|
ຄວາມຊີນເຄີຍຊີວິດຫຼາຍຢ່າງທີ່ຄົນຈີນຖືວ່າເປັນເລື້ອງທຳມະດານັ້ນທີ່ຈິງແມ່ນຮີດບໍ່ຄ່ອງຄອງບໍ່ດີ,ຍົກຕົວຢ່າງໃນເວລາລົມກັນຢູ່ສະຖານທີ່ສາທາລະນະ,ສຽງດັງໂພດ,ຖ້າລົດເມບໍ່ລຽນແຖວແລະອື່ນໆ.ແຕ່ປະກົດການເຫຼົ່ານີ້ພວມຫຼຸດໜ້ອຍລົງຄ່ອຍໆ,ປະຈຸບັນ,ທົ່ວສັງຄົມຂອງຈີນລ້ວນແຕ່ພວມສົ່ງເສີມການກະທຳສຸພາບ,ຄຸນທາດມາລະຍາດສຸພາບຂອງຄົນທັງຫຼາຍກໍ່ພວມຍົກສູງຂຶ້ນຢ່າງບໍ່ຢຸດຢັ້ງ.
ໃນໂມງຕອນເຊົ້າທີ່ຟ້າວຟັ່ງເຂົ້າການ,ຢູ່ຄິວລົດເມແຫ່ງໜຶ່ງຖະໜົນຕົງຊາງອ່ານແຈປັກກິ່ງ,ນັກຂ່າວໄດ້ເຫັນ,ຢູ່ໃຕ້ປ້າຍຄິວລົດເມ4-5ແຜ່ນທີ່ລົດເມຈະແລ່ນໄປປາຍທາງຕ່າງກັນ,ຜູ້ໂດຍສານພວມລຽນແຖວຖ້າລົດເມຢ່າງມີລະບຽບ.ທ່ານນາງລິວສຽວຕີ້ທີ່ຈະຂີ່ລົດເມສາຍ318ບອກນັກຂ່າວວ່າ,ກ່ອນນີ້ປີປາຍ,ສະພາບການຖ້າລົດເມບໍ່ເປັນແນວນີ້:
"ແຕ່ກ່ອນຖ້າລົດເມຄົນແຫຍ້ກັນຫຫຼາຍ,ເມື່ອລົດມາແລ້ວ,ລ້ວນແຕ່ຍາດກັນຂຶ້ນລົດ,ຜູ້ໜຸ່ມຂຶ້ນໄດ້,ແຕ່ຜູ້ເຖົ້າຜູ້ແກ່ແລະເດັກນ້ອຍພັດຂຶ້ນບໍ່ໄດ້.ດຽວນີ້ດີຫຼາຍແລ້ວ,ຄົນທັງຫຼາຍໄດ້ລຽນແຖວ,ຄ່ອຍໆໄດ້ເປັນຊີນເຄີຍ,ຂ້າພະເຈົ້າຮູ້ສຶກວ່າຄຸນທາດຂອງຄົນພວມຍົກສູງຂຶ້ນ."
ໃນບໍ່ເທົ່າໃດປີມານີ້,ເຖິງວ່າການກໍ່ສ້າງຄົມມະນາຄົມສາທາລະນະປັກກິ່ງໄດ້ພັດທະນາຢ່າງວ່ອງໄວ,ແຕ່ສຳລັບຕົວເມືອງໃຫຍ່ທີ່ມີປະຊາກອນຫຼາຍກວ່າ10ລ້ານຄົນ,ຄວາມສາມາດຂົນສົ່ງຍັງບໍ່ພໍ.ແຕ່ກ່ອນ,ໃນໂມງຟ້າວຟັ່ງເຂົ້າການເລີກການ,ຄົນທັງຫຼາຍບໍ່ເອົາໃຈໃສ່ລະບຽບຂີ່ລົດເມ,ສະພາບການຍາດກັນຂຶ້ນລົດ,ຊຸກປະກົດຂຶ້ນເລື້ອຍໆ.ແຕ່ໃນສອງປີມານີ້,ປະກົດການທີ່ລຽນແຖວຂີ່ລົດເມໄດ້ກາຍເປັນສະພາບການທົ່ວໄປແລ້ວ.
