂຮມປະເທດຈີນເຂົ້າເປັນເອກະພາບກັນນັ້ນໄດ້ເຜີຍແບໃຫ້ເຫັນຕື່ມອີກວ່າເຂົາອຸບາຍຈະດຳເນີນການເຄື່ອນໄຫວແບ່ງແຍກເທື່ອໃໝ່
cri
ຕາມຂ່າວສານຊິນຮວາ,ວັນທີ26ກຸມພາ,ຜູ່ຮັບຜິດຊອບຫ້ອງການວຽກງານໄຕ້ຫວັນສູນກາງພັກກອມມູນິດຈີນ ຫ້ອງການວຽກງານໄຕ້ຫວັນຄະນະລັດຖະບານຈີນໄດ້ໃຫ້ສຳພາດກ່ຽວກັບທ່ານເສິນສຸຍປຽນ ຜູ່ນຳເຈົ້າໜ້າທີ່ໄຕ້ຫວັນຊຸກຍູ້ການຍົກເລີກຄະນະກຳມະການໂຮມປະເທດຈີນເຂົ້າເປັນເອກະພາບກັນແລະໂຄງການໂຮມປະເທດຈີນເຂົ້າເປັນເອກະພາບກັນ,ທ່ານກ່າວວ່າ,ການກະທຳຂອງທ່ານເສິນສຸຍປຽນໄດ້ເຜີຍແບໃຫ້ເຫັນຕື່ມອີກວ່າ,ເຂົາອຸບາຍຈະດຳເນີນການເຄື່ອນໄຫວແບ່ງແຍກເທື່ອໃໝ່,ໂດຍສະເພາະແມ່ນຈະແຜ້ວທາງໃຫ້ອັນທີ່ວ່າການດັດແປງລັດຖະທຳມະນູນ,ສະແຫວງຫາການໃຫ້ໄຕ້ຫວັນເປັນເອກະລາດໃນດ້ານນິຕິກຳ.
ຜູ່ຮັບຜິດຊອບຜູ່ນີ້ເວົ້າວ່າ,ໃນຊົ່ວໄລຍະໜຶ່ງມານີ້,ທ່ານເສິນສຸຍປຽນກ່າວເທື່ອແລ້ວເທື່ອອີກວ່າ,ຈະຍົກເລີກ "ຄະນະກຳມະການໂຮມປະເທດຈີນເຂົ້າເປັນເອກະພາບກັນ"ແລະ"ໂຄງການໂຮມປະເທດຈີນເຂົ້າເປັນເອກະພາບກັນ",ແລະລົງມືສ້າງແຜນການ,ກຽມປະຕິບັດຕົວຈິງ.ທ່ານເສິນສຸຍປຽນຊຸກຍູ້ການໃຫ້ເຄື່ອນໄຫວແບ່ງແຍກໄຕ້ຫວັນໃຫ້ເປັນເອກະລາດເລື່ອນຂັ້ນເປັນກ້າວໆ,ນີ້ຍ່ອມຈະພາໃຫ້ເກີດວິກິດການອັນໜັກໜ່ວງຢູ່ເຂດຊ່ອມແຄບໄຕ້ຫວັນ,ທຳລາຍສັນຕິພາບແລະສະຖຽນລະພາບຂອງພາກພື້ນອາຊີປາຊິຟິກ.ນີ້ສະແດງໃຫ້ເຫັນຢ່າງເຕັນສ່ວນວ່າ,ການເຄື່ອນໄຫວທີ່ແຍກໄຕ້ຫວັນໃຫ້ເປັນເອກະລາດແມ່ນກົກເຄົ້າໃຫຍ່ກວ່າໝູ່ທີ່ຂົ່ມຂູ່ສັນຕິພາບຂອງເຂດຊ່ອງແຄບໄຕ້ຫວັນ.ເລື່ອງຈິງໄດ້ຢັ້ງຢືນຫຼາຍເທື່ອແລ້ວວ່າ,ທ່ານເສິນສຸຍປຽນແມ່ນຜູ່ກໍ່ຄວາມຫຍຸ້ງຍາກຂອງພາຍໃນເກາະໄຕ້ຫວັນ,ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນແລະພາກພື້ນອາຊີປາຊີຟິກ.
|
|