|
ລະບອບຮ່ວມມືຫຼາຍພັກແລະປຶກສາການເມືອງເຊິ່ງນຳໂດຍພັກກອມມູນິດຈີນແມ່ນລະບອບການເມືອງພື້ນຖານຂອງຈີນ,ກໍ່ແມ່ນລະບອບພັກການເມືອງທີ່ສອດຄ່ອງກັບສະພາບແຫ່ງຈີນແລະມີສີສັນພິເສດຂອງຈີນ,ຄະນະກຳມະການສະພາປຶກສາການເມືອງແຫ່ງຊາດຈີນໃນຖານເປັນບ່ອນສຳຄັນທີ່ບັນດາພັກຝ່າຍປະຊາທິປະໄຕ ອົງການຈັດຕັ້ງປະຊາຊົນ ຜູ້ຊົງຄຸນວຸດທິບັນດາຊົນເຜົ່າແລະວົງການຕ່າງໆເຂົ້າຮ່ວມແລະປຶກສາການເມືອງ ສະມັກຄີແລະຮ່ວມມືກັນ,ຖືກເອີ້ນເປັນອົງການຫາລືແລະໃຫ້ຄຳປຶກສາສູງສຸດຂອງຈີນ,ໂດຍຜ່ານບ່ອນສຳຄັນກໍຄື: ສະພາປຶກສາການເມືອງປະຊາຊົນຈີນ,ພັກກອມມູນິດແລະລັດຖະບານຈີນໄດ້ຫາລືບັນຫາສຳຄັນຈຳນວນຫນຶ່ງກັບສະພາປຶກສາການເມືອງ,ຮັບຟັງຄວາມເຫັນແລະຂໍ້ສະເຫນີຂອງພວກເຂົາເຈົ້າ,ສະພາປຶກສາການເມືອງກໍຈັດຕັ້ງອົງການຈັດຕັ້ງຂອງພັກຝ່າຍຕ່າງໆແລະຜູ່ຊົງຄຸນວຸດທິວົງການຕ່າງໆບັນດາຊົນເຜົ່າທີ່ເຂົ້າຮ່ວມສະພາປຶກສາການເມືອງພ້ອມກັນຫາລືວຽກບ້ານການເມືອງແຫ່ງຊາດ,ແລະຕິດຕາມກວດກາວຽກງານຂອງອົງການລັດແລະພະນັກງານອົງການລັດແລະສະເຫນີຄວາມເຫັນຕິຕຽນ.
ສະພາປຶກສາການເມືອງຂອງຈີນມີລັກສະນະຕົວແທນຢ່າງກວ້າງຂວາງດ້ານອົງການຈັດຕັ້ງ,ຄະນະກຳມະການສະພາປຶກສາການເມືອງປະກອບດ້ວຍຜູ່ຕາງຫນ້າພັກກອມມູນິດຈີນ ບັນດາພັກຝ່າຍປະຊາທິປະໄຕ ຜູ່ຊົງຄຸນວຸດທິທີ່ບໍ່ສັງກັດພັກຝ່າຍໃດ ອົງການຈັດຕັ້ງປະຊາຊົນ ບັນດາຊົນເຜົ່າແລະວົງການຕ່າງໆ ຜູ່ຕາງຫນ້າເຂດບໍລິຫານພິເສດຮົງກົງ ຜູ່ຕາງຫນ້າເຂດບໍລິຫານພິເສດມາກາວ ພີ່ນ້ອງຮ່ວມຊາດໄຕ້ຫວັນ ພີ່ນ້ອງຮ່ວມຊາດຊາວຈີນຕ່າງດ້າວທີ່ກັບຄືນປະເທດແລະຜູ່ຊົງຄຸນວຸດທິທີ່ໄດ້ຮັບການເຊື້ອເຊີນພິເສດ,ໄດ້ສ້າງຕັ້ງ 34 ວົງການ,ໃນສະພາປຶກສາການເມືອງ,ຜູ່ຊົງຄຸນວຸດທິທີ່ສັງກັດພັກຝ່າຍຕ່າງກັນ ຊົນເຜົ່າຕ່າງກັນແລະເຊື່ອຖືສາສະຫນາຕ່າງກັນພ້ອມກັນເຂົ້າຮ່ວມແລະຫາລືວຽກງານການປົກຄອງໃນກອງປະຊຸມສະພາປຶກສາການເມືອງ, ສາມາດສະເຫນີຄວາມຄຶດຄວາມເຫັນຕ່າງໆຢ່າງເຕັມສ່ວນ,ສິດປະຊາທິປະໄຕຂອງກຳມະການສະພາປຶກສາການເມືອງໄດ້ຮັບການປົກປ້ອງຢ່າງຄົບຖ້ວນ ພ້ອມກັນນັ້ນ,ສະພາປຶກສາການເມືອງຍັງແມ່ນບ່ອນສຳຄັນທີ່ຫຼາຍພັກຮ່ວມມືກັນ,ພັກກອມມູນິດຈີນທີ່ກຳອຳນາດແລະອີກ 8 ພັກປະຊາທິປະໄຕແມ່ນພາກສ່ວນປະກອບ ສຳຄັນຂອງສະພາປຶກສາການເມືອງ,ບັນດາພັກຝ່າຍປະຊາທິປະໄຕ ສາມາດປະກອບຄວາມຄຶດຄວາມເຫັນໃນສະພາປຶກສາການເມືອງໃນນາມພັກການເມືອງຂອງຕົນດຳເນີນການເຄື່ອນໄຫວຕ່າງໆທີ່ເຂົ້າຮ່ວມແລະຫາລືວຽກງານການປົກຄອງ.
