|
ຍ້ອນວ່າວັດທະນະທຳຈີນກັບໄທຄ້າຍຄືກັນ,ສາຍເລືອດສະໜິດສະໜົມ,ໂດຍສະເພາະແມ່ນຄົນໄທເຊື້ອສາຍຈີນເກືອບສິບລ້ານຄົນດຸໝັ່ນຂະຫຍັນພຽນແລະມີສະຕິປັນຍາສະຫຼາດສະຫຼຽວເຂົາເຈົ້າໄດ້ເສີມຂະຫຍາຍບົດບາດສຳຄັນໃນສັງຄົມໄທ,ຈິ່ງເຮັດໃຫ້ບຸນກຸດຈີນມີບົດບາດທີ່ສະເທືອນຫວັ່ນໄຫວບໍ່ໄດ້.ຢູ່ໄທມີ30ຊົນເຜົ່າ,ແຕ່ກ່ອນ ການສະຫຼອງບຸນກຸດຈີນພຽງແຕ່ຢູ່ໃນວົງຊາວຈີນເທົ່ານັ້ນ,ຄົນໄທບໍ່ເອົາໃຈໃສ່ແລະກໍບໍ່ເຂົ້າຮ່ວມຫຼາຍປານໃດ.ແຕ່ໃນຫຼາຍປີມໍ່ໆມານີ້,ບຸນປະເພນີທີ່ແຕ່ເດີມແມ່ນບຸນຂອງຊາວຈີນນັ້ນ,ພັດໄດ້ມີທ່ວງທ່າຫັນເປັນມື້ບຸນທົ່ວປວງຊົນຢູ່ໄທແລ້ວ.ໃນຍາມບຸນກຸດຈີນ,ການເຄື່ອນໄຫວທີ່ຈັດຂຶ້ນຢູ່ຖະໜົນຄົນຈີນໄດ້ດຶງດູດຫຼາຍລ້ານຄົນມາເຂົ້າຮ່ວມກັນເທົ່ານັ້ນ,ແລະເນື່ອງໃນໂອກາດທີ່ບຸນກຸດຈີນໄດ້ວຽນມາເຖິງ,ຖະໜົນ,ຮ້ານຄ້າ,ໂຮມແຮມໃຫຍ່ໃນບາງກອກກໍ່ໄດ້ປະດັບປະດາໃຫ້ສວຍງາມ.ເມື່ອຍ່າງເຂົ້າໃນຮ້ານສັບພະສິນຄ້າໃຫຍ່ທີ່ຕັ້ງຢູ່ໃຈກາງເມືອງບາງກອກ,ກໍ່ຈະໄດ້ເຫັນ ໂຄມລະຍ້າສີແດງແຂວນສູງຂຶ້ນ,"ຂອດຈີນ","ມັງກອນຈີນ"ແລະເຄື່ອງເອ້ຮູບໜາຂອງປີຈໍມີຢູ່ ທຸກແຫ່ງຫົນ,ພໍ່ຄ້າສະຫຼາດກໍ່ໄດ້ສວຍໂອກາດບຸນກຸດຈີນໂຄສະນາສິນຄ້າ,ຕັ້ງປ້າຍທີ່ຂຽນວ່າຫຼຸດລາຄາເພື່ອສະຫຼອງChinese New Year(ບຸນກຸຈີນ).
