ປະຊາຄົມໂລກກ່າວປະນາມທ່ານເສີນສຸຍປຽນທີ່ຢຸດຕິຄະນະກຳມະການທ້ອນໂຮມປະເທດແລະໂຄງການທ້ອນໂຮມປະເທດ
cri
ຕາມຂ່າວCRI,ພາຍຫຼັງທ່ານເສີນສຸຍປຽນເຈົ້າໜ້າທີ່ໄຕ້ຫວັນຢຸດຕິການໝູນເດີນຄະນະກຳມະການທ້ອນໂຮມປະເທດແລະເຊົາໃຊ້ໂຄງການທ້ອນໂຮມປະເທດແລ້ວ,ວັນທີ1ມີນາ,ອົງການຈັດຕັ້ງສາກົນແລະປະເທດຈຳນວນໜຶ່ງສືບຕໍ່ກ່າວປະນາມຢ່າງຮຸນແຮງຕໍ່ການກະທຳຂອງທ່ານເສີນສຸຍປຽນທີ່ເຈຕະນາແບ່ງແຍກໄຕ້ຫວັນໃຫ້ເປັນເອກະລາດ.
ວັນທີ1ມີນາ,ໂອຕຼີສປະເທດປະທານວຽນຂອງສະຫະພາບເອີລົບໄດ້ຕາງໜ້າສະຫະພາບເອີລົບອອກຖະແຫຼງການກ່າວເນັ້ນວ່າ,ການກະທຳຂອງທ່ານເສີນສຸຍປຽນບໍ່ມີຜົນດີຕໍ່ການຮັກສາສະຖຽນລະພາບແລະການພັດທະນາໂດຍສັນຕິຂອງຊ່ອງແຄບໄຕ້ຫວັນ,ສະຫະພາບເອີລົບຫວັງໃຫ້ສອງຝັ່ງຊ່ອງແຄບຈົ່ງຮັກສາຄວາມ ອົດກັ້ນໄວ້,ຫຼີກເວັ້ນບໍ່ໃຫ້ສະຖານະການເຄັ່ງຕຶ່ງຂຶ້ນອີກ.
ມື້ດຽວກັນ,ກະຊວງການຕ່າງປະເທດຣັດເຊຍກ່າວວ່າ,ຫຼັກໝັ້ນຂອງຝ່າຍຣັດເຊຍກ່ຽວກັບບັນຫາໄຕ້ຫວັນບໍ່ໄດ້ປ່ຽນແປງ.
ໃນຖະແຫຼງການຂອງກະຊວງການຕ່າງປະເທດໂກຼອາຊີທີ່ປະກາດໃນວັນທີ1ມີນາຂຽນວ່າ,ລັດຖະບານໂກຼອາຊີຍຶດໝັ້ນນະໂຍບາຍຈີນດຽວ,ຫວັງໃຫ້ບັນດາຝ່າຍທີ່ກ່ຽວຂ້ອງຂອງສອງຝັ່ງຊ່ອງແຄບໄຕ້ຫວັນເພີ່ມທະວີການສົນທະນາກັນແລະເພີ່ມຄວາມໄວ້ເນື້ອເຊື່ອໃຈກັນ.
ກະຊວງການຕ່າງປະເທດຂອງແຊກບີມົງເຕເນໂກຼກໍ່ໄດ້ອອກຖະແຫຼງການວ່າ,ການກໍ່ການແບ່ງແຍກແລະການປະທະກັນຈະເຂົ້າແທນການຮ່ວມມືແລະທ້ອນໂຮມປະເທດໂດຍສັນຕິບໍ່ໄດ້,ລັດຖະບານແຊກບີມົງເຕເນໂກຼສະໜັບສະໜູນນະໂຍບາຍປະເທດດຽວສອງລະບອບຂອງລັດຖະບານສ.ປ.ຈີນ,ສະໜັບສະໜູນສອງຝັ່ງຊ່ອງແຄບດຳເນີນການໄປມາຫາສູ່ກັນດ້ານໄປສະນີ,ການເດີນເຮືອເດີນອາກາດ, ແລະການຄ້າ.
ກ່ອນໜ້ານີ້,ລັດຖະບານຝລັ່ງ,ຍີ່ປຸ່ນ,ຟິລິບປິນ,ສິງກະໂປແລະໄຊປຼັດກໍ່ຕ່າງໄດ້ກ່າວລຶ້ມຫຼັກໝັ້ນຫຼັກການທີ່ຍຶດໝັ້ນນະໂບບາຍຈີນດຽວ.
|
|