|
ຕັ້ງແຕ່"ຟູວາ"ສິ່ງນຳໂຊກງານກິລາໂອລິມປີກປັກກິ່ງປີ2008ໄດ້ສະເຫຼີຍແຕ່ເດືອນພະຈິກປີກາຍມານີ້,ປັດຈຸບັນ,ສິນຄ້າທີ່ຕິດຮູບ"ຟູວາ"ພວມຂາຍດິບຂາຍດີຢູ່ຕົວເມືອງສຳຄັນຂອງຈີນ.ຜູ່ຊ່ຽວຊານຄາດຄະເນວ່າ,ສິນຄ້າ"ຟູວາ"ຈະນຳເອົາຜົນກຳໄລຫຼາຍຮ້ອຍລ້ານໂດລາມາໃຫ້ຈີນ.
ໃນຮ້ານຂາຍສິນຄ້າຂອງງານກິລາໂອລິມປິກແຫ່ງໜຶ່ງຢູ່ປັກກິ່ງ,ນັກຂ່າວໄດ້ສັງເຫດເຫັນວ່າໃນຮ້ານນີ້ໄດ້ເຕັມໄປດ້ວຍລູກຄ້າທີ່ມາຊື້ຜະລິດຕະພັນຟູວາ.ທ່ານລູລິນໂຊກດີຫຼາຍ ຊື້ໄດ້ເຄື່ອງຫຼິ້ນຟູວາຊຸດສຸດທ້າຍທີ່ຮ້ານດັ່ງກ່າວຈຳໜ່າຍໃນມື້ນັ້ນ.ທ່ານເວົ້າວ່າ:"ຂ້ອຍເອງເຄີຍໄດ້ຊື້ຊຸດໜຶ່ງແລ້ວ,ຊຸດທີ່ຫາກໍ່ຊື້ນັ້ນແມ່ນໝູ່ຕ່າງຖິ່ນໃຫ້ຂ້ອຍຊ່ອຍຊື້,ເພາະພວກເຮົາພໍດີຈະໄປຢາມໝູ່"
ນາງຈ່ຽງຈິນ ກໍຢາກຊື້"ຟູວາ"ເຊັ່ນດຽວກັນ,ແຕ່ນາງບໍ່ໄດ້ໂຊກດີຄືທ່ານລູລິນ,ນາງບອກນັກຂ່າວດ້ວຍຄວາມເສຍດາຍວ່າ,ຍ້ອນວ່າຊື້ບໍ່ໄດ້ເຄື່ອງຫຼິ້ນຟູວາທີ່ຕົນມັກ,ຈິ່ງປ່ຽນມາເລືອກຊື້ຜ້າໄໝທີ່ມີຮູບຟູວາ.
ຟູວາ ສິ່ງນຳໂຊກງານກິລາໂອລິມປິກປັກກິ່ງແມ່ນປະກອບດ້ວຍຕຸກກະຕາ5ໂຕທີ່ໜ້າຮັກແລະສະໜິດສະໜົມກັນເຊິ່ງຕ່າງມີຊື່ວ່າ"ເປໆ""ຈິ່ງໆ""ຮວນໆ""ອິງໆ""ນີໆ".ຕຸກກະຕາ5ໂຕນີ້ຕ່າງໄດ້ເຮັດເປັນຮູບໂສມຂອງປາ,ໝີແພນດາ,ໄຟສັກສິດໂອລິມປິກ,ເຍືອງຕິເບດແລະນົກແອ່ນ.ຊື່ຂອງສິ່ງນຳໂຊກຫ້າໂຕຕິດກັນກໍເປັນປະໂຫຍກທີ່ວ່າ"ເປຈິ່ງຮວນອິງນີ"ແປວ່າປັກກິ່ງຍິນດີຕ້ອນຮັບທ່ານ.
ເສື້ອເຊີດທີ່ຕິດຮູບຟູວາ
ຮູບໂສມຂອງຟູວາຫາກໍ່ປະກົດຕົວອອກ,ກໍ ໄດ້ຮັບຄວາມນິຍົມຊົມຊອບຈາກຄົນທັງຫຼາຍ.ບໍ່ພຽງແຕ່ຄົນຈີນມັກຮູບໂສມຂອງສິ່ງນຳໂຊກທີ່ມີຊີວິດຊີວາເທົ່ານັ້ນ,ຊາວຕ່າງປະເທດຫຼາຍໆຄົນກໍມັກຮັກອີກດ້ວຍ.ທ່ານນາງອານນາ ທີ່ມາຈາກຣັດເຊຍເວົ້າວ່າ:"ຂ້າພະເຈົ້າສຸດທີ່ມັກຟູວາເຫຼົ່ານີ້,ເພາະພວກມັນມີສີສັນຈີນຫຼາຍ."
ທ່ານນາງຊູອີນາກາ ຢູຄິ ທີ່ມາຈາກຍີ່ປຸ່ນກໍໄດ້ສະແດງຄວາມນິຍົມຊົມຊອບຕໍ່ຟູວາ:"ຟູວາໜ້າຮັກກວ່າຄວາມຄິດຂອງຂ້ອຍ,ຂ້ອຍຫວັງຢາກຊື້ເຄື່ອງຫຼິ້ນຟູວາຊຸດໜຶ່ງ"
ທ່ານນາງຊາມານຊາທີ່ມາຈາກການາດາກໍຫວັງຢາກຊື້ຟູວາເອົາໄປເປັນຂອງຕ້ອນ.ນາງເວົ້າວ່າ:"ສິ່ງນຳໂຊກຂອງງານກິລາໂອລິມປິກປັກກິ່ງລວມມີຫ້າອັນ,ຈັ່ງແມ່ນມວນຫຼາຍ, ຂ້ອຍມັກທີ່ສຸດແມ່ນ"ຈິ່ງໆ"ທີ່ເປັນຮູບໝີແພນດາ."
1 2
|