ເປັນຫຍັງບຸນກຸດຈີນຈິ່ງນັບມື້ນັບຮຸ່ງເຮືອງຂຶ້ນຢູ່ໄທ?ທ່ານຢາງ ຄົນໄທເຊື້ອສາຍຈີນເວົ້າວ່າ,ການພົວພັນໄມຕີຈິດລະຫວ່າງຈີນກັບໄທສະໜິດສະໜົມອ້າຍນ້ອງ,ແມ່ນເງື່ອນໄຂເບື້ອງຕົ້ນແລະພື້ນຖານທີ່ບຸນກຸດຈີນຖືກປະຊາຊົນໄທຮັບຮອງເອົາ.ເມື່ອເວົ້າເຖິງຄວາມທີ່ວ່າ"ປະຊາຊົນຈີນທັງສອງປະເທດໄທເປັນູເພື່ອນມິດທັງເປັນຍາດພີ່ນ້ອງ！"ຄຳປາໄສຂອງທ່ານເຕິ້ງສຽວພີງທີ່ກ່າວໃນເວລາຢ້ຽມຢາມເມືອງໄທນັ້ນ,ຈົນຮອດປະຈຸບັນ,ທ່ານຢາງຍັງຈື່ໄດ້ດີ: ທີ່ຈິງກໍ່ເປັນແນວນີ້ແທ້,ພາຍໃຕ້ການບົ່ມເພາະຢ່າງພຽນຂອງປະຊາຊົນສອງຊາດ ຕົ້ນໄມ້ມິດຕະພາບຈີນໄທທີ່"ສະໜິດvສະໜົມກັນປານໃນຄອບຄົວດຽວ"ນັ້ນ,ປະຈຸບັນໄດ້ເກີດດອກອອກຜົນເຕັມກິ່ງເຕັມງ່າແລ້ວ,ການພົວພັນໄມຕີຈິດລະຫວ່າງສອງປະເທດໄດ້ຂະຫຍາຍຕົວກ້າວຂຶ້ນຢູ່ແຖວໜ້າການຮ່ວມມືລະຫວ່າງຈີນກັບບັນດາປະເທດອາຊຽນ.ຄຽງຄູ່ກັບກຳລັງແຫ່ງຊາດຂອງຈີນໄດ້ເຂັ້າແຂງຂຶ້ນແລະມີຜົນສະທ້ອນຕໍ່ປະຊາຄົມໂລກນັບມື້ນັບຫຼາຍ,ຄົນໄທທີ່ຫວັງຢາກຮູ້ຈັກວັດທະນະທຳຈີນນັບມື້ນັບຫຼາຍvຂຶ້ນ.ສ່ວນບຸນກຸດຈີນໄດ້ໂຮມສູນສະແດງຮີດຄອງປະເພນີແລະວັດທະນະທຳພື້ນເມືອງຂອງຈີນ,ຈິ່ງໄດ້ກາຍເປັນປ່ອງຢ້ຽມພິເສດທີ່ສະແດງນ້ຳໃຈແລະໂສມໜ້າຂອງຊາດຈີນ,ແລະຮັບຄວາມນິຍົມຊົມຊອບຈາກປະຊາຊົນໄທ.