ເມື່ອຍ່າງຕາມຖະໜົນປັກກິ່ງ,ທ່ານຍັງຈະໄດ້ເຫັນ,ປະກົດການຖິ້ມຂີ້ເຫຍື້ອຊະຊາຍແລະຖົ່ມຂີ້ກະເທີ່ທົ່ວທີບໄດ້ໜ້ອຍແລ້ວ,ຄົນທັງຫຼາຍນັບມື້ນນັບເອົາໃຈໃສ່ນຳການກະທຳສຸພາບຂອງຕົນຢູ່ສະຖານທີ່ສາທາລະນະ,ໃນເວລາຟັງງານດົນຕີ,ເບິ່ງການແຂ່ງຂັນກິລາ,ຄົນທັງຫຼາຍກໍເປັນເຈົ້າການປິດມືຖື,ຕົບມືແລະຮ້ອງຊົມເຊີນທີ່ຖືກກັບກາລະເວລາ.
ການປ່ຽນແປງແນວນີ້ບໍ່ພຽງແຕ່ຢູ່ປັກກິ່ງຢູ່ຕົວເມືອງອື່ນຂອງຈີນກໍຈະໄດ້ເຫັນເຊັ່ນດຽວກັນ.ຫວ່າງມໍ່ໆນີ້,ນັກຂ່າວໄປສຳພາດຢູ່ເມືອງຮາງໂຈ່ວເທດສະບານແຂວງເຈີຈຽງພາກຕາເວັນອອກຂອງຈີນ,ພໍຍ່າງອອກຈາກເດີ່ນບິນ,ກໍໄດ້ສຳຜັດຄວາມຈູບຈ້າວຂອງໂຊເຟີຕັກຊີໂລດ.
ໂຊເຟີຈີ່ນຢົງຊີ່ນມີອາຍຸ40ປີປາຍ,ເພີ່ນໄດ້ຂັບຕັກຊີ20ປີແລ້ວ.ເພື່ອອຳນວຍຄວາມສະດວກແກ່ຜູ້ໂດຍສານ,ໃນລົດສີຂຽວຍີ່ຫໍ້ໂຊນາທາຂອງທ່ານມີແຜນທີ່ ເມືອງຮາງໂຈ່ວ,ມີໜັງສືພິມ,ເຈັ້ຍອະນາໄມແລະເຄື່ອງຫຍິບເສື້ອ.ທ່ານຈີ່ນຢົງຊີ່ນເຫັນວ່າ,ທ່ານເປັນໂຊເຟີຕັກຊີ,ຍັງແມ່ນຜູ້ໂຄສະນາຜູ້ໜຶ່ງຂອງຕົວເມືອງນີ້,ການກະທໍາຂອງຕົນກໍ່ເປັນຕົວແທນໃບໜ້າຂອງເມືອງຮາງໂຈ່ວ.ທ່ານເວົ້າວ່າ:
"ເມື່ອແຂກຮອດຮາງໂຈ່ວແລ້ວຈະສໍາຜັດກັບໂຊເຟີຕັກຊີພວກເຮົາກ່ອນ.ການບໍລິການຂອງຕົນດີຫຼືບໍ່,ມັນເປັນຂີດໝາຍສະແດງໃຫ້ເຫັນລະດັບອາລະຍະທຳຂອງເມືອງຢ່າງເຕັມທີ່."
