|
ຈີນຈະເຮັດໃຫ້ການປະຕິບັດງານຂອງອົງການທຳນຽມສານເປັນແບບສະບັບຕື່ມອີກ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ກະຊວງຍຸດຕິທຳຈີນໄດ້ປະກາດໃຊ້ວິທີຄຸ້ມຄອງການປະຕິບັດງານຂອງອົງການທຳນຽມສານ,ເພື່ອເຮັດໃຫ້ການປະຕິບັດງານຂອງອົງການທຳນຽມສານເປັນແບບສະບັບຕື່ມອີກ,ແລະຮັບປະກັນໃຫ້ຂະແໜງການທຳນຽມສານພັດທະນາຕາມກົດໝາຍຢ່າງເປັນລະບຽບ.
ຕາມການສະເໜີ,ວິທີຄຸ້ມຄອງດັ່ງກ່າວໄດ້ກຳນົດຢ່າງແຈ່ມແຈ້ງ,ເກືອດຫ້າມບໍ່ໃຫ້ອົງການແລະພະນັກງານທຳນຽມສານອອກໃບທຳນຽມສານໃຫ້ສິ່ງທີ່ບໍ່ແທ້ຈິງແລະບໍ່ຊອບກົດໝາຍ,ເຜີຍແບຄວາມລັບຂອງລັດ,ຄວາມລັບການຄ້າຫຼືຄວາມລັບສ່ວນບຸກຄົນທີ່ໄດ້ຮູ້ໃນເວລາປະຕິບັດງານເປັນຕົ້ນ.ນອກນີ້,ວິທີດັ່ງກ່າວຍັງໄດ້ກຳນົດຢ່າງແຈ່ມແຈ້ງກ່ຽວກັບການຈັດວາງອົງການທຳນຽມສານ,ການແບ່ງປັນໜ້າທີ່ແລະເນື້ອໃນລະອຽດຂອງການຕິດຕາມກວດກາຂອງອົງການຕຸລາການແລະບໍລິຫານທຸກຂັ້ນ.
|
|
