|
|
 |
| (GMT+08:00)
2006-03-01 14:37:38
|
|
ພະຍາດໄຂ້ຫວັດສັດປີກມີທ່ວງທ່າແຜ່ລາມໃນທົ່ວໂລກ
cri
ຕາມຂ່າວສານຊີນຮວາ,ກອງປະຊຸມໄຂ້ຫວັດສັດປີກເອີລົບຂອງອົງການອະນາໄມສັດໂລກທີ່ໄຂຂຶ້ນຢູ່ປາລີໄດ້ອັດລົງແລ້ວໃນວັນທີ28ກຸມພາ.ໃນກອງປະ ຊຸມ,ຜູ່ຊ່ຽວຊານທັງຫຼາຍຊີ້ອອກວ່າ,ປັດຈຸບັນ,ໄຂ້ຫວັດສັດປີກໄດ້ມີທ່ວງທ່າແຜ່ລາມໃນທົ່ວໂລກ.
ໃນງານຖະແຫຼງຂ່າວຫຼັງກອງປະຊຸມ,ທ່ານວາລັດ ຜູ່ອຳນວຍການໃຫຍ່ອົງການອະນາໄມສັດໂລກເວົ້າວ່າ,ມະນຸດບໍ່ເຄີຍພົບເຫັນເຊື້ອໂຣກຄືໄຂ້ຫວັດສັດປີກແບບH5N1ທີ່ໄດ້ແຜ່ລະບາດໄປຫຼາຍປະເທດປານນັ້ນໃນເວລາອັນສັ້ນໆ.ທ່ານຊີ້ອອກວ່າ,ຄຽງຄູ່ກັບນົກຍ້າຍແກ່ວອົບພະຍົບອີກເທື່ອໜຶ່ງໃນລະດູບານໃໝ່ປີນີ້,ພະຍາດໄຂ້ຫວັດສັດປີກມີຄວາມອັນຕະລາຍທີ່ຈະແຜ່ລະບາດຕື່ມອີກ.ສະນັ້ນ,ບັນ ດາປະເທດລ້ວນແຕ່ຄວນເອົາໃຈໃສ່ໃນລະດັບສູງນຳສະພາບແຜ່ລະບາດຂອງໄຂ້ຫວັດສັດປີກ,ແລະໃຊ້ມາດຕະການປ້ອງກັນທີ່ຈຳເປັນ.ໜ້າທີ່ອັນດັບໜຶ່ງໃນສະເພາະໜ້ານີ້ແມ່ນຕິດຕາມຄວບຄຸມສັດປີກລ້ຽງຢ່າງເຄັ່ງຄັດ,ເພື່ອຫຼີກເວັ້ນບໍ່ໃຫ້ສັດປີກລ້ຽງຕິດ ພະຍາດ.
|
|
|