ທ່ານຈີ່ນຢົງຊີ່ນເວົ້າວ່າ,ທ່ານໄດ້ຮູ້ສຶກວ່າໃນບໍ່ເທົ່າໃດປີມານີ້ຄຸນທາດຂຂອງໂຊເຟີຕັກຊີເມືອງຮາງໂຈ່ວໄດ້ຍົງສູງຂຶ້ນຫຼາຍ,ໃນເລລາພວກເພິ່ນຂັບລົດຄົງຈະເປັນເຈົ້າການຫຼີກທາງໃຫ້ຄົນສັນຈອນ,ບໍ່ເປົ່າແກທົ່ວທີບອີກ,ບໍ່ຈອດລົດແຄມທາງທົ່ວທີບເພື່ອດູດດຶງຜູ້ໂດຍສານ,ປາກເວົ້າກໍ່ໃຊ້ຄຳສຸພາບ.
ບໍ່ພຽນແຕ່ຢູ່ໃນຕົວເມືອງຂອງຈີນເທົ່ານັ້ນ,ຢູ່ຊົນນະບົດ,ຄົນທັງຫຼາຍກໍ່ມີການກະທຳອາລະຍະທຳຫຼາຍຂຶ້ນ,ແກ້ຄວາມຊີນເຄີຍບໍ່ອະນາໄມແລະບໍ່ສຸພາບເຫຼົ່ານັ້ນ.ບ້ານຊ່າເຄິ່ງແມ່ນບ້ານໜ້ອຍແຫ່ງໜຶ່ງຂອງເມືອງຊ່າເວັນເຂດຟັນຢູຂອງນະຄອນກວາງໂຈ່ວ.ຫວ່າງມໍ່ໆນີ້,ໃນເວລານັກຂ່າວໄປສຳພາດ,ໄດ້ເຫັນຜູ້ເຖົ້າແລະເດັກນ້ອຍບາງຄົນພວມຫຼິ້ນຢູ່ໃຕ້ຮົ່ມໄມ້ຢ່າງມ່ວນຊື່ນ.ທ່ານໂຈ່ວຢີ້ຊິ່ງ ໄທບ້ານນີ້ບອກນັກຂ່າວວ່າ,ແຕ່ກ່ອນພວກໄທບ້ານລ້ວນແຕ່ບໍ່ເອົາໃຈ່ໃສ່ນຳອະນາໄມຂອງສະພາບແວດລ້ອມ,ໝູ,ໄກ່,ເປັດລ້ຽງປ່ອຍຊະ,ຖິ້ມຂີ້ເຫຍື້ອຕາມໃຈ,ບໍ່ອະນາໄມບານໃດ.ສ່ວນດຽວນີ້,ສັດລ້ຽງລ້ວນແຕ່ລ້ຽງໃນຄອກ,ແຕ່ລະຫຼັງເຮືອນລ້ວນແຕ່ໃຊ້ຖັງຂີ້ເຫຍື້ອ,ມີຄົນໄປເກັບຂີ້ເຫຍື້ອຢູ່ຮອດທຸກຫຼັງເຮືອນໃນແຕ່ລະມື້.ທ່ານເວົ້າວ່າ:
"ປະຈຸບັນ,ຊີວິດການເປັນຢູ່ດີຂຶ້ນ,ຄົນທັງຫຼາຍກໍ່ຈະສະແຫວງຫາສະໜຸກສະໜານ,ມີສະພາບແວດລ້ອມດີ,ສະນັ້ນແຕ່ລະຄົນລ້ວນແຕ່ເອົາໃຈໃສ່ມີຄວາມຊີນເຄີຍຊີວິດອັນດີງາມ.ບໍ່ວ່າຈະມີຂັ້ນເທິງມາກວດກາຫຼືບໍ່,ພວກຂ້າພະເຈົ້າກໍ່ຈະໄດ້ເຮັດອະນາໄມສະພາບແວດລ້ອມໃຫ້ຮຽບຮ້ອຍ."
