|
|
 |
| (GMT+08:00)
2006-02-28 10:47:33
|
 |
|
ໄຂ້ຫວັດສັດປີກທີ່ແຜ່ລາມຕໍ່ມາ
cri
ຕາມຂ່າວCRI,ໄຂ້ຫວັດສັດປີກມີທ່ວງທ່າສືບຕໍ່ແຜ່ລາມໃນທົ່ວໂລກ,ປະເທດແລະອົງການຈັດຕັ້ງສາກົນທີ່ກ່ຽວຂ້ອງໄດ້ໃຊ້ມາດຕະການປ້ອງກັນຄວບຄຸມທີ່ສົມຄູ່ກັນ.
ວັນທີ27ກຸມພາ,ບົສນີ ແຮກເຊໂກວິນແລະນີເຊລ້ວນແຕ່ຢືນຢັນວ່າໄດ້ປະກົດເຫັນໄຂ້ຫວັດສັດປີກປະເພດຮ້າຍແຮງແບບH5N1ເທື່ອທຳອິດ.ນີເຊແມ່ນປະເທດທີສາມທີ່ໄດ້ປະກົດເຫັນ ໄຂ້ຫວັດສັດປີກຢູ່ອາຟິຼກກາ.ມື້ດຽວກັນ,ປາກີສະຖານກໍຢືນຢັນວ່າໄດ້ປະກົດເຫັນ ໄຂ້ຫວັດສັດປີກໃນແດນຂອງປະເທດຕົນເທື່ອທຳອິດ,ແຕ່ຍັງບໍ່ທັນໄດ້ຢືນຢັນວ່າແມ່ນເຊື້ອໄຂ້ຫວັດສັດປີກແບບ H5N1ຫຼືບໍ່.ບົສນີ ແຮກເຊໂກວິນ ແລະປາກີສະຖານໄດ້ໃຊ້ມາດຕະການປ້ອງກັນພະຍາດຈຳນວນໜຶ່ງ,ອົງການອະນາໄມສັດຂອງໂລກກໍກ່າວວ່າຍິນດີໃຫ້ຄວາມຊ່ອຍເຫຼືອແກ່ລັດຖະບານນີເຊໃນດ້ານປ້ອງກັນແລະຄວບຄຸມໄຂ້ຫວັດສັດປີກ.
ວັນທີ27ກຸມພາ,ສາທາລະນະລັດອາດີເກແຫ່ງຣັດເຊຍຢືນຢັນວ່າໄດ້ປະກົດເຫັນໄຂ້ຫວັດສັດປີກ.ມື້ດຽວກັນ,ທ່ານປູຕິນ ປະທານາທິບໍດີຣັດເຊຍກ່າວວ່າ,ລັດຖະບານຣັດເຊຍຈະສ້າງຕັ້ງກອງບັນຊາການໃຫຍ່ເພື່ອປ້ອງກັນແລະຄວບຄຸມໄຂ້ຫວັດສັດປີກ,ແລະເພີ່ມການລົງທຶນທາງການເງິນເຂົ້າໃນວຽກງານປ້ອງກັນແລະປິ່ນປົວໄຂ້ຫວັດສັດປີກ.ນອກນີ້,ວັນທີ27ກຸມພາ,ຢູ່ເມືອງໂອເດຊາ ເມືອງທ່າອູແກຼນກໍ ຢືນຢັນວ່າໄດ້ປະກົດເຫັນໄຂ້ຫວັດສັດປີກ.
ວັນທີ27ກຸມພາ,ຢູ່ຈໍເຈຍແລະໂກຼອາຊີທີ່ປະກົດເຫັນຫ່ານຟ້າຕາຍໃນຫວ່າງມໍ່ໆນີ້ລ້ວນແຕ່ຢືນຢັນວ່າ,ໃນໂຕຫ່ານຟ້າຕາຍໄດ້ກວດພົບເຊື້ອໄຂ້ຫວັດສັດປີກປະເພດຮ້າຍແຮງແບບ H5N1.
|
|
|
