|
ການປະທະກັນລະຫວ່າງຝ່າຍສາສະໜາຂອງອີຣັກໄດ້ພາໃຫ້379ຄົນເສຍຊີວິດ
cri
ຕາມຂ່າວCRI,ວັນທີ28ກຸມພາ,ລັດຖະບານອີຣັກໄດ້ອອກຖະແຫຼງການວ່າ,ການປະທະກັນລະຫວ່າງຝ່າຍສາສະໜາທີ່ເກີດຂຶ້ນຍ້ອນສຸເຫຼົ່າອິສລາມອາລີຮາດີ ສະຖານທີ່ສັກສິດຂອງມຸສລິມນີກາຍຊີອິດຖືກຫຼອນໂຈມຕີດ້ວຍລູກລະເບີດນັ້ນໄດ້ພາໃຫ້379ຄົນເສຍຊີວິດ,458ຄົນບາດເຈັບ.
ມື້ດຽວກັນ,ໃນເວລາໃຫ້ສຳພາດຕໍ່ສື່ມວນຊົນກ່ຽວກັບບັນຫາການປະທະກັນລະຫວ່າງຝ່າຍສາສະໜາຂອງອີຣັກ, ທ່ານບຸສ ປະທານາທິບໍດີອາເມລິກາກ່າວວ່າ,ທ່ານເຫັນວ່າອີຣັກບໍ່ຫ່ອນຈະເກີດເສິກກາງເມືອງ.ທ່ານເວົ້າວ່າ,ຫວ່າງມໍ່ໆນີ້,ທ່ານໄດ້ໂທລະສັບລົມກັບຜູ່ນຳຂອງນິກາຍຊີອິດ,ຝ່າຍນິກາຍຊຸນນິດແລະຜູ່ນຳຊາວເຄິດ,ພວກເຂົາເຈົ້າລ້ວນແຕ່ຕົກລົງເລືອກເອົາຄວາມສາມັກຄີຫາກບໍ່ແມ່ນການປະທະກັນ.
ນອກນີ້,ວັນທີ28ກຸມພາ,ທ່ານແມບເລສ໌ ຫົວໜ້າກົມຂ່າວກອງກະຊວງປ້ອງກັນປະເທດອາເມລິກາກ່າວວ່າ,ເຖິງວ່າອີຣັກຍັງບໍ່ທັນຕົກຢູ່ໃນເສິກກາງເມືອງກໍ່ຕາມ,ແຕ່ສະຖານະການໄດ້ອ່ອນແອທີ່ສຸດແລ້ວ.ທ່ານກ່າວເນັ້ນວ່າ,ຂໍກະແຈຂອງການ ຫຼຸດການປະທະກັນດ້ວຍກຳລັງຮຸນແຮງຂອງອີຣັກໃຫ້ໜ້ອຍລົງແມ່ນຢູ່ນຳການປະກອບລັດຖະບານສາມັກຄີທົ່ວປະເທດທີ່ມີບັນດາຝ່າຍເຂົ້າຮ່ວມ.
|
|