ປັດໄຈສຳຄັນອີກອັນໜຶ່ງທີ່ການສະຫຼອງບຸນກຸດຈີນໄດ້ຈັດຂຶ້ນຢູ່ໄທຢ່າງຄຶກຄື້ນ,ກໍ່ແມ່ນພະບໍລົມມະວົງສານຸວົງແລະລັດຖະບານຂອງໄທໃຫ້ຄວາມສົນໃຈໃນລະດັບສູງແລະສະໜັບສະໜູນສຸດຂີດ.ໃນມື້ຂຶ້ນປີໃໝ່ຈັນທະຄະຕິຈີນປີ2002,ທ່ານທັກສິນ ຊີນນະວັດ ນາຍົກລັດຖະມົນຕີໄທໄດ້ນຳພາສະມາຊິກລັດຖະບານນຸ່ງເສື້ອຈີນໄປອວຍພອນປີໃໝ່ຈີນຢູ່ຄຸ້ມຖະໜົນຄົນຈີນ,ຕັ້ງແຕ່ນັ້ນມາ,ປີໃດຈັດພິທີສະຫຼອງບຸນກຸດຈີນແລ້ວ,ບຸກຄົນູສຳຄັນຂອງລັດຖະບານໄທກໍ່ຈະໄປເຂົ້າຮ່ວມ.ແຕ່ປີ2004ເປັນຕົ້າມາ,ລັດຖະບານຈີນກັບລັດຖະບານໄທເລີ່ມຈັດ"ສັບປະດາວັດທະນະທຳບຸນກຸດຈີນ",ໄດ້ເພິ່ມເຕີມພະລັງຊີວິດໃໝ່ການເຄື່ອນໄຫວສະຫຼອງບຸນປະເພນີນີ້.ພ້ອມກັນນັ້ນ,ພະບໍລົມມະວົງສານຸວົງຂອງໄທກໍ່ໄດ້ໄປຄຸ້ມຖະໜົນຄົນຈີນ,ອວຍພອນປີໃໝ່ຕໍ່ຊາວຈີນອັນໄພສານ.ເຈົ້າຍິງ ສິລິນທອນ ມັກຮັກວັດທະນະທຳຈີນທີ່ສຸດ,ໃນຫຼາຍໆປີ,ເຈົ້າຍິງຍຶດໝັ້ນເຂົ້າຮ່ວມພິທີສະຫຼອງບຸນກຸດຈີນຢູ່ຄຸ້ມຖະໜົນຄົນຈີນ.ໃນເວລາສະມາຊິກພະບໍລົມມະວົງສານຸວົງມາຮອດຄຸ້ມຖະໜົນຄົນຈີນແລ້ວ,ກໍ່ໄດ້ຈະເກີດມີສະພາບທີ່ທຸກໆຄົນຫຼັ່ງໄຫຼຂຶ້ນສູ່ຄຸ້ມຖະໜົນຈີນ.ທ່ານພະມາວິໄນອະດີເອກອັກຄະລາຊະທູດໄທປະຈຳຈີນເວົ້າວ່າ:"ບໍ່ມີປະເທດໃດ ສາມາດຈັດການເຄື່ອນໄຫວມະໂຫລານແບບນີ້ຕ້ອນຮັບປີໃໝ່ຈີນ ຄືປະເທດໄທ ໄດ້.ໂດຍສະເພາະແມ່ນສະມາຊິກພະບໍລົມມະວົງສານຸວົງມາຮອດຄຸ້ມຖະໜົນຄົນຈີນອວຍພອນປີໃໝ່,ໄດ້ເຮັດໃຫ້ພົນລະເມືອງຕື້ນຕັນໃຈ,ພາໃຫ້ເປັນພັນເປັນໝື່ນຄົນມາຊຸມກັນຢູ່ຄຸ້ມຖະໜົນຄົນຈີນ,ຂະໜາດໃຫຍ່ແບບນີ້,ສາມາດເວົ້າວ່າໄດ້ເປັນມື້ບຸນສຳຄັນຂອງໄທແລ້ວ."
