|
|
 |
| (GMT+08:00)
2006-02-28 20:52:02
|
 |
|
ຄອບຄົວເຮຶອນຖ້ຳຂອງແຂວງສ້ານຊີ່
cri
|
ເຮຶອນຖ້ຳແມ່ນທີ່ຢູ່ອາໄສເກົ່າແກ່ຂອງປະຊາຊົນຢູ່ພູພຽງດິນເຫຼືອງພາກຕາເວັນຕົກສຽງເໜືອຂອງຈີນ.ປະຊາຊົນທ້ອງຖິ່ນທີ່ອາໄສຢູ່ໃນຖ້ຳໄດ້ມີປະຫວັດສາດຫຼາຍພັນປີແລ້ວ,ຊີວິດການເປັນຢູ່ໃນຖ້ຳກໍ່ມີລົດນິຍົມຕ່າງຫາກ.
ກ່ອນອື່ນພວກເຮົາໄປເບິ່ງບ້ານຮວ່າຢວນທູນຕາແສງວ້ານຮວ່າສ່ານເມືອງອຽນອ່ານພາກເໜືອແຂວງສ້ານຊີ່ຂອງຈີນ.ບ້ານນີ້ມີຊາວກະສິກອນຮ້ອຍກວ່າຄອບຄົວ,ສ່ວນຫຼາຍທີ່ສຸດອາໄສຢູ່ໃນເຮືອນຖ້ຳ.ລຸງຈ່າງຈື້ຈຸ້ນອາຍຸ53ປີ,ແມ່ນຊາວກະສິກອນທຳມະດາສາມັນຂອງບ້ານຮວ່າຢວນທູນ,ລຸງມີລູກຊາຍສອງຄົນ,ລ້ວນແຕ່ໄດ້ສ້າງຄອບຄົວແລ້ວ.ລຸງຈ່າງເວົ້າວ່າ,ຄອບຄົວຂອງລຸງອາໄສຢູ່ໃນເຮືອນຖ້ຳທຸກເຊັ່ນຄົນ.
ເຮືອນຖ້ຳດີ,ອຸ່ນຫຼາຍ.ເລີ່ມແຕ່ປູ່ເປັນຕົ້ນມາກໍ່ອາໄສຢູ່ເຮືອນຖ້ຳ,ມາຮອດປັດຈຸບັນມີຫຼາຍເຊັ່ນຄົນແລ້ວ.ຫຼານຂອງຂ້າພະເຈົ້າກໍ່ເກີດຢູ່ໃນຖ້ຳນີ້.ຂ້າພະເຈົ້າບໍ່ຢາກປະຖິ້ມຖ້ຳດິນໃຫຍ່ນີ້,ເພາະມັນອຸ່ນໃນລະດູໜາວອຸ່ນ,ແລະເຢັນໃນລະດູຮ້ອນ,ດີບໍ່ຢອກ.
ຕັ້ງແຕ່4000ປີກ່ອນ,ປະຊາຊົນທີ່ດຳລົງຊີວິດຢູ່ເທິງພູພຽງດິນເຫຼືອງພາກເໜືອແຂວງ ສ້ານຊີ່ກໍ່ມີຮີດຄອງປະເພນີທີ່ຂຸດຖ້ຳເພື່ອເພິ່ງພາອາໄສ.ເພາະວ່າດິນເຫຼືອງຢູ່ເທິງພູພຽງທັງໜຽວທັງແຂງ,ແລະບໍ່ມັກເຈື່ອນ.ເຮືອນຖ້ຳລ້ວນແຕ່ສ້າງຕາມພູ,ຄືຂຸດຖ້ຳຢູ່ຂອງຝາດິນທຳມະຊາດໄປຕາມທາງແຂວງ,ມັນແມ່ນເລື່ອງງ່າຍແລະສະດວກສຳລັບສ້າງເອົາເອງຢ່າງສະດວກ,ລາຄາກໍຖືກ,ບໍ່ໜໍາອາ ໄສຢູ່ໃນເຮືອນຖ້ຳ,ລະດູໜາວມັນອຸ່ນ,ລະດູຮ້ອນມັນເຢັນ.ສະນັ້ນຈົນຮອດຊູ່ມື້ນີ້,ເຮືອນຖ້ຳຍັງມີຢູ່ເທິງພູພຽງດິນເຫຼືອງຢ່າງກວ້າງຂວາງ,ແລະມີປະຊາກອນ40ກວ່າລ້ານຄົນອາໄສຢູ່ໃນຫັ້ນ.
1 2
|
|
|
