|
|
 |
| (GMT+08:00)
2006-02-28 14:25:37
|
 |
|
ຢູ່ຈີນມີເກືອບ500ລ້ານຄົນໄດ້ມີສຳເນົາສິນເຊື່ອ
cri
Author: shuo
ຕາມຂ່າວຈາກໜັງສືພິມເຢິນມີນຢື້ປ້າວຂອງຈີນ:ຫວ່າງມໍ່ໆນີ້,ທ່ານຊູ່ນີງ ຮອງຜູ້ວ່າການທະນາຄານປະຊາຊົນຈີນ ເຊິ່ງເປັນທະນາຄານກາງຂອງຈີນເຜີຍໃຫ້ຮູ້ວ່າ,ສາງຂໍ້ມູນພື້ນຖານກ່ຽວກັບສິນເຊື່ອສ່ວນບຸກຄົນທີ່ມີຂໍ້ມູນຂ່າວສານຂອງປະຊາຊົນຈີນ486ລ້ານຄົນໄດ້ເລີ່ມໝູນເດີນຢ່າງເປັນທາງການ,ເຊິ່ງໄດ້ກາຍເປັນສາງຂໍ້ມູນສິນເຊື່ອສ່ວນບຸກຄົນທີ່ມີຂະໜາດໃຫຍ່ກວ່າໝູ່ໃນໂລກ.
ສາງຂໍ້ມູນດັ່ງກ່າວໄດ້ບັນລຸເປົ້າໝາຍໃນຂັ້ນພື້ນຖານທີ່ສ້າງສຳເນົາສິນເຊື່ອໃຫ້ແຕ່ລະ ສ່ວນບຸກຄົນທີ່ມີການເຄື່ອນໄຫວເສດຖະກິດໃນຕົວເມືອງແລະຊົນນະບົດສ່ວນໜຶ່ງ.ຂໍ້ມູນຂ່າວສານລວມທັງຂໍ້ມູນຂ່າວສານພື້ນຖານຂອງສ່ວນບຸກຄົນ,ຂໍ້ມູນຂ່າວສານກ່ຽວກັບການເປີດກົ້ງບັນຊີ,ຂໍ້ມູນຂ່າວສານກ່ຽວກັບການກູ້ເງິນຈາກທະນາຄານ,ແລະຂໍ້ມູນຂ່າວສານ ອື່ນໆ.
ນອກນີ້ຊາບວ່າ,ເມື່ອຮອດທ້າຍເດືອນມິຖຸນາປີນີ້,ສາງຂໍ້ມູນພື້ນຖານກ່ຽວກັບຂໍ້ມູນຂ່າວສານດ້ານສິນເຊື່ອຂອງວິສາຫະກິດຈີນກໍຈະເຊື່ອມເຂົ້າກັນເປັນເຄືອຂ່າຍແລະໝູນເດີນໃນຂອບເຂດທົ່ວປະເທດ.
|
|
|