ຢູ່ໄທ,ບຸນກຸດຈີນນັບມື້ນັບຟົດຟື້ນ,ຍັງມີຄວາມກ່ຽວພັນຢ່າງແໜ້ນແຟ້ນກັບຈີນອອກແຮງສ້າງ"ຍີ່ຫໍ້ວັດທະນະທຳບຸນກຸດຈີນ"ໃນການແລກປ່ຽນວັດທະນະທຳກັບຕ່າງປະເທດ.3ປີມານີ້,ໂດຍຜ່ານຈາກ"ສັບປະດາວັດທະນະທຳບຸນກຸດຈີນ"ທີ່ຈັດຂຶ້ນຢູ່ໄທໃນແຕ່ລະປີນັ້ນ,ນັກສິນລະປີນຈີນຫຼາຍຮ້ອຍຄົນຂອງ10ກວ່າແຂວງ,ນະຄອນແລະເຂດປົກຄອງຕົນໄດ້ສະແດງລາຍການຮ້ອງເພງ ຟ້ອນລຳ,ກາຍຍະສິນ,ຄີຕະສິນ,ກົງຟູຈີນແລະສີມືຫັດຖະກຳພື້ນເມືອງທີ່ມີລັກສະນະ ຊາດອັນເຂັ້ມຂຸ້ນນັ້ນຕໍ່ມວນຊົນໄທ.ທັງໄດ້ເພິ່ມບັນຍາກາດມ່ວນຊື່ນຂອງມື້ບຸນ,ທັງໄດ້ສະແດງວັດທະນະທຳຂອງຈີນທີ່ມີຫຼາຍຮູບຫຼາຍສີ. ນັກທ່ອງທ່ຽວອາເມລິກາຜູ້ໜຶ່ງ,ເມື່ອໄດ້ຊົມການສະແດງເຊີດສິງໂຕເທິງເສົາເຂັມສູງຂອງໂຟຊ່ານແຂວງກວາງຕຸ້ງຈີນຢູ່ພັດທາຢາແລ້ວ,ທ່ານເວົ້າຢ່າງກະຕຸ້ນໃຈວ່າ,ເມື່ອທຽວກັບການເຊີດສິງໂຕທີ່ຊົມຢູ່ອາເມລິກາ,ການສະແດງຈາກຈີນຍິ່ງແທ້ຍິ່ງມ່ວນ.ຕາມສະຖິຕິ,ໄດ້ມີເກືອບລ້ານຄົນເຄີຍຊົມການສະແດງຂອງຄະນະສິນລະປະກອນຈີນໃນສັບປະດາວັດທະນະທຳບຸນກຸດຈີນແລ້ວ. ວັດທະນະທຳຍີ່ຫໍ້ບຸນກຸດຈີນໄດ້ເຮັດໃຫ້ຜູ້ຊົມຕິດໃຈນຳເນື້ອໃນອັນອຸດົມສົມບູນແລະສະເໜພິເສດແລ້ວ,ກາຍເປັນງານລ້ຽງວັດທະນະທຳໃຫຍ່ໂຕມະໂຫລານທີ່ມວນຊົນໄທນິຍົມຊົມຊອບ.ບຸກຄົນສຳຄັນຂອງປະເທດຕາເວັນຕົກຈຳນວນໜຶ່ງທີ່ມາຢາມ,ກໍຢາກທົດລອງຈັດການເຄື່ອນໄຫວເຊັ່ນດຽວກັນໃນປະເທດຂອງຕົນ.
ເມື່ອໄດ້ຜ່ານບຸນຢູ່ຕ່າງປະເທດແລ້ວນັກຂ່າວຮູ້ສຶກຢ່າງລົງເຊິ່ງວ່າ,ບຸນກຸດຈີນຫັນເປັນສາກົນແມ່ນຕິດພັນກັບຖານະຂອງຈີນໃນໂລກໄດ້ຍົກສູງຂຶ້ນ,ແລະຍິ່ງຮູ້ສຶກພາກພູມໃຈຫຼາຍທີ່ສຸດຍ້ອນວ່າວັດທະນະທຳຈີນໄດ້ຖືກຮັບຮອງເອົາໃນເຂດຕ່າງດ້າວແລະໄດ້ມີພະລັງຊີວິດອັນມະຫາສານ.ບຸນກຸດຈີນເຕັມໄປດ້ວຍຄວາມເບີກບານມ່ວນຊື່ນແລະສິລິມົງຄຸນນັ້ນ,ສອດຄ່ອງກັບສັນຕິພາບແລະການພັດທະນາເຊິ່ງເປັນກະແສຟອງຂອງໂລກໃນຍຸກປະຈຸບັນ,ກໍຍ້ອນແນວນັ້ນ,ບຸນກຸດຈີນຈິ່ງເຮັດໃຫ້ປະເທດແລະປະຊາຊົນນັບມື້ນັບຫຼາຍນິຍົມຊົມຊອບແລ້ວ,ແລະເດີນໄປສູ່ທົ່ວໂລກດ້ວຍບາດກ້າວກວ້າງ.
|
