ສື່ມວນຊົນສ.ເກົາຫຼີເຫັນວ່າທ່ານເສີນສຸຍປຽນຢຸດຕິການໝູນຂອງຄະນະກຳມະການໂຮມປະເທດເຂົ້າເປັນເອກະພາບກັນແລະໂຄງການໂຮມປະເທດເຂົ້າເປັນເອກະພາບກັນຈະເຮັດໃຫ້ການພົວພັນສອງຝັ່ງຊ່ອງແຄບເຄັ່ງຕຶງຂຶ້ນ
cri
ຕາມຂ່າວCRI,ວັນທີ28ກຸມພາ,ສື່ມວນຊົນຕ່າງໆຂອງສ.ເກົາຫຼີໄດ້ລາຍງານຂ່າວກ່ຽວກັບທ່ານເສີນສຸຍປຽນ ຜູ່ນຳເຈົ້າໜ້າທີ່ໄຕ້ຫວັນປະກາດຢຸດຕິການໝູນເດີນຂອງຄະນະກຳມະການໂຮມປະເທດເຂົ້າເປັນເອກະພາບກັນແລະເຊົາໃຊ້ໂຄງການໂຮມປະເທດເຂົ້າເປັນເອກະພາບກັນ.ສື່ມວນຊົນສ.ເກົາຫຼີເຫັນວ່າ,ການກະທຳທີ່ອັນຕະລາຍຂອງທ່ານເສີນສຸຍປຽນ,ຈະເຮັດໃຫ້ການພົວພັນລະຫວ່າງສອງຝັ່ງຊ່ອງແຄບເຄັ່ງຕຶງຂຶ້ນ.
ບົດຄວາມເລື່ອງໄຕ້ຫວັນປະລະການທ້ອນໂຮມກັບແຜ່ນດິນໃຫຍ່ຈີນເຂົ້າເປັນເອກະພາບກັນທີ່ພິມລົງໜັງສືພິມອາຊີຕາເວັນອອກລາຍວັນຊີ້ອອກວ່າ,ທ່ານເສີນສຸຍປຽນບໍ່ເອົາຫົວຊານຳຄຳເຕືອນຂອງແຜ່ນດິນໃຫຍ່ຈີນແລະອາເມລິກາ,ຕົກລົງຍົກເລີກການທ້ອນໂຮມປະເທດເຂົ້າເປັນເອກະພາບກັນ.ການກະທຳດັ່ງກ່າວຈະພາໃຫ້ພາຍໃນເກາະໄຕ້ຫວັນແລະການພົວພັນສອງຝັ່ງຊ່ອງແຄບເກີດຄວາມປັ່ນປ່ວນ.ໜັງສືພິມເກົາຫຼີລາຍວັນຊີ້ອອກວ່າ,ຖ້ອຍຄວາມຍົກເລີກການທ້ອນໂຮມປະເທດເຂົ້າເປັນເອກະພາບກັນຂອງທ່ານເສີນສຸຍປຽນໄດ້ສະແດງໃຫ້ເຫັນວ່າ,ເປົ້າໝາຍໄລຍະຍາວຂອງທ່ານກໍ່ແມ່ນແບ່ງແຍກໄຕ້ຫວັນໃຫ້ເປັນເອກະລາດ,ພັດບໍ່ແມ່ນການໂຮມສອງຝັ່ງຊ່ອງແຄບເຂົ້າເປັນເອກະພາບກັນ.ມື້ດຽວກັນ,ສື່ມວນຊົນທີ່ສຳຄັນອື່ນໆຂອງສ.ເກົາຫຼີກໍ່ໄດ້ລາຍງານເຫດການດັ່ງກ່າວຢ່າງລະອຽດ.
|
|