ວົງການຕ່າງໆຂອງໄຕ້ຫວັນຄັດຄ້ານຢ່າງຮຸນແຮງຕໍ່ທ່ານເສີນສຸຍປຽນຢຸດຕິການໝູນເດີນຂອງຄະນະກຳມະການໂຮມປະເທດເຂົ້າເປັນເອກະພາບກັນແລະໂຄງການໂຮມປະເທດເຈົ້າເປັນເອກະພາບກັນ
cri
ຕາມຂ່າວສານຊີນຮວາ,ຕອນບ່າຍວັນທີ27ກຸມພາ,ທ່ານເສີນສຸຍປຽນ ຜູ່ນຳເຈົ້າໜ້າທີ່ໄຕ້ຫວັນໄດ້ຈັດອັນທີ່ວ່າ"ກອງປະຊຸມຊັ້ນສູງກ່ຽວກັບຄວາມປອດໄພແຫ່ງຊາດ",ຂືນຕົກລົງຢຸດຕິການໝູນເດີນຂອງຄະນະກຳມະການໂຮມປະເທດເຂົ້າເປັນເອກະພາບກັນແລະເຊົາໃຊ້ໂຄງການໂຮມປະເທດເຈົ້າເປັນເອກະພາບກັນ.ການກະທຳດັ່ງກ່າວໄດ້ຖືກຄັດຄ້ານແລະກ່າວປະນາມຢ່າງຮຸນແຮງຈາກພັກການເມືອງແລະອົງການຈັດຕັ້ງທີ່ສຳຄັນພາຍໃນເກາະໄຕ້ຫວັນໃນທັນທີ,ພັກກົກມີນຕັງຈີນ,ພັກຊີນມີນເປັນຕົ້ນຕົກລົງກໍ່ການເຄື່ອນໄຫວປົດຕຳແໜ່ງຂອງທ່ານເສີນສວຍປຽນ.
ທ່ານນາງເຈິ້ງລີ້ເວີນ ໂຄສົກພັກກົກມີນຕັງຈີນກ່າວເນັ້ນວ່າ,ທ່ານເສີນສຸຍປຽນແລະເຈົ້າໜ້າທີ່ພັກມີນຈິ້ນຕ້ອງຫາບແບກຜົນຮ້າຍຢ້ອນຫຼັງທັງໝົດຕໍ່ການກະທຳທີ່ບໍ່ຮັບຜິດຊອບຢ່າງໜັກໜ່ວງ,ຄືຢຸດຕິໃຊ້ໂຄງການທ້ອນໂຮມປະເທດເຂົ້າເປັນເອກະພາບກັນເປັນຕົ້ນ.ພັກກົກມີນຕັງຕົກລົງກໍ່ການເຄື່ອນໄຫວປົດຕຳແໜ່ງຂອງທ່ານເສີນສຸຍປຽນ,ເພື່ອສ່ອງແສງໃຫ້ເຫັນປະຊາມະຕິຕົ້ນຕໍ.
ພັກຊີ່ນມີນໄດ້ປະກາດຂ່າວຊີ້ອອກວ່າ,ການກະທຳດັ່ງກ່າວຂອງທ່ານເສີນສຸຍປຽນໄດ້ທຳລາຍສະພາບປັດຈຸບັນລະຫວ່າງສອງຝັ່ງຊ່ອງແຄບຢ່າງເດັ່ນຊັດ,ໄດ້ຝ່າຝືນກັບປະຊາມະຕິຕົ້ນຕໍໃນສັງຄົມໄຕ້ຫວັນທີ່ຫວັງຢາກໃຫ້ເສດຖະກິດຈະເລີນຮຸ່ງເຮືອງ,ຊີວິດການເປັນຢູ່ມີຄວາມສະຫງົບ,ສອງຝັ່ງຊ່ອງແຄບມີສັນຕິພາບ.
ສະຫະພັນທີ່ບໍ່ກຳອຳນາດທີ່ປະກອບດ້ວຍພັກກົກມີນຕັງ ພັກຊີ່ນມີນແລະຄະນະພັກອົງການນິຕິບັນຍັດແຫ່ງສະຫະພັນສາມັກຄີບໍ່ຂຶ້ນກັບພັກຝ່າຍໃດໄດ້ຕົກລົງພ້ອມກັນສະເໜີຮ່າງມະຕິປົດຕຳແໜ່ງຂອງທ່ານເສີນສຸຍປຽນ.
ນອກນີ້,ບຸກຄົນວົງການອຸດສາຫະກຳການຄ້າຂອງໄຕ້ຫວັນກໍ່ໄດ້ພາກັນສະແດງຄວາມບໍ່ພໍໃຈແລະຄວາມເປັນຫ່ວງເປັນໃຍຕໍ່ການກະທຳດັ່ງກ່າວຂອງທ່ານເສີນສຸຍປຽນ.
|
|