ໂດຍອີງຕາມກົດບັດຂອງສະພາປຶກສາການເມືອງ,ກຳມະການຂອງສະພາປຶກສາການເມືອງສາມາດ ຕິດຕາມກວດກາແບບປະຊາທິປະໄຕຕໍ່ລັດຖະບານດ້ວຍຫຼາຍຮູບແບບ,ສ່ອງແສງຄວາມປາຖະຫນາແລະຄຳຮຽກຮ້ອງຂອງປະຊາຊົນບັນດາເຜົ່າແລະວົງການຕ່າງໆ,ໃນນັ້ນ,ຮູບການໂດຍກົງກວ່າຫມູ່ແລະມີປະສິດທິຜົນກວ່າຫມູ່ທີ່ເຂົ້າຮ່ວມແລະຫາລືວຽກງານການປົກຄອງກໍແມ່ນສະເຫນີ ຍັດຕິໂດຍແນ່ໃສ່ນະໂຍບາຍ ທິດທາງຂອງລັດ ບັນຫາສຳຄັນໃນຊີວິດສັງຄົມ,ຍັດຕິແມ່ນຄວາມເຫັນແລະຂໍ້ສະເຫນີທາງລາຍລັກອັກສອນທີ່ກຳມະການສະພາປຶກສາການເມືອງ ພັກຝ່າຍແລະອົງການຈັດຕັ້ງຕ່າງໆທີ່ເຂົ້າຮ່ວມສະພາປຶກສາການເມືອງສະເຫນີໃຫ້ສະພາປຶກສາການເມືອງແລະແມ່ນຮູບການສຳຄັນແນວຫນຶ່ງທີ່ພວກເຂົາເຈົ້າປະຕິບັດຫນ້າທີ່,ຍັດຕິເຫຼົ່ານີ້ຈະຖືກສະພາປຶກສາການເມືອງມອບໃຫ້ ຂະແຫນງການທີ່ກ່ຽວຂ້ອງຂອງລັດຖະບານຊຳລະແກ້ໄຂ,ຂະແຫນງການລັດຖະບານທີ່ຊຳລະຍັດຕິຕ້ອງແຈ້ງສະພາບການຊຳລະຍັດຕິໃຫ້ສະພາປຶກສາການເມືອງຊາບພາຍໃນເວລາກຳນົດ.ໃນພຶດຕິກຳ,ຫຼາຍເນື້ອໃນທີ່ຍັດຕິກ່ຽວພັນເຖິງນັ້ນລ້ວນແຕ່ຕ້ອງສ່ອງແສງໃຫ້ເຫັນໃນທິດທາງແລະນະໂຍບາຍທີ່ລັດຖະບານຈີນຈະວາງອອກໃນທີ່ສຸດ.
ສະພາປຶກສາການເມືອງກໍຖືກເອີ້ນເປັນຄະນະຫົວປັນຍາຂອງຈີນ,ຜູ່ຊ່ຽວຊານ ນັກປາດຈຳນວນຫຼວງຫຼາຍໃນຂົງເຂດຕ່າງໆຂອງຈີນລ້ວນແຕ່ແມ່ນກຳມະການຂອງສະພາປຶກສາການເມືອງ,ພວກເຂົາເຈົ້າຕັ້ງຫນ້າປະກອບຄຳຄຶດຄຳເຫັນໃຫ້ແກ່ການພັດທະນາແລະການກໍ່ສ້າງຂອງຈີນໃນແງ່ແລະດ້ານຕ່າງກັນ,ຄວາມເຫັນແລະຂໍ້ສະເຫນີຈຳນວນຫຼວງຫຼາຍຖືກລັດຖະບານຈີນຮັບເອົາ,ທັງນີ້ໄດ້ເສີມຂະຫຍາຍບົດບາດຊຸກຍູ້ອັນຕັ້ງຫນ້າຕໍ່ການພັດທະນາເສດຖະກິດແລະຄວາມກ້າວຫນ້າຂອງສັງຄົມຈີນ ອາຍຸການຂອງສະພາປຶກສາການເມືອງແຫ່ງຊາດຈີນແມ່ນຊຸດລະ 5 ປີ, ປີຫນຶ່ງຈັດກອງປະຊຸມຄົບຄະນະເທື່ອຫນຶ່ງ,ປີນີ້,ກອງປະຊຸມທີ່ຈະໄຂຂຶ້ນແມ່ນກອງປະຊຸມຄົບຄະນະຄັ້ງທີ 3 ຂອງສະພາປຶກສາການເມືອງສະໄຫມທີ 10,ເມື່ອຮອດເວລານັ້ນ,ຈະມີກຳມະການ 2200 ກວ່າທ່ານເຂົ້າຮ່ວມກອງປະຊຸມເທື່ອນີ້.
|