ໃນຂະນະທີ່ຄົນທັງຫຼາຍເປັນເຈົ້າການເຮັດໃຫ້ສະພາບແວດລ້ອມແລະລະບຽບສັງຄົມດີງາມນັ້ນ,ຈີນຍັງໄດ້ສ້າງກົດໝາຍແລະລະບອບກ່ຽວຂ້ອງເພື່ອຊຸກຍູ້ໄທບ້ານໄທເມືອງຍົກສູງລະດັບອາລະຍະທຳ.ພາກສ່ວນກ່ຽວຂ້ອງອົງການປົກຄອງທຸກຊັ້ນຍັງໃຊ້ມາດຕະການກ່ຽວຂ້ອງມາສົມທົບ,ເຊັ່ນເພີ່ມທະວີປະລິມານຫ້ອງນ້ຳສາທາລະນະແລະຖັງຂີ້ເຫຍື້ອສາທາລະນະ,ຮຽບຮຽງພິມປື້ມຄູ່ມືມາລະຍາດສຸພາບຂອງພົນລະເມືອງ,ແຈກຢາຍໃຫ້ໄທບ້ານໄທເມືອງໂດຍລ້າ;ຕ່າງໆໜັງສືພິມ,ໂທລະພາບເປັນຕົ້ນຍັງໄດ້ຜະລິດຟິມເລື້ອງສັ້ນ,ຟິມກາຕູນເປັນຕົ້ນ,ບຳລຸງສ້າງຄຸນ ທາດມາລະຍາດຂອງພົນລະເມືອງໃນຊີວິດປະຈຳວັນຢູ່ສະຖານທີ່,ສາທະລະນະ,ຄົມຄາສະມາຄົມກັບຄົນຕ່າງປະເທດເປັນຕົ້ນ;ພາກສ່ວນຄຸ້ມຄອງປະຕິບັດມາດຕະການປັບໄໝຕໍ່ບາງການກະທຳບໍ່ອາລະຍະທຳ,ເຊັ່ນຢູ່ຮາງໂຈ່ວ, ຜູ້ຖົ່ມຂີ້ກະເທີ່ທົ່ວທີບຈະຖືກປັນໃໝເງິນ50ຢວນ.
ກ່ຽວກັບສາຍເຫດທີ່ເກີດຄວາມຊີນເຄີຍທີ່ບໍ່ດີນັ້ນ,ທ່ານນາງເກີເຊັນຮົງສາດສະດາຈານປັດຊະຍາຂອງມາຫະວິທະຍາໄລປະຊາຊົນຈີນເຫັນວ່າ:
"ການຍົກສູງລະດັບອາລະຍະທຳດ້ານວັດຖຸແລະອາລະຍະທຳດ້ານຈິດໃຈຈະກະທົບກະເທືອນເຖິງແບບແຜນດຳລົງຊີວິດຂອງຄົນໂດຍກົງ.ກ່ອນອື່ນ,ທັດສະນະຄະຕິຂອງຄົນໄດ້ມີການປ່ຽນແປງ,ກໍພາຄົນທັງຫຼາຍມີແບບແຜນດຳລົງວິທີຊີວິດແລະຄວາມຊີນເຄີຍການປະພຶດທີ່ມີການອາລະຍະທຳ,ປ່ຽນແປງສິ່ງບໍ່ສອດຄ່ອງກັບແບບແຜນດຳລົງຊີວິດອາລະຍາທຳສະໄໝປະຈຸບັນຂອງຕົນຢ່າງເປັນລຳດັບ."
ຜູ້ຊ່ຽວຊານກ່ຽວຂ້ອງເຫັນວ່າ,ຄຽງຄູ່ກັບເສດຖະກິດຂອງຈີນໄດ້ພັດທະນາແລະສັງຄົມໄປຂຶ້ນລະດັບທັນສະໄໝ,ແບບແຜນຂອງການກະທຳຂອງຄົນຈີນກໍ່ກ້າວໄປໜ້າດ້ວຍຈັງຫວະກ້າວຄວາມປາດຖະໜ້າຂອງ,ຄົນທັງຫຼາຍທີ່ສະແຫວງຫາຄຸນນະພາບຊີວິດແລະສະພາບແວດລ້ອມຊີວິດສູງກວ່າເກົ່າກໍ່ໄດ້ກາຍເປັນເລື້ອງແນ່ນອນແລ້ວ.
|
