|
|
 |
| (GMT+08:00)
2006-02-27 15:45:32
|
 |
|
ໄຂ້ຫວັດສັດປີກສືບຕໍ່ແຜ່ລາມໃນທົ່ວໂລກ
cri
ຕາມຂ່າວCRI,ສະພາບໄຂ້ຫວັດສັດປີກໃນທົ່ວໂລກໄດ້ປະກົດມີທ່ວງທ່າແຜ່ລາມອອກຕື່ມອີກ,ບັນດາປະເທດໄດ້ໃຊ້ມາດຕະການປ້ອງກັນທີ່ສົມຄູ່ກັນ.
ວັນທີ26ກຸມພາ,ທ່ານມາເລັດ ໂຄສົກກົມສັດຕະວະແພດສະຫະພາບສວິສກ່າວວ່າ,ຜົນການກວດກາເບື້ອງຕົ້ນສະແດງໃຫ້ເຫັນວ່າ,ຢູ່ເຂດເຊີແນວ ພາກຕາເວັນຕົກແລະເຂດໜອງກົງສະຕັງສ໌ ພາກເໜືອສວິສລ້ວນແຕ່ໄດ້ພົບເຫັນນົກປ່າຕາຍ,ຕາມຜົນການກວດກາເບື້ອງຕົ້ນ,ນົກປ່າ ເຫຼົ່ານີ້ຕາຍຍ້ອນຕິດເຊື້ອໄຂ້ຫວັດສັດປີກແບບH5.ນີ້ແມ່ນສວິສ ປະກົດເຫັນໄຂ້ຫວັດສັດປີກເປັນເທື່ອທຳອິດ.
ວັນທີ26ກຸມພາ,ທ່ານຊາຄາສວິລີ ປະທານາທິບໍດີຈໍເຈຍໄດ້ປະກາດວ່າ,ເຂດເຮີນວາຊາອູສະເກີຂອງສາທາລະນະລັດອາຈາຣິອາທີ່ປະກົດມີໄຂ້ຫວັດສັດປີກເປັນເຂດພະຍາດໄຂ້ຫວັດສັດປີກ,ແລະປະກາດວ່າເຂດດັ່ງກ່າວເຂົ້າສູ່ສະພາວະສຸກເສີນ.ປັດຈຸບັນ,ສັດປີກລ້ຽງປະມານ1ໝື່ນໂຕພາຍໃນຂອບເຂດບໍລິເວນລັດສະໝີ3ກິໂລແມັດຂອງບ້ານດັ່ງກ່າວໄດ້ຖືກຂ້າແລ້ວ.
ມື້ດຽວກັນ,ສູນຄຸ້ມຄອງວິກິດການໄຂ້ຫວັດສັດປີກນີເຊເລຍໄດ້ອອກຖະແຫຼງການວ່າ, ສອງລັດຢູ່ພາກເໜືອແລະພາກກາງຂອງນີເຊເຊຍໄດ້ປະກົດເຫັນໄຂ້ຫວັດສັດປີກອີກ.
ນອກນີ້,ມື້ດຽວກັນ,ກະຊວງກະສິກຳຝະຣັ່ງກໍປະກາດວ່າ,ແຂວງແອັງ ພາກຕາເວັນອອກສຽງໃຕ້ຂອງຝະຣັ່ງໄດ້ພົບເຫັນຫ່ານຟ້າປ່າອີກ15ໂຕຕາຍຍ້ອນໄຂ້ຫວັດສັດປີກແບບ H5N1.
|
|
|
