|
ບຸກຄົນຊື່ດັງຂອງຮົງກົງກ່າວປະນາມທ່ານເສີນສຸຍປຽນທີ່ຢຸດຕິການໝູນເດີນຂອງຄະນະກຳມະການໂຮມປະເທດເຂົ້າເປັນເອກະພາບກັນແລະເຊົາໃຊ້ໂຄງການໂຮມປະເທດເຂົ້າເປັນເອກະພາບກັນ
cri
ຕາມຂ່າວສານຊີນຮວາ,ວັນທີ27ກຸມພາ,ບຸກຄົນຊື່ດັງຈຳນວນໜຶ່ງຂອງຮົງກົງໄດ້ພາກັນກ່າວປະນາມທ່ານເສີນສຸຍປຽນທີ່ຂືນຕົກລົງຢຸດຕິການໝູນເດີນຂອງຄະນະກຳມະການໂຮມປະເທດເຂົ້າເປັນເອກະພາບກັນແລະເຊົາໃຊ້ໂຄງການໂຮມປະເທດເຂົ້າເປັນເອກະພາບກັນ.ພວກເພິ່ນກ່າວວ່າ,ອັນນີ້ໄດ້ເປີດເຜີຍອີກເທື່ອໜຶ່ງໃຫ້ເຫັນທາດແທ້ຂອງທ່ານເສີນສຸຍປຽນທີ່ຢາກແບ່ງແຍກໄຕ້ຫວັນໃຫ້ເປັນເອກະລາດ,ຕ້ອງມີສະຕິລະວັງຕົວໃນລະດັບສູງຕໍ່ທ່ານເສີນສຸຍປຽນທີ່ນຳເອົາຄວາມສຸກຂອງປະຊາຊົນແລະສັນຕິພາບລະຫວ່າງສອງຝັ່ງຊ່ອງແຄບມາຫຼິ້ນພະນັນເພື່ອຜົນປະໂຫຍດສ່ວນຕົວທາງການເມືອງ.
ທ່ານລິວໜາຍຊຽງ ກຳມະການສະພາປືກສາການເມືອງປະຊາຊົນແຫ່ງຊາດຈີນຂອງເຂດຮົງກົງກ່າວວ່າ,ການກະທຳດັ່ງກ່າວຂອງທ່ານເສີນສຸຍປຽນໄດ້ສະແດງໃຫ້ເຫັນອີກເທື່ອໜຶ່ງວ່າ,ທ່ານພວມອອກແຮງສຸດຂີດຊຸກຍູ້ການແບ່ງແຍກໄຕ້ຫວັນໃຫ້ເປັນເອກະລາດ,ແລະເຈຕະນາທຳລາຍບໍ່ໃຫ້ການພວພັນລະຫວ່າງສອງຝັ່ງຂະຫຍາຍຕົວຢ່າງໝັ້ນທ່ຽງໂດຍສັນຕິ.
ທ່ານລິງຢິວຊື່ ນັກຄົ້ນຄວ້າຊັ້ນສູງຂອງໜ່ວຍນະໂຍບາຍສູນກາງຂອງອົງການປົກຄອງເຂດພິເສດຮົງກົງກ່າວວ່າ,ທ່ານເສີນສຸຍປຽນຫວັງຢາກໃຊ້ການກະທຳດັ່ງກ່າວຫຼຸດພົ້ນອອກຈາກສະພາບຫຍຸ້ງຍາກພາຍໃນເກາະໄຕ້ຫວັນຍ້ອນທ່ານກຳອຳນາດບໍ່ຖືກວິທີ,ແລະຫັນປ່ຽນສາຍຕາຂອງມວນຊົນ.
ທ່ານລິງຢິວຊື່ກ່າວເນັ້ນວ່າ,ການເຄື່ອນໄຫວແບ່ງແຍກໄຕ້ຫວັນໃຫ້ເປັນເອກະລາດເລື່ອນຂັ້ນ,ຈະຂົ່ມຂູ່ສະຖານະການຊ່ອງແຄບໄຕ້ຫວັນ,ທຳລາຍສັນຕິພາບແລະສະຖຽນລະພາບຂອງພາກພື້ນອາຊີອາຊິຟິກ.
|
|
