|
ຝ່າຍທະຫານຟີລິບປິນຈັດວາງກອງກອມມັງໂດຢູ່ເຂດນະຄອນຫຼວງ
cri
Author: cai
ຕາມຂ່າວສານຊີນຮວາ:ວັນທີ 28 ກຸມພາ,ຝ່າຍທະຫານຟີລິບປິນເວົ້າວ່າ,ວັນທີ 27 ກຸມພາ,ຝ່າຍທະຫານຟີລິບປິນໄດ້ຈັດວາງກອງກອມມັງໂດກອງໜຶ່ງທີ່ມີທະຫານ 1200 ຄົນຢູ່ເຂດມານີລາ ນະຄອນຫຼວງຟີລິບປິນ,ເພື່ອປ້ອງກັນການເຄື່ອນໄຫວທຳລາຍຂອງອິດທິກຳລັງຕ້ານລັດຖະບານ.
ວັນທີ 24 ກຸມພາ,ທ່ານນາງອາໂລໂຢ ປະທານາທິບໍດີຟີລິບປິນໄດ້ປະກາດປະຕິບັດສະພາວະສຸກເສີນຢູ່ທົ່ວປະເທດ,ເພື່ອສະກັດກັ້ນການເຄື່ອນໄຫວທີ່ອຸບາຍໂຄ່ນລົ້ມລັດຖະບານຂອງຄົນຈຳນວນໜຶ່ງ.ຕອນຄ່ຳວັນທີ 26 ກຸມພາ,ຢູ່ສຳນັກງານໃຫຍ່ຂອງກອງທະຫານເຮືອສູ້ລົບເທິງບົກເຂດໂປນີຟາຊີໂອ,ທະຫານແລະນາຍພົນຂອງກອງທະຫານເຮືອສູ້ລົບເທິງບົກສ່ວນໜ້ອຍໄດ້ສະແດງກຳລັງ,ແລະເປັນປໍລະປັກກັບກອງທັບອື່ນ,ເຮັດໃຫ້ສະຖານະການເຄັ່ງຕຶງຂຶ້ນໃນຊົ່ວໄລຍະໜຶ່ງ.
|
|